2 Samuel 21:16 - Ang Pulong sa Dios

¹⁶ Si Ishbi Benob nga Filistihanon, nga usa sa mga kaliwat sa mga Rafa, nagtinguha sa pagpatay kang David. Ang tumoy sa iyang bangkaw bronsi nga adunay gibug-aton nga mga upat ka kilo, ug nagtak-in siya ug bag-ong espada.

Ang Biblia 2011

¹⁶ Ug si Isbi-benob, usa sa mga kaliwat sa mga higanti, nga ang bangkaw may kabug-aton nga tulo ka gatos ka siklo nga bronsi ug nagtakin sa usa ka bag-ong espada, naghunahuna sa pagpatay kang David.

Maayong Balita Biblia

¹⁶ Niining higayona si Benob nga usa sa mga kaliwat sa mga higante nakahunahuna pagpatay kang David. Ang iyang bangkaw may gibug-aton nga mga tulo ka kilo nga bronsi ug nagtakin siyag bag-ong espada.

Ang Bag-ong Maayong Balita Biblia

¹⁶ Niining higayona si Benob nga usa sa mga kaliwat sa mga higante nakahunahuna pagpatay kang David. Ang iyang bangkaw may gibug-aton nga mga tulo ka kilo nga bronsi ug nagtakin siyag bag-ong espada.

2 Samuel 21:16 Cross References

Genesis 14:5

Ug sa ika-14 nga tuig, gipildi ni Kedorlaomer ug sa iyang mga kauban nga hari ang mga Refaimnon sa Ashtarot Karnaim, ang mga Zuzimnon sa Ham, ang mga Emhanon sa kapatagan sa Kiriataim,

Genesis 6:4

Niadtong panahona, ug bisan sa misunod pa nga mga panahon, adunay mga Nefilim sa kalibotan. Mga kaliwat sila sa mga anak sa Dios nga nakighilawas sa maanyag nga mga babaye. Gamhanan ug bantogan sila.

2 Samuel 21:18

Paglabay sa panahon, naggira na usab ang mga Filistihanon ug mga Israelinhon, ug didto kini nahitabo sa Gob. Niadto nga gira gipatay ni Sibecai nga taga-Husha si Sap, nga usa usab sa mga kaliwat sa mga Rafa.

2 Samuel 21:20

Naggira pag-usab ang mga Filistihanon ug mga Israelinhon, ug didto kini nahitabo sa Gat. Niini nga gira, adunay tawo nga labihan kaayo kadako. Adunay unom siya ka tudlo sa matag kamot ug tiil. Usa usab siya sa mga kaliwat sa mga Rafa.

2 Samuel 21:22

Kadtong upat ka Filistihanon mga kaliwat sa mga Rafa nga taga-Gat. Gihurot silag patay ni David ug sa mga tawo niini.

2 Samuel 5:18

Karon, nagkampo ang mga Filistihanon sa Walog sa Refaim.

Numeros 13:22

Nagsugod sila sa Negev hangtod nga nakaabot sila sa Hebron, diin nagpuyo sila si Ahiman, Sheshai, ug Talmai, nga mga kaliwat ni Anak. (Kining Hebron gitukod pito ka tuig una pa matukod ang Zoan sa Ehipto.)

Numeros 13:28

Apan gamhanan ang mga tawo nga nagpuyo didto, ug labihan kadagko ang ilang mga lungsod ug napalibotan kini ug mga paril. Nakita pa gani namo ang mga kaliwat ni Anak.

Deuteronomio 1:28

Unsaon nato pag-adto didto nga gihadlok man kita sa mga naniid sa dapit? Nag-ingon sila nga ang mga tawo didto mas kusgan ug mas tag-as kay kanato, ug ang ilang mga lungsod dagko ug gilibotan sa mga paril nga ang gitas-on daw moabot na sa langit. Ug nakita pa nila didto ang mga kaliwat ni Anak.”

Deuteronomio 2:10

(Kaniadto didto nagpuyo sa Ar ang daghan ug kusgan nga mga tawo nga gitawag Emhanon. Mga tag-as usab sila nga mga tawo sama sa mga kaliwat ni Anak.

Deuteronomio 2:11

Gitawag usab sila nga mga Refaimnon, sama sa mga kaliwat ni Anak, apan gitawag sila sa mga Moabihanon nga mga Emhanon.

Deuteronomio 2:21

Daghan kini sila ug kusgan, ug tag-as usab sama sa mga kaliwat ni Anak. Apan gilaglag sila sa Ginoo aron mailog sa mga Amonihanon ang ilang yuta ug puy-an kini.

Deuteronomio 3:11

(Si Haring Og mao lang ang nahibiling kaliwat sa mga Refaimnon. Ang iyang puthaw nga katre 13 ka piye ang gitas-on ug 6 ka piye ang gilapdon. Makita pa kini karon sa Raba nga lungsod sa mga Amonihanon.)

Deuteronomio 9:2

Ang ilang mga lumulupyo kusgan ug tag-as nga mga kaliwat ni Anak! Nahibaloan usab ninyo ang bahin sa mga kaliwat ni Anak ug nadungog ninyo nga walay makasukol kanila.

Josue 11:22

Walay mga kaliwat ni Anak nga nahibilin sa teritoryo sa mga Israelinhon gawas lang sa Gaza, Gat, ug sa Ashdod.

Josue 15:14

Giabog ni Caleb gikan sa maong yuta ang tulo ka mga kaliwat ni Anak nga mao ang mga pamilya ni Sheshai, Ahiman, ug Talmai.

1 Samuel 17:7

Ang iyang bangkaw bug-at ug baga; ang puthaw nga tumoy niini adunay gibug-aton nga mga pito ka kilo. Ug gauna kaniya ang tigdala sa iyang taming.