2 Samuel 6:3 - Ang Pulong sa Dios

^3-4 Ang Sudlanan sa Dios didto sa balay ni Abinadab sa bungtod. Gikuha kini ni David ug sa iyang mga tawo, ug gikarga sa usa ka bag-ong karomata. Si Uza ug Ahio nga mga anak ni Abinadab mao ang gagiya sa karomata. Si Ahio ang gauna sa karomata.

Ang Biblia 2011

³ Ug gidala nila ang sudlanan sa kasabotan sa Dios sakay sa bag-ong karomata, ug gidala kini gawas sa balay ni Abinadab nga didto sa bungtod, ug si Uza ug si Ahio nga mga anak nga lalaki ni Abinadab mao ang nagtulod sa bag-ong karomata,

Maayong Balita Biblia

³ Gikarga nila ang Sudlanan sa usa ka bag-ong karomata gikan sa balay ni Abinadab nga didto sa tumoy sa usa ka bungtod. Ang nagdala sa karomata nga gikargahan sa Sudlanan mao si Usa ug si Ahio, ang mga anak ni Abinadab.

Ang Bag-ong Maayong Balita Biblia

³ Gikarga nila ang Sudlanan sa usa ka bag-ong karomata gikan sa balay ni Abinadab nga didto sa tumoy sa usa ka bungtod. Ang nagdala sa karomata nga gikargahan sa Sudlanan mao si Usa ug si Ahio, ang mga anak ni Abinadab.

2 Samuel 6:3 Cross References

1 Cronicas 15:13

Niadtong unang higayon dili kamo ang nagdala sa Sudlanan sa Kasabotan, busa sa iyang kasuko gisilotan kita sa Ginoo nga atong Dios. Wala man gud kita mangutana sa Ginoo sa hustong pamaagi sa pagdala niini.”

Salmo 132:6

Sa dihang didto kami sa Efrata nakadungog kami nga atua ang Sudlanan sa Kasabotan, ug nakita namo kini sa kaumahan sa Jaar.

1 Samuel 6:7

“Busa karon, paghimo kamog bag-ong karomata ug pagkuhag duha ka inayang baka nga wala pa sukad masangoni ug yugo. Isangon ninyo ang karomata ngadto sa mga baka, apan ayaw ninyo paubana ang ilang mga nati, kondili ikulong ninyo kini sa toril.

1 Samuel 7:1

Busa gikuha sa mga taga-Kiriat-Jearim ang Sudlanan sa Ginoo ug gidala ngadto sa balay ni Abinadab nga anaa mahimutang sa bungtod. Ug gipili nila si Eleazar, nga anak ni Abinadab sa pag-atiman niini.