2 Samuel 22:29 - Ang Pulong sa Dios

²⁹ “Ginoo, ikaw ang akong kahayag. Sa kangitngit, ikaw ang akong suga.

Ang Biblia 2011

²⁹ Kay ikaw mao ang akong lampara, O Ginoo, ug ang Ginoo nag-iwag sa akong kangitngit.

Maayong Balita Biblia

²⁹ “Ikaw gayod, O Ginoo, ang akong kahayag ug ikaw, O Dios, ang nagdan-ag sa akong kangitngit.

Ang Bag-ong Maayong Balita Biblia

²⁹ “Ikaw gayod, O Ginoo, ang akong kahayag ug ikaw, O Dios, ang nagdan-ag sa akong kangitngit.

2 Samuel 22:29 Cross References

2 Samuel 21:17

Apan miabot si Abishai nga anak ni Zeruya sa pagluwas kang David, ug gipatay niya kini nga Filistihanon. Human niadto miingon ang mga tawo ni David kaniya, “Dili na kami mosugot nga mouban ka pag-usab kanamo sa pagpakig-gira. Sama ka sa suga sa Israel, ug dili kami gusto nga mawala ka.”

1 Mga Hari 11:36

Hatagan ko ug usa ka tribo ang iyang anak aron nga ang mga kaliwat ni David nga akong alagad magpadayon sa paghari sa Jerusalem, ang siyudad nga akong gipili aron pasidunggan ako.

Job 29:3

ug diin gihayagan pa niya ang akong dalan sa akong paglakaw sa kangitngit.

Salmo 112:4

Bisan sa kangitngit aduna gihapon kahayag alang sa mga tawo nga nagkinabuhi nga maluloy-on, adunay kahangawa, ug matarong.

Salmo 18:28

Ginoo nga akong Dios, ikaw ang akong kahayag. Sa kangitngit ikaw ang akong suga.

Salmo 27:1

Ang Ginoo mao ang akong kahayag, manluluwas, ug tigpanalipod, busa wala akoy angayng kahadlokan.

Salmo 4:6

Daghan ang nag-ingon, “Ginoo, hinaut pa unta nga modagaya ang mga panalangin sa among mga kinabuhi. Ipakita kanamo ang imong kaayo!”

Salmo 84:11

Kay ikaw, Ginoong Dios, sama sa adlaw nga naghatag ug kahayag, ug sa taming nga nagpanalipod. Naghatag ka ug panalangin ug kadungganan. Wala kay gihikaw nga maayong butang sa mga tawo nga nagkinabuhi nga maligdong.

Salmo 97:11

Ang kaayo sa Dios sama sa adlaw nga nagsidlak sa mga matarong ug naghatag ug kalipay kanila.

Isaias 50:10

Kinsa kaninyo ang nagtahod sa Ginoo ug nagtuman sa gitudlo sa iyang alagad? Angay siyang mosalig sa Ginoo nga iyang Dios bisan naglakaw siya sa kangitngit ug wala gayoy kahayag.

Miqueas 7:9

Tungod kay nakasala kita batok sa Ginoo, angay lang nga antoson nato ang iyang silot kanato hangtod nga labanan niya kita ug hatagan ug hustisya. Gikan sa kangitngit, dad-on niya kita sa kahayag ug makita nato siya nga moluwas kanato.

Malaquias 4:2

Apan kamong nagtahod kanako, masinati ninyo ang pagluwas ko kaninyo. Mahisama kini sa pagsubang sa adlaw nga ang iyang sidlak naghatag ug kaayohan. Ug maglukso-lukso kamo sa kalipay sama sa nati nga mga baka nga gipagawas sa toril.

Juan 12:46

Mianhi ako dinhi sa kalibotan sa paglamdag sa huna-huna sa mga tawo, aron nga si bisan kinsa nga magtuo kanako dili magpabilin sa kangitngit.

Juan 8:12

Misulti pag-usab si Jesus sa mga tawo, “Ako ang suga sa mga tawo sa kalibotan. Ang nagsunod kanako, dili gayod magkinabuhi diha sa kangitngit, kondili mahayagan siya sa suga nga naghatag ug kinabuhi.”

Gipadayag 21:23

Wala usab kinahanglana ang adlaw ug ang bulan niini nga siyudad, tungod kay ang himaya sa Dios nagsidlak didto, ug ang Karnero mao ang iyang suga.