2 Samuel 7:18 - Ang Pulong sa Dios

¹⁸ Unya misulod si Haring David sa Tolda sa Sudlanan sa Kasabotan. Milingkod siya diha sa presensya sa Ginoo ug nag-ampo: “Ginoong Dios, si kinsa ba gayod ako ug ang akong pamilya nga gipanalanginan mo man ako ug sama niini?

Ang Biblia 2011

¹⁸ Unya si Hari David misulod ug milingkod sa atubangan sa Ginoo, ug miingon, “Kinsa ako, O Ginoong Dios, ug unsa ba ang akong balay nga gidala man nimo ako hangtod niini nga kalayoon?

Maayong Balita Biblia

¹⁸ Unya miadto si David sa Tolda nga Tagboanan. Milingkod siya didto aron mag-ampo. Miingon siya, “Kinsa man ako, O Ginoong Dios? Unsa man ang akong banay nga hangtod karon nag-uban ka man kanako?

Ang Bag-ong Maayong Balita Biblia

¹⁸ Unya miadto si David sa Tolda nga Tagboanan. Milingkod siya didto aron mag-ampo. Miingon siya, “Kinsa man ako, O Ginoong Dios? Unsa man ang akong banay nga hangtod karon nag-uban ka man kanako?

2 Samuel 7:18 Cross References

Genesis 32:10

Dili ako takos nga modawat sa tanan nga kaayo ug pagkamatinumanon nga imo nang gipakita kanako nga imong alagad. Kay sa pagtabok ko kaniadto sa Jordan baston ra ang akong dala, apan karon adunay duha na ako ka grupo.

Genesis 32:11

Nanghangyo ako kanimo nga luwason mo ako gikan sa kamot sa akong igsoon nga si Esau. Nahadlok ako nga tingalig moanhi siya ug pamatyon kaming tanan, apil ang mga inahan ug ang ilang mga anak.

2 Samuel 23:5

“Ingon gayod niana ang akong pamilya sa panan-aw sa Dios, kay naghimo siyag kasabotan nga walay kataposan uban kanako. Kini nga kasabotan maayo ang pagkahan-ay ug dili mausab. Busa sigurado ako nga luwason ako kanunay sa Dios ug ihatag niya kanako ang tanan kong gipangandoy.

2 Samuel 7:17

Gisugilon ni Natan kang David ang tanang gipadayag sa Dios kaniya.

1 Cronicas 17:16

Unya misulod si Haring David sa Tolda diin nahimutang ang Sudlanan sa Kasabotan. Milingkod siya diha sa presensya sa Ginoo ug nag-ampo. “Ginoong Dios, si kinsa ba gayod ako ug ang akong pamilya nga gipanalanginan mo man ako ug sama niini?

1 Cronicas 29:14

“Apan kinsa man ako ug ang akong katawhan nga makahimo man kami sa paghatag nga madagayaon sama niini? Ang tanang mga butang naggikan kanimo, ug gibalik lang namo kanimo ang imong gihatag kanamo.

Salmo 8:4

makapangutana ako sa akong kaugalingon, “Unsa ba ang tawo nga gitagaan mo man gayod siya ug bili? Tawo man lang siya, nganong ginakabalak-an mo man gayod siya?”

Exodo 3:11

Apan miingon si Moises sa Dios, “Si kinsa man ko nga moadto sa hari ug mopagawas sa mga Israelinhon gikan sa Ehipto?”

Isaias 37:14

Pagkahuman ug basa ni Ezequias sa sulat nga gihatag kaniya sa mga mensahero, miadto siya sa Templo sa Ginoo ug gibukhad ang sulat sa presensya sa Ginoo.

Mga Taga-Efeso 3:8

Ako ang labing ubos sa tanang mga katawhan sa Dios, apan gihatagan ako sa Dios ug pribilihiyo sa pagsangyaw sa mga dili Judio sa Maayong Balita mahitungod sa dili masukod nga panalangin nga gikan kang Cristo.

Mga Maghuhukom 6:15

Mitubag si Gideon, “Apan Ginoo, unsaon ko man pagluwas ang Israel? Kay ang among pamilya mao man ang pinakahuyang sa tribo ni Manases ug ako pa gayod ang pinakaubos sa among pamilya.”

Ruth 2:10

Miluhod si Ruth ug miduko ngadto sa yuta ug miingon kang Boaz, “Nganong maayo ka man kaayo kanako nga usa man lang ako ka dumuduong?”

1 Samuel 15:17

Miingon si Samuel, “Bisag giisip mo kaniadto ang imong kaugalingon nga ubos, gipili ka gihapon sa Ginoo nga mahimong hari sa mga tribo sa Israel.

1 Samuel 18:18

Apan miingon si David kang Saulo, “Kinsa ba ako ug ang akong pamilya nga mahimong umagad sa hari?”

1 Samuel 9:21

Mitubag si Saulo, “Apan naggikan lang ako sa tribo ni Benjamin, ang labing gamay nga tribo sa Israel, ug ang among pamilya mao ang labing ubos sa among tribo. Nganong giingnan mo ako niana?”