2 Samuel 19:22 - Ang Pulong sa Dios

²² Apan miingon si David, “Kamong mga anak ni Zeruya, unsay inyong labot? Mura kamog akong mga kaaway! Ayaw ninyog supaka ang akong hukom. Ako na karon ang hari sa Israel, ug walay tawo nga patyon karong adlawa.”

Ang Biblia 2011

²² Apan si David miingon, “Unsay labot nako kaninyo, kamong mga anak ni Zeruia, nga kamo niining adlawa mga kabatok nako? Kinahanglan ba nga adunay patyon niining adlawa sa Israel? Kay wala ba ako mahibalo nga ako niining adlawa hari sa Israel?”

Maayong Balita Biblia

²² Miingon si David kang Abisai, “Kamong mga anak ni Seruia walay katarongan sa pagbabag sa akong buot buhaton. Kinahanglan ba gayod nga adunay patyon karong adlawa dinhi sa Israel? Nasayod ako nga ako na karon ang hari sa tibuok Israel.”

Ang Bag-ong Maayong Balita Biblia

²² Miingon si David kang Abisai, “Kamong mga anak ni Seruia walay katarongan sa pagbabag sa akong buot buhaton. Kinahanglan ba gayod nga adunay patyon karong adlawa dinhi sa Israel? Nasayod ako nga ako na karon ang hari sa tibuok Israel.”

2 Samuel 19:22 Cross References

2 Samuel 16:10

Apan miingon ang hari, “Kamong mga anak ni Zeruya, unsay inyong labot? Kon gisugo siya sa Ginoo nga panghimaraoton ako, kinsa ako nga mopugong kaniya?”

2 Samuel 16:5

Sa dihang duol na si Haring David sa Bahurim, adunay tawo nga migawas niadto nga lungsod ug gipanghimaraotan niya si David. Kining tawhana mao si Shimei nga anak ni Gera ug paryente ni Saulo.

2 Samuel 16:9

Miingon sa hari si Abishai nga anak ni Zeruya, “Mahal nga Hari, nganong gipasagdan mo lang nga panghimaraoton ka nianang tawo nga sama lang sa patay nga iro? Tugoti ako nga putlan siyag ulo.”

2 Samuel 3:39

Ug karon, bisan ug ako ang pinili nga hari, wala akoy katakos sa pagsanta kang Joab ug kang Abishai, nga mga anak ni Zeruya. Malisod alang kanako ang pagsanta kanila. Hinaut nga balosan sa Ginoo kining daotang mga tawo sa daotan nga ilang ginahimo.”

Isaias 16:5

maghari na unya ang usa ka kaliwat ni David nga matinumanon ug mahigugmaon. Sa iyang paghukom, palutawon niya ang hustisya. Ug maabtikon siyang mohimo sa matarong.

Mateo 8:29

Sa pagkakita nila kang Jesus misinggit sila, “Ikaw nga Anak sa Dios, unsay imong labot kanamo? Mianhi ka ba dinhi aron silotan kami bisag dili pa panahon?”

1 Samuel 11:13

Apan miingon si Saulo, “Walay usa nga patyon karong adlawa, kay niining adlawa giluwas sa Ginoo ang Israel.”

1 Samuel 26:11

Apan dili motugot ang Ginoo nga ako ang mopatay sa iyang pinili nga hari. Kuhaon lang nato ang bangkaw ug ang sudlanan sa tubig nga anaa sa iyang ulohan, ug unya mamiya kita.”

1 Samuel 26:8

Miingon si Abishai kang David, “Karong adlawa gitugyan na sa Dios kanimo ang imong kaaway. Karon tugoti ako sa pagpatay kaniya pinaagi sa bangkaw. Ipapilit ko siya sa yuta sa usa lang ka pagduslak.”

1 Samuel 26:9

Apan miingon si David kang Abishai, “Ayaw siyag patya! Kay silotan gayod sa Ginoo ang mopatay sa iyang pinili nga hari.