2 Samuel 24:17 - Ang Pulong sa Dios

¹⁷ Sa dihang nakita ni David ang anghel nga mipatay sa mga tawo, miingon siya sa Ginoo, “Ako ang nakasala. Kining mga tawhana inosente sama sa mga karnero. Wala silay nahimong sala. Ako na lang ug ang akong pamilya ang siloti.”

Ang Biblia 2011

¹⁷ Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

Maayong Balita Biblia

¹⁷ Nakita ni David ang anghel nga nagpatay sa mga tawo ug miingon siya sa Ginoo, “Nakasala ako apan walay labot kining ubang Israelita. Naghangyo ako nga ako ug ang akong banay lamang maoy siloti.”

Ang Bag-ong Maayong Balita Biblia

¹⁷ Nakita ni David ang anghel nga nagpatay sa mga tawo ug miingon siya sa Ginoo, “Nakasala ako apan walay labot kining ubang Israelita. Naghangyo ako nga ako ug ang akong banay lamang maoy siloti.”

2 Samuel 24:17 Cross References

Genesis 18:23

Miduol si Abraham sa Ginoo ug nangutana, “Laglagon mo ba ang mga matarong uban sa mga daotan?

Genesis 44:33

“Busa, sir, ako na lang ang magpabilin dinhi isip imong ulipon puli sa among kamanghoran, ug tugoti na lang siya nga makapauli uban sa iyang mga igsoon.

2 Samuel 12:13

Unya miingon si David kang Natan, “Nakasala ako sa Ginoo.” Mitubag si Natan, “Gipasaylo ka na sa Ginoo, ug dili ka mamatay.

2 Samuel 24:10

Nakonsensya si David human niya ipaihap ang mga tawo. Busa miingon siya sa Ginoo, “Nakasala gayod ako sa akong gihimo. Busa nagpakiluoy ako kanimo, Ginoo, nga pasayloa ako nga imong alagad sa akong sala, kay kinabuang gayod ang akong gihimo.”

2 Samuel 7:8

“Sultihi usab si David nga ako, ang Ginoo nga Makagagahom, nag-ingon, ‘Magbalantay ka kaniadto sa mga karnero, apan gipili ka nako nga magdumala sa akong katawhan nga mga Israelinhon.

1 Mga Hari 22:17

Busa miingon si Micaya, “Nakita ko sa panan-awon nga nagkatag ang mga Israelinhon sa mga bukid sama sa mga karnero nga walay magbalantay, ug miingon ang Ginoo, ‘Wala nay agalon kining mga tawhana. Papaulia sila nga malinawon.’ ”

Job 42:6

Busa naulaw ako sa tanan kong gisulti bahin kanimo, ug gihinulsolan ko kini pinaagi sa paglingkod sa yuta ug sa abog.”

Job 7:20

Nakasala ba ako? Unsa ang sala nga nahimo ko kanimo, O Magbalantay sa tawo? Nganong gipuntirya mo man gayod ako? Bug-at ba ako nga palas-anon alang kanimo?

Salmo 32:5

Unya gisulti ko ang akong mga sala kanimo; wala akoy gitago. Miingon ako sa akong kaugalingon, “Isulti ko sa Ginoo ang akong mga sala,” ug gipasaylo mo ako.

Salmo 44:11

Gitugot mo nga mangamatay kami nga daw mga karnero nga gipang-ihaw. Ug ang uban kanamo imong gikatag sa mga kanasoran.

Salmo 74:1

O Dios, nganong gisalikway mo man kami sa hingpit? Nganong nasuko ka sa katawhan nga imong gibantayan?

Exodo 10:16

Dali-dali nga gipatawag sa hari si Moises ug si Aaron, ug giingnan, “Nakasala ako sa Ginoo nga inyong Dios ug kaninyo.

Isaias 6:5

Unya miingon ako, “Alaot ako! Sigurado gayod nga laglagon ako, tungod kay daotan ang akong mga ginapanulti ug nagpuyo ako uban sa mga tawong nagsulti usab ug daotan. Ug karon, nakita ko gayod ang Hari, ang  Ginoo nga Makagagahom.”

Jonas 1:12

Mitubag siya kanila, “Alsaha ninyo ako ug itambog sa dagat aron molinaw kini. Nasayod ako nga ako ang hinungdan kon nganong midangat kaninyo kining kusog nga bagyo.”

Zacarias 13:7

Miingon ang  Ginoo nga Makagagahom, “Patya ang akong magbalantay sa mga karnero, nga akong alagad. Patya siya ug magkatibulaag ang mga karnero, ang akong kabos nga katawhan. Ug kini sila akong silotan.

Numeros 16:22

Apan mihapa si Moises ug si Aaron ug miingon, “O Dios nga tinubdan sa kinabuhi sa tanang katawhan, masuko ka ba diay sa tibuok katilingban nga usa man lang ka tawo ang nakasala?”