2 Samuel 23:3 - Ang Pulong sa Dios

³ Miingon kanako ang Dios, ang salipdanan nga Bato sa Israel: ‘Ang tawong nagdumala nga matarong ug adunay kahadlok sa Dios,

Ang Biblia 2011

³ Ang Dios sa Israel nagsulti, ang Bato sa Israel nagsulti kanako: Kon ang usa ka tawo maghari sa katawhan uban sa katarong, naghari diha sa kahadlok sa Dios,

Maayong Balita Biblia

³ Nagsulti ang Dios sa Israel, ang Dalangpanan sa Israel nag-ingon kanako: ‘Kon usa ka tawo maghari subay sa katarongan ug mahadlokon sa Dios,

Ang Bag-ong Maayong Balita Biblia

³ Nagsulti ang Dios sa Israel, ang Dalangpanan sa Israel nag-ingon kanako: ‘Kon usa ka tawo maghari subay sa katarongan ug mahadlokon sa Dios,

2 Samuel 23:3 Cross References

Genesis 33:20

Ug didto, nagbuhat si Jacob ug halaran nga ginganlan niya ug El Elohe Israel.

2 Samuel 22:32

Kay kinsa man ang Dios gawas sa Ginoo? Ug kinsa man ang among salipdanan nga bato gawas sa among Dios?

2 Samuel 8:15

Naghari si David sa tibuok Israel, ug gihimo niya ang matarong ug husto alang sa tanan niyang katawhan.

1 Mga Hari 10:9

Dalaygon ang Ginoo nga imong Dios, nga nalipay kanimo ug nagbutang kanimo sa trono sa Israel. Tungod sa walay kataposan nga gugma sa Ginoo alang sa Israel, gihimo niya ikaw nga hari aron mapatunhay mo ang hustisya ug katarong.”

Nehemias 5:14

Sulod sa 12 ka tuig nga nagserbisyo ako ingon nga gobernador sa Juda, gikan sa ika-20 nga tuig hangtod sa ika-32 nga tuig sa paghari ni Artaxerxes, wala gayod ako ug ang akong mga paryente magdawat sa pagkaon nga rasyon alang sa gobernador.

Job 34:17

Makadumala ba ang Dios kon dili siya gusto ug hustisya? Nan, nganong gipakadaotan mo man ang matarong ug gamhanan nga Dios?

Salmo 110:2

Gikan sa Zion, palapdon sa Ginoo ang imong gingharian, Mahal nga Hari, ug maghari ka sa imong mga kaaway.

Salmo 42:9

O Dios nga akong salipdanan nga bato, moingon ako kanimo, “Nganong gikalimtan mo ako? Nganong kinahanglan pa man nga magsubo ako tungod sa pagpangdaog-daog sa akong mga kaaway?”

Salmo 72:1

O Dios, tudloi ang hari sa imong pamaagi sa paghukom ug pagkamatarong,

Salmo 72:2

aron hukman niya diha sa pagkamatarong ang imong katawhan, labi na ang mga kabos.

Exodo 18:21

Apan pagpili ug mga tawo nga motabang kanimo. Kinahanglan aduna silay katakos sa paghukom, adunay kahadlok sa Dios, kasaligan, ug dili modawat ug suborno. Himoa sila nga mga pangulo sa grupo sa mga tawo nga tagsa ka libo, tag-gatos, tag-singkwenta, ug tag-napulo.

Exodo 20:2

“Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.

Exodo 3:15

Miingon pa gayod ang Dios kang Moises, “Isulti kini sa mga Israelinhon: ‘Ang Ginoo, ang Dios sa inyong mga katigulangan nga si Abraham, Isaac, ug Jacob mao ang nagpadala kanako nganhi kaninyo.’ “Ginoo ang akong ngalan ug pagailhon ako sa mao nga ngalan hangtod sa hangtod.

Mga Panultihon 31:9

Paghukom pinasubay sa hustisya ug kaangayan, ug panalipdi ang katungod sa mga kabos.

Isaias 32:1

Aduna unyay usa ka makatarunganong hari nga maghari, ug ang iyang mga opisyal magdumala sa kaangayan.

Jeremias 23:5

Miingon pa ang  Ginoo, “Moabot ang panahon nga paharion ko ang usa ka matarong nga hari nga kaliwat ni David. Maghari siya nga adunay kaalam, ug patunhayon niya ang katarong ug hustisya niini nga yuta.

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Deuteronomio 32:4

Siya ang Bato nga salipdanan ko. Hingpit ang iyang mga buhat, ug matarong ang tanan niyang mga pamaagi. Matinumanon siya nga Dios ug dili masayop; matarong siya ug makiangayon.

Mga Hebreo 1:8

Apan ngadto sa iyang Anak, nag-ingon siya, “Ang imong gingharian, O Dios, wala gayoy kataposan, ug matarong ang imong pagdumala niini.