2 Samuel 23:4 - Ang Pulong sa Dios

⁴ sama siya sa kahayag sa adlaw nga nagsidlak kon buntag nga walay panganod, nga mopasidlak sa mga sagbot nga giulanan!’

Ang Biblia 2011

⁴ modan-ag siya diha kanila sama sa kahayag sa kabuntagon, sama sa adlaw nga nagsidlak sa kabuntagon nga walay panganod, sama sa ulan nga nagpaturok sa balili sa yuta.

Maayong Balita Biblia

⁴ modan-ag siya kanila sama sa kahayag sa kabuntagon, sama sa sidlak sa adlaw sa buntag nga walay panganod, sama sa ulan nga magpaturok sa balili sa yuta.’

Ang Bag-ong Maayong Balita Biblia

⁴ modan-ag siya kanila sama sa kahayag sa kabuntagon, sama sa sidlak sa adlaw sa buntag nga walay panganod, sama sa ulan nga magpaturok sa balili sa yuta.’

2 Samuel 23:4 Cross References

Salmo 110:3

Sa adlaw nga makig-away ka sa imong mga kaaway, kinabubut-on nga motabang kanimo ang imong katawhan. Ang mga pamatan-on moadto kanimo sa balaang mga bungtod nga daw tun-og sa kabuntagon.

Salmo 72:6

Hinaut pa nga mahisama siya sa ulan nga naghatag ug tubig sa kalibotan.

Salmo 89:36

Ang matag hari sa Israel maggikan sa iyang mga kaliwat hangtod sa kahangtoran. Ang iyang gingharian molungtad diha sa akong presensya sama sa adlaw;

Mga Panultihon 4:18

Ang pagkinabuhi sa mga matarong daw sama sa nagsubang nga adlaw nga mosamot kasidlak sa kaudtohon.

Isaias 18:4

Kay mao kini ang giingon sa Ginoo kanako: “Gikan sa akong nahimutangan, nagtan-aw ako nga malinawon sama kamalinawon sa pagsidlak sa adlaw sa kaudtohon, ug sama sa humog sa maalimoot nga panahon sa ting-ani.”

Isaias 4:2

Moabot ang adlaw nga palabongon ug patahomon sa Ginoo ang mga tanom sa Israel, ug ang mga abot sa yuta mahimong garbo ug dungog sa mga nangabilin na katawhan sa Israel.

Isaias 60:1

“Bangon, O Jerusalem, ug sidlak sama sa adlaw! Kay miabot na ang imong kaluwasan ug misidlak na kanimo ang gahom sa Ginoo.

Isaias 60:3

Moduol ang mga nasod ug ang ilang mga hari sa imong kahayag.

Oseas 6:3

Tinguhaon nato ang pag-ila sa Ginoo. Moabot siya sama kasiguro sa pagsidlak sa adlaw. Ug moabot siya sama sa ulan nga naghatag ug tubig sa kalibotan.”

Oseas 6:5

Busa gipahimangnoan ko kamo pinaagi sa akong mga propeta nga malaglag kamo ug mangamatay. Ipadayag ko ang akong paghukom kaninyo sama kahayag sa adlaw.

Miqueas 5:7

Ang nabiling mga Israelinhon magdala ug panalangin sa daghang mga nasod. Mahimo silang sama sa tun-og ug ulan nga gipadala sa Ginoo sa pagpatubo sa mga tanom. Magsalig sila sa Dios ug dili sa tawo.

Malaquias 4:2

Apan kamong nagtahod kanako, masinati ninyo ang pagluwas ko kaninyo. Mahisama kini sa pagsubang sa adlaw nga ang iyang sidlak naghatag ug kaayohan. Ug maglukso-lukso kamo sa kalipay sama sa nati nga mga baka nga gipagawas sa toril.

Juan 1:7

Gipadala siya aron sa pagpamatuod kon kinsa ang suga, aron pinaagi sa iyang pagsugilon makatuo ang tanang katawhan.

Deuteronomio 32:2

Ang akong mga pagtulon-an sama sa ulan o tun-og nga nagtulo. Ang akong mga pulong sama sa yamog diha sa mga sagbot; o sama sa talithi diha sa mga tanom.

Mga Maghuhukom 5:31

“Busa Ginoo, hinaut nga malaglag ang imong mga kaaway. Apan hinaut nga ang mga naghigugma kanimo mahisama sa adlaw nga nagsidlak pag-ayo.” Ug ang mga Israelinhon nagkinabuhi nga malinawon sulod sa 40 ka tuig.