2 Samuel 21:17 - Ang Pulong sa Dios

¹⁷ Apan miabot si Abishai nga anak ni Zeruya sa pagluwas kang David, ug gipatay niya kini nga Filistihanon. Human niadto miingon ang mga tawo ni David kaniya, “Dili na kami mosugot nga mouban ka pag-usab kanamo sa pagpakig-gira. Sama ka sa suga sa Israel, ug dili kami gusto nga mawala ka.”

Ang Biblia 2011

¹⁷ Apan si Abisai nga anak ni Zeruia mitabang kaniya ug mitigbas sa Filistihanon ug mipatay kaniya. Unya ang mga tawo ni David nagmando kaniya, “Ikaw dili na mouban kanamo sa gubat kay tingali unya ug mapalong nimo ang suga sa Israel.”

Maayong Balita Biblia

¹⁷ Apan gipanalipdan si David ni Abisai, anak ni Seruia, ug giataki niya ang Filistihanon ug gipatay. Unya giingnan si David sa iyang mga tawo, “Dili kami gusto nga mouban ka kanamo ngadto sa panggubatan aron dili mapalong ang suga sa Israel.”

Ang Bag-ong Maayong Balita Biblia

¹⁷ Apan gipanalipdan si David ni Abisai, anak ni Seruia, ug giataki niya ang Filistihanon ug gipatay. Unya giingnan si David sa iyang mga tawo, “Dili kami gusto nga mouban ka kanamo ngadto sa panggubatan aron dili mapalong ang suga sa Israel.”

2 Samuel 21:17 Cross References

2 Samuel 14:7

Unya, miadto kanako ang tanan kong mga paryente ug miingon, ‘Itugyan kanamo ang imong anak, kay amo siyang patyon tungod kay iyang gipatay ang iyang igsoon. Dili siya angay nga manunod sa kabtangan sa iyang amahan.’ Kon himuon nila kini, mawala ang nahibilin kong anak nga mao na lang ang akong gilaoman nga motabang kanako, ug mawala na ang ngalan sa akong bana niining kalibotana.”

2 Samuel 18:2

Unya gipalakaw niya sila sa tulo ka grupo. Si Joab ang nangulo sa usa ka grupo, si Abishai usab nga igsoon ni Joab ang sa usa ka grupo, ug si Itai nga taga-Gat ang nangulo sa ikatulo nga grupo. Miingon si Haring David kanila, “Mouban gayod ako kaninyo sa pagpakig-gira.”

2 Samuel 18:3

Apan miingon ang iyang mga tawo, “Dili ka angay mouban kanamo. Dili igsapayan sa mga kaaway kon mosibog kami, o mamatay man ang katunga kanamo. Mas gusto pa nila nga ikaw ang mamatay kay sa mamatay ang 10,000 kanamo. Busa maayo pa nga magpabilin ka lang dinhi sa lungsod ug magpadala ug tabang kon kinahanglan namo.”

2 Samuel 22:19

Gisulong nila ako sa dihang anaa ako sa kalisod, apan gipanalipdan ako sa Ginoo.

2 Samuel 22:29

“Ginoo, ikaw ang akong kahayag. Sa kangitngit, ikaw ang akong suga.

1 Mga Hari 11:36

Hatagan ko ug usa ka tribo ang iyang anak aron nga ang mga kaliwat ni David nga akong alagad magpadayon sa paghari sa Jerusalem, ang siyudad nga akong gipili aron pasidunggan ako.

1 Mga Hari 15:4

Apan tungod kang David, gitugot sa Ginoo nga iyang Dios nga adunay kaliwat si Abias nga maghari sa Jerusalem pinaagi sa paghatag kaniya ug anak nga mopuli kaniya sa paghari ug mopalig-on sa Jerusalem.

Salmo 132:17

“Lig-onon ko ang gingharian ni David; paharion ko sa Zion ang mga kaliwat ni David.

Salmo 144:10

Ikaw ang naghatag ug kadaogan sa mga hari ug nagluwas kang David nga imong alagad gikan sa kamatayon.

Salmo 46:1

Ang Dios mao ang atong kusog ug tigpanalipod. Andam gayod siya kanunay sa pagtabang sa panahon sa kalisod.

Jeremias 40:15

Human niadto, sekreto nga nakigkita si Johanan kang Gedalia ug miingon, “Patyon ko si Ishmael nga walay makahibalo. Nganong pasagdan man nato siya nga mopatay kanimo? Mao na unya kini hinungdan nga magkatag-katag ug mangawala ang mga Judio nga nahibilin dinhi sa Juda nga imong gidumalaan.”

Juan 5:35

Si Juan sama sa suga nga misiga ug midan-ag; ug nalipay kamo sa iyang pagdan-ag bisan sa hamubong panahon lang.