2 Samuel 19:23 - Ang Pulong sa Dios

²³ Busa miingon si David kang Shimei, “Ipanumpa ko nga dili ka patyon.”

Ang Biblia 2011

²³ Ug ang hari miingon kang Simei, “Ikaw dili mamatay.” Ug ang hari nanumpa kaniya.

Maayong Balita Biblia

²³ Ug miingon ang hari kang Simei, “Dili ka patyon.” Ug gipanumpaan kini sa hari.

Ang Bag-ong Maayong Balita Biblia

²³ Ug miingon ang hari kang Simei, “Dili ka patyon.” Ug gipanumpaan kini sa hari.

2 Samuel 19:23 Cross References

2 Samuel 16:10

Apan miingon ang hari, “Kamong mga anak ni Zeruya, unsay inyong labot? Kon gisugo siya sa Ginoo nga panghimaraoton ako, kinsa ako nga mopugong kaniya?”

2 Samuel 19:24

Miadto usab didto si Mefiboset nga apo ni Saulo sa pagtagbo kang David. Gikan siya sa Jerusalem. Wala siya makapanghimasa sa iyang tiil, wala makapamalbas, ug wala usab makailis sa iyang bisti sukad sa pagbiya ni David sa Jerusalem hangtod nga nahibalik kini nga luwas sa kakuyaw. Sa pag-abot niya didto, gipangutana siya ni David, “Mefiboset, nganong wala ka man mouban kanako?”

1 Mga Hari 2:37

Sa higayon nga mobiya ka ug motabok sa Walog sa Kidron sigurado gayod nga mamatay ka, ug ikaw ra mismo ang mabasol kon mahitabo kini.”

1 Mga Hari 2:46

Unya gimandoan sa hari si Benaya nga patyon si Shimei. Busa gidala ni Benaya si Shimei sa gawas ug gipatay. Milig-on pa gayod ang gingharian ubos sa pagdumala ni Solomon.

Mga Hebreo 6:16

Kon manumpa ang tawo gamiton niya ang ngalan sa Dios nga mas labaw pa kaniya aron tuohan siya ug aron wala nay panaglalis.

1 Samuel 11:13

Apan miingon si Saulo, “Walay usa nga patyon karong adlawa, kay niining adlawa giluwas sa Ginoo ang Israel.”

1 Samuel 28:10

Nanumpa si Saulo kaniya, “Sa ngalan sa buhi nga Ginoo, dili ka gayod silotan sa paghimo niini.”

1 Samuel 30:15

Nangutana si David kaniya, “Magiyahan mo ba kami sa ilang kampo?” Mitubag siya, “Isaad una kanako sa presensya sa Dios nga dili mo ako patyon o itugyan sa akong agalon, ug unya giyahan ko kamo didto.”