2 Samuel 6:2 - Ang Pulong sa Dios

² Unya miadto sila sa Baala nga sakop sa Juda aron sa pagkuha sa Sudlanan sa Dios, diin anaa ang presensya sa Ginoo nga Makagagahom. Nagpuyo ang Ginoo taliwala sa mga kerubin diha sa ibabaw sa Sudlanan.

Ang Biblia 2011

² Ug si David mitindog ug miuban sa tibuok katawhan nga didto uban kaniya, gikan sa Baale-juda aron sa pagdala gikan didto sa sudlanan sa kasabotan sa Dios, nga gitawag pinaagi sa ngalan sa Ginoo sa mga panon nga naglingkod sa ibabaw sa mga kerubin.

Maayong Balita Biblia

² Unya miadto si David ug ang iyang mga tawo sa Baale-Juda aron pagkuha didto sa Sudlanan sa Kasabotan sa Dios, si Yahweh nga Labing Gamhanan nga naglingkod diha sa mga kerubin.

Ang Bag-ong Maayong Balita Biblia

² Unya miadto si David ug ang iyang mga tawo sa Baale-Juda aron pagkuha didto sa Sudlanan sa Kasabotan sa Dios, si Yahweh nga Labing Gamhanan nga naglingkod diha sa mga kerubin.

2 Samuel 6:2 Cross References

2 Samuel 22:11

Nagsakay siya sa kerubin, ug tulin kining milupad samtang gipalid sa hangin.

Salmo 80:1

Pamatia kami, O Magbalantay sa Israel, nga gagiya sa mga kaliwat ni Jose nga daw panon sa mga karnero. Ikaw nga naglingkod sa imong trono sa taliwala sa mga kerubin, ipakita ang imong pagkahalangdon

Salmo 99:1

Naghari ang  Ginoo ug naglingkod siya sa iyang trono taliwala sa mga kerubin. Busa nangurog ang mga tawo ug natay-og ang kalibotan.

Isaias 47:4

Ang atong Manluluwas, kansang ngalan Ginoo nga Makagagahom, mao ang Balaang Dios sa Israel.

Isaias 54:5

Kay ako nga imong Magbubuhat mahimong ingon sa usa ka bana kanimo. Makagagahom nga Ginoo ang akong ngalan. Ako, ang Balaan nga Dios sa Israel mao ang imong Manluluwas. Gitawag ako nga ‘Dios sa tibuok kalibotan.’

Josue 15:60

Ang Kiriat Baal (nga mao ang Kiriat-Jearim) ug ang Raba nga 2 ka mga lungsod lakip ang mga baryo sa palibot niini.

1 Pedro 1:12

Gipahibalo usab sila sa Dios nga ang ilang gipanulti dili alang sa ilang kaayohan kondili alang kanato. Ug karon ang ilang mga panagna nadungog na ninyo gikan sa mga nagsangyaw sa Maayong Balita. Nagsulti sila kaninyo pinaagi sa gahom sa Espiritu Santo nga gipadala kanila gikan sa langit. Ug bisan ang mga anghel gusto nga makasabot niining Maayong Balita nga gisulti kaninyo.

1 Samuel 4:4

Busa gipakuha nila gikan sa Silo ang Sudlanan sa Kasabotan sa Ginoo nga Makagagahom. Ang tabon niining Sudlanan adunay estatuwa sa duha ka kerubin, ug nagpuyo ang Ginoo taliwala niini. Miuban sa pagkuha sa Sudlanan sa Dios ang duha ka anak ni Eli nga si Hofni ug si Pinehas.

1 Samuel 6:21

Busa nagpadala sila ug mga mensahero ngadto sa mga taga-Kiriat-Jearim sa pag-ingon, “Gibalik sa mga Filistihanon ang Sudlanan sa Ginoo. Kuhaa ninyo kini dinhi ug dad-a dinha sa inyo.”

1 Samuel 7:1

Busa gikuha sa mga taga-Kiriat-Jearim ang Sudlanan sa Ginoo ug gidala ngadto sa balay ni Abinadab nga anaa mahimutang sa bungtod. Ug gipili nila si Eleazar, nga anak ni Abinadab sa pag-atiman niini.