2 Samuel 24:16 - Ang Pulong sa Dios

¹⁶ Sa dihang laglagon na sa anghel ang Jerusalem, nausab ang huna-huna sa Ginoo. Busa miingon siya sa anghel nga misilot sa mga tawo, “Husto na! Ayaw na silag siloti.” Niadtong tungora didto ang anghel sa Ginoo sa may giokanan ni Arauna nga Jebusihanon.

Ang Biblia 2011

¹⁶ Sa gibakyaw na sa anghel ang iyang kamot padulong sa Jerusalem aron sa paglaglag niini, ang Ginoo nasubo sa kadaotan nga nahimo ug miingon sa anghel nga naglaglag sa katawhan, “Igo na kana, ihunong ang imong kamot.” Ug ang anghel sa Ginoo diha dapit sa giokanan ni Arauna nga Jebusihanon.

Maayong Balita Biblia

¹⁶ Ug sa pagtuy-od sa anghel sa iyang kamot ngadto sa Jerusalem aron paglaglag niini, nausab ang hunahuna sa Ginoo tungod sa kadaot nga nahimo ug miingon siya sa anghel nga gitugyanan sa paglaglag sa mga tawo, “Husto na ug ipaubos ang imong kamot.” Didto ang anghel sa Ginoo sa giukanan ni Arauna, ang Jebusihanon.

Ang Bag-ong Maayong Balita Biblia

¹⁶ Ug sa pagtuy-od sa anghel sa iyang kamot ngadto sa Jerusalem aron paglaglag niini, nausab ang hunahuna sa Ginoo tungod sa kadaot nga nahimo ug miingon siya sa anghel nga gitugyanan sa paglaglag sa mga tawo, “Husto na ug ipaubos ang imong kamot.” Didto ang anghel sa Ginoo sa giukanan ni Arauna, ang Jebusihanon.

2 Samuel 24:16 Cross References

Genesis 10:16

Si Canaan mao pud ang kagikan sa mga Jebusihanon, Amorihanon, Gergasihanon,

Genesis 6:6

Naguol ang Ginoo nga gibuhat niya ang tawo ug nasubo siya pag-ayo.

2 Samuel 24:18

Niadtong adlawa miadto si Gad kang David ug miingon kaniya, “Tungas ngadto sa giokanan ni Arauna nga Jebusihanon ug paghimo didto ug halaran alang sa Ginoo.”

2 Samuel 5:8

Nianang adlawa, sa wala pa masulod ni David ang Jerusalem, miingon siya sa iyang mga tawo, “Didto kamo agi sa imbornal sa tubig aron makasulod kamo sa Jerusalem ug mapildi ninyo kanang mga bakol ug mga buta nga Jebusihanon. Kaaway ko gayod sila!” Mao kana nga adunay panultihon nga nag-ingon, “Dili makasulod ang mga buta ug mga bakol sa balay.”

1 Mga Hari 19:4

Unya mibaklay siya ug mga usa ka adlaw paingon sa kamingawan. Mihunong siya ug milingkod ilalom sa kahoy, ug nag-ampo nga mamatay na lang unta siya. Miingon siya, “Husto na, Ginoo! Kuhaa na lang ang akong kinabuhi; wala akoy kalainan sa akong mga katigulangan.”

2 Mga Hari 19:35

Nianang pagkagabii, miadto ang anghel sa Ginoo sa kampo sa Asiria ug gipamatay niya ang 185,000 ka mga sundalo. Pagkabuntag, pagmata niadtong mga nahabiling buhi, nakita nila ang mga patayng lawas.

1 Cronicas 1:14

Si Canaan mao pud ang kagikan sa mga Jebusihanon, Amorihanon, Gergasihanon,

2 Cronicas 3:1

Unya gisugdan na ni Solomon ang pagpatukod sa Templo sa Ginoo didto sa Jerusalem, sa bukid sa Moria, diin nagpakita ang Ginoo sa iyang amahan nga si David. Didto niya kini gipatukod sa giokanan ni Arauna nga Jebusihanon, ang dapit nga giandam ni David.

2 Cronicas 32:21

Unya nagpadala ang Ginoo ug anghel nga milaglag sa maisog nga mga sundalo, mga komander, ug mga opisyal sa kampo sa hari sa Asiria. Busa mipauli si Haring Senakerib nga naulawan. Ug sa pagsulod niya sa templo sa iyang dios, gipatay siya sa pipila sa kaugalingon niyang mga anak pinaagi sa espada.

Salmo 135:14

Kay pamatud-an mo, Ginoo, nga walay sala ang imong katawhan nga imong mga alagad, ug kaloy-an mo sila.

Salmo 35:6

Mongitngit unta ug modanlog ang ilang mga agianan sa dihang gukdon sila sa imong anghel.

Salmo 78:38

Apan bisan pa niini, maluloy-on ang Dios. Gipasaylo niya ang ilang mga sala ug wala niya sila laglaga. Sa daghang higayon gipugngan niya ang iyang kasuko bisan labihan na gayod ang iyang kapungot.

Salmo 90:13

Ginoo, hangtod kanus-a ang imong kasuko kanamo? Tagda ug kaloy-i kami, nga imong mga alagad.

Exodo 12:13

Ang dugo nga gipahid ninyo sa isigka-kilid sa inyong mga pultahan mao ang akong ilhanan kon asa nga mga balay ang inyong ginapuy-an. Kon makita ko ang dugo, labyan ko lang kamo, ug dili kamo maunsa inigsilot ko sa Ehipto.

Exodo 12:23

kay molabay ang Ginoo sa Ehipto sa pagpamatay sa mga kamagulangang anak nga lalaki sa mga Ehiptohanon. Apan kon makita sa Ginoo ang dugo sa ibabaw ug sa isigka-kilid sa inyong mga pultahan, molabay lang siya sa inyong mga balay ug dili niya tugotan ang Tiglaglag nga mosulod sa inyong mga balay aron sa pagpamatay.

Exodo 32:14

Busa wala na padayona sa Ginoo ang iyang plano nga paglaglag sa iyang katawhan.

Exodo 9:28

Hangyoa ang Ginoo nga hunongon na niya kining hilabihan kakusog nga dalogdog ug ulan nga yelo. Palakwon ko na kamo. Dili na kinahanglan nga magpabilin pa kamo dinhi.”

Isaias 27:8

Gipabihag sa Ginoo ang iyang katawhan isip silot kanila. Giabog niya sila pinaagi sa hapak sa makusog nga hangin gikan sa sidlakan.

Isaias 57:16

Sa pagkatinuod, dili ako makigbatok o masuko hangtod sa hangtod, kay kon himuon ko kini, mangamatay ang mga tawo nga akong gihimo.

Jeremias 26:19

Gipatay ba siya ni Ezequias o ni bisan kinsa sa Juda? Wala! Mitahod hinuon si Ezequias sa Ginoo ug midangop kaniya. Busa wala ipadayon sa Ginoo ang katalagman nga iyang giingon nga ipahamtang kanila. Kon patyon ninyo si Jeremias, kamo mismo ang nagdalag makalilisang nga katalagman kanatong tanan.”

Jeremias 42:10

‘Kon magpabilin kamo niini nga yuta pabarogon ko kamo ug lig-onon; dili ko kamo laglagon. Nasubo gayod ako sa katalagman nga gipadala ko kaninyo.

Amos 7:3

Busa nausab ang plano sa Ginoo ug miingon siya, “Dili na mahitabo ang imong nakita.”

Amos 7:6

Busa nausab ang plano sa Ginoo ug miingon siya, “Dili na mahitabo ang imong nakita.”

Habacuc 3:2

Ginoo nadungog nako ang imong kabantugan. Ug tungod niini nagtahod ako sa imong nahimo, Ginoo. Himoa ug balik sa among panahon ang imong gihimo kaniadto; sa imong kapungot hinumdomi ang kaluoy.

Zacarias 9:7

Dili na sila mokaon ug karne nga adunay dugo o sa mga pagkaon nga gidili. Ang mahibilin kanila isipon sa atong Dios nga iyang katawhan, ug mahimo na silang kabahin sa katawhan sa Juda. Ang mga lumulupyo sa Ekron mahimong kabahin sa katawhan sa Ginoo sama sa mga Jebusihanon.

Marcos 14:41

Sa ikatulo nga pagbalik niya kanila miingon siya, “Nangatulog pa ba gihapon kamo ug nagpahulay? Husto na kana! Mao na kini ang panahon nga ang Anak sa Tawo itugyan ngadto sa mga makasasala.

Mga Buhat 12:23

Ug diha-diha gisilotan siya sa anghel sa Ginoo, tungod kay wala niya hatagi ug kadungganan ang Dios. Giulod siya ug namatay.

1 Mga Taga-Corinto 10:10

Ayaw kamo pagsunod sa gihimo sa uban kanila nga nagbagulbol. Mao nga gipapatay sila sa Dios pinaagi sa Anghel sa Kamatayon.

2 Mga Taga-Corinto 2:6

Apan igo na ang silot nga inyong gihatag kaniya.

Josue 15:63

Apan wala maabog sa tribo sa Juda ang mga Jebusihanon nga nagpuyo sa Jerusalem. Busa hangtod karon tua pa sila magpuyo uban sa tribo ni Juda.

Mga Maghuhukom 1:21

Wala maabog sa mga kaliwat ni Benjamin ang mga Jebusihanon nga nagpuyo sa Jerusalem, busa hangtod karon kauban gihapon nila sila nga nagpuyo didto.

Mga Maghuhukom 19:11

Hapon na kaayo sa dihang duol na sila sa Jebus. Busa miingon ang iyang sulugoon, “Maayo pa tingalig dinhi na lang kita matulog niining lungsod sa mga Jebusihanon.”

1 Samuel 15:11

“Nagbasol ako nga akong gihimo si Saulo nga hari, tungod kay mitalikod siya kanako ug wala niya tumana ang akong mga sugo.” Pagkadungog ni Samuel niini, naglagot siya. Busa nag-ampo siya sa Ginoo sa tibuok gabii.