2 Samuel 11:27 - Ang Pulong sa Dios

²⁷ Human sa panahon sa pagsubo, gipakuha siya ni David ug gidala sa palasyo. Nahimo siyang asawa ni David, ug sa paglabay sa mga adlaw, nanganak siyag lalaki. Apan wala makapahimuot sa Ginoo ang gihimo ni David.

Ang Biblia 2011

²⁷ Ug sa diha nga nahuman na ang pagbangutan, si David nagpasugo ug gipadala siya ngadto sa iyang balay, ug siya nahimo nga iyang asawa ug siya nanganak kaniya ug usa ka anak nga lalaki. Apan ang butang nga gihimo ni David wala makapahimuot sa Ginoo.

Maayong Balita Biblia

²⁷ Ug sa pagkatapos sa pagbangotan gipakuha ni David si Batseba ug gipangasawa niya ug nanganak siyag batang lalaki. Apan ang Ginoo wala mahimuot sa gibuhat ni David.

Ang Bag-ong Maayong Balita Biblia

²⁷ Ug sa pagkatapos sa pagbangotan gipakuha ni David si Batseba ug gipangasawa niya ug nanganak siyag batang lalaki. Apan ang Ginoo wala mahimuot sa gibuhat ni David.

2 Samuel 11:27 Cross References

Genesis 38:10

Daotan ang gibuhat ni Onan atubangan sa Ginoo, busa gipatay usab siya sa Ginoo.

2 Samuel 12:9

Busa nganong gipakawalay-bili mo man ang akong pulong pinaagi sa paghimo ug daotan sa akong panan-aw? Gituyo mo nga mamatay si Uria sa gira; gipapatay mo siya sa mga Amonihanon, ug gikuha mo pa ang iyang asawa.

2 Samuel 15:26

Apan kon moingon siya nga wala siya malipay kanako, andam ako kon unsa man ang iyang gustong himuon kanako.”

1 Mga Hari 21:16

Pagkadungog ni Ahab nga patay na si Nabot, milakaw siya dayon sa pagpanag-iya sa ubasan niini.

1 Mga Hari 21:20

Pagkakita ni Ahab kang Elias miingon siya, “Nakit-an ra gayod ako sa akong kaaway!” Mitubag si Elias, “Oo, mianhi ako kanimo tungod kay gitugyan mo ang imong kaugalingon sa paghimo ug daotan atubangan sa Ginoo!

1 Cronicas 21:7

Wala usab makagusto ang Dios niini, busa gisilotan niya ang Israel.

Salmo 5:6

Imong laglagon ang mga bakakon ug imong gikasilagan ang mga mamumuno ug ang mga maluibon.

Mga Panultihon 6:29

Mao kana nga kon makighilawas ka sa asawa sa uban, silotan ka!

Isaias 29:15

Alaot kamong naningkamot sa pagtago sa inyong mga plano gikan sa Ginoo. Naghimo kamo sa inyong mga buluhaton diha sa kangitngit ug nag-ingon, “Walay makakita o makahibalo sa atong gihimo.”

Mga Pagbangotan 3:36

Dili usab gusto ang Ginoo nga tuison ang hustisya diha sa mga hukmanan. Nakita niya kining tanan.

Mateo 1:6

si Jesse amahan ni Haring David. Si Haring David amahan ni Solomon ug ang iyang inahan naasawa kaniadto ni Urias.

Deuteronomio 22:29

magbayad ang lalaki ug 50 kabuok nga pilak ngadto sa amahan sa babaye. Kinahanglan pakaslan niya ang babaye tungod kay gipanamastamasan niya ang pagkababaye niini, ug kinahanglan dili gayod niya kini bulagan samtang buhi pa siya.

Mga Hebreo 13:4

Ang kada usa kinahanglang maghatag ug bili sa kaminyoon. Busa dili gayod kamo manapaw tungod kay silotan sa Dios ang mga tawo nga nakighilawas gawas sa kaminyoon.