2 Samuel 7:19 - Ang Pulong sa Dios

¹⁹ Ug karon, Ginoong Dios, aduna ka pa gayod saad mahitungod sa kaugmaon sa akong pamilya. Mao ba gayod kini ang sagad nimong ginahimo ngadto sa tawo?

Ang Biblia 2011

¹⁹ Ug kini usa lamang ka gamay nga butang sa imong mga mata, O Ginoong Dios, ikaw nagsulti usab mahitungod sa balay sa imong sulugoon alang sa taas nga panahon nga umaabot, ug gipakita nimo kanako ang umaabot nakong mga kaliwat, O Ginoong Dios!

Maayong Balita Biblia

¹⁹ Apan alang kanimo diyutay ra kini, O Ginoong Dios! Naghimo ka ug mga saad mahitungod sa akong mga kaliwat sa umaabot nga mga katuigan ug gipakita mo kini sa tawo, O Ginoong Dios!

Ang Bag-ong Maayong Balita Biblia

¹⁹ Apan alang kanimo diyutay ra kini, O Ginoong Dios! Naghimo ka ug mga saad mahitungod sa akong mga kaliwat sa umaabot nga mga katuigan ug gipakita mo kini sa tawo, O Ginoong Dios!

2 Samuel 7:19 Cross References

2 Samuel 12:8

Gihatag ko kanimo ang iyang gingharian ug ang iyang mga asawa. Gihimo ka nako nga hari sa tibuok Israel ug Juda. Ug kon kulang pa kini, mahatagan ko pa ikaw ug mas daghan.

2 Mga Hari 3:18

Sayon lang kining butanga alang sa Ginoo. Itugyan usab niya kaninyo ang mga Moabihanon.

1 Cronicas 17:17

Ug wala ka pa makontento, O Dios, aduna ka pa gayod gisaad bahin sa kaugmaon sa akong pamilya. Giisip mo ako nga daw usa ka dungganon kaayo nga tawo, O Ginoong Dios.

Salmo 36:7

Kabililhon sa imong gugma, O Dios. Gipanalipdan mo ang mga tawo sama sa pagpanalipod sa langgam sa iyang mga piso ilalom sa iyang mga pako.

Ezequiel 34:18

Ang uban kaninyo dili pa kontento sa pagpanabsab sa maayo nga sabsabanan; unya yatak-yatakan pa gayod ninyo ang uban nga mga sabsabanan. Ang uban dili pa kontento sa pag-inom sa tin-aw nga tubig; lubugon pa gayod ninyo ang uban nga tubig.

Numeros 16:13

Dili pa ba igo nga gikuha mo kami gikan sa Ehipto diin ang yuta maayo ug mabungahon aron patyon lang dinhi sa kamingawan? Unya karon gusto ka pang magpahari-hari kanamo?

Numeros 16:9

Dili pa ba igo alang kaninyo nga sa tanang mga Israelinhon kamo ang gipili sa Dios sa Israel aron makaduol sa iyang presensya sa pag-alagad diha sa Tolda sa Ginoo ug sa pag-alagad alang sa katilingban?

Mga Taga-Efeso 2:7

Gibuhat niya kini aron ikapakita sa tanan, sa umaabot nga mga adlaw, ang dili matupngan nga grasya ug kaayo nga iyang gihatag kanato pinaagi kang Cristo Jesus.

Josue 5:14

Mitubag ang tawo, “Dili ninyo ako kaabin o kaaway. Mianhi ako dinhi ingon nga pangulo sa kasundalohan sa Ginoo.” Mihapa si Josue sa pagtahod ug unya nangutana kaniya, “Sir, unsay gusto nimong isugo kanako nga imong alagad?”