2 Samuel 22:28 - Ang Pulong sa Dios

²⁸ Oo, ginaluwas mo ang mga mapainubsanon, apan ginapaubos mo ang mga mapahitas-on.

Ang Biblia 2011

²⁸ Giluwas nimo ang mga mapaubsanon, apan ang imong mga mata anaa sa mga mapahitas-on aron imo silang ipaubos.

Maayong Balita Biblia

²⁸ Luwason mo ang mga mapaubsanon apan nagtan-aw ka sa mga mapahitas-on aron imo silang ipaubos.

Ang Bag-ong Maayong Balita Biblia

²⁸ Luwason mo ang mga mapaubsanon apan nagtan-aw ka sa mga mapahitas-on aron imo silang ipaubos.

2 Samuel 22:28 Cross References

Salmo 12:5

Miingon ang  Ginoo, “Tabangan ko ang mga kabos tungod kay gidaog-daog sila ug nag-agulo sa kalisod. Panalipdan ko sila kay mao kini ang ilang ginahandom.”

Salmo 131:1

O Ginoo, dili ako garboso ug mapahitas-on. Wala ako mangandoy sa dagko ug pinasahi nga mga butang nga dili ko masarangan.

Salmo 138:6

Bisan halangdon ka kaayo, Ginoo, aduna kay kahangawa sa mga mapainubsanon. Ug bisan anaa ikaw sa halayo, nahibaloan mo ang tanan nga gihimo sa mga mapahitas-on.

Salmo 140:12

Ginoo, nahibalo ako nga gipanalipdan mo ang katungod sa mga kabos; gihatagan mo ug hustisya ang mga timawa.

Exodo 10:3

Busa miadto si Moises ug si Aaron sa hari ug miingon, “Mao kini ang giingon sa Ginoo, nga Dios sa mga Hebreo: ‘Hangtod kanus-a ka magdumili sa pagpaubos sa imong kaugalingon kanako? Palakwa ang akong katawhan aron makasimba sila kanako.

Exodo 18:11

Karon nahibaloan ko na nga ang Ginoo mas labaw sa tanang mga dios, kay giluwas niya ang mga Israelinhon sa mga Ehiptohanon nga midaog-daog kanila.”

Mga Panultihon 21:4

Sala ang pagkamapasigarbohon ug ang pagkamapahitas-on. Mailhan mo nga daotan kana nga tawo pinaagi niana nga kinaiya.

Isaias 2:17

Nianang adlawa, ang  Ginoo lamang maoy pasidunggan. Ipaubos niya ang mga mapasigarbohon ug ang mga mapahitas-on.

Isaias 37:23

Kinsay imong giinsulto ug gipasipad-an? Kinsay gipataasan mo sa imong kilay ug gisingkahan? Dili ba nga ako, ang Balaang Dios sa Israel?

Isaias 5:15

Busa ipaubos ang tanang mga tawo, labi na ang mga mapahitas-on.

Isaias 63:9

Sa tanan nilang mga pag-antos, nag-antos usab siya, ug giluwas niya sila pinaagi sa anghel nga nagpadayag sa iyang presensya. Tungod sa iyang gugma ug kaluoy giluwas niya sila; giatiman niya sila sa tanang adlaw niadtong unang panahon.

Daniel 4:37

Busa karon akong dayegon ug pasidunggan ang Hari sa langit, tungod kay husto ug matarong ang tanan niyang binuhatan ug ginapaubos niya si bisan kinsa nga nagpasigarbo.

Mateo 5:3

“Bulahan ang mga tawo nga nag-ila nga nagkulang sila sa Dios, kay sakop sila sa gingharian sa Langit.

Lucas 14:11

Kay si bisan kinsa nga mapahitas-on ipaubos, ug ang mapainubsanon ipataas.”