2 Samuel 11:26 - Ang Pulong sa Dios

²⁶ Sa pagkasayod ni Batseba nga namatay si Uria nga iyang bana, nagsubo siya.

Ang Biblia 2011

²⁶ Sa pagkadungog sa asawa ni Uria nga si Uria nga iyang bana namatay, siya nagbangutan alang sa iyang bana.

Maayong Balita Biblia

²⁶ Sa pagkasayod sa asawa ni Urias nga namatay ang iyang bana, nagbangotan siya.

Ang Bag-ong Maayong Balita Biblia

²⁶ Sa pagkasayod sa asawa ni Urias nga namatay ang iyang bana, nagbangotan siya.

2 Samuel 11:26 Cross References

Genesis 27:41

Gidumtan ni Esau si Jacob tungod sa panalangin nga gihatag sa iyang amahan ngadto kang Jacob. Miingon si Esau sa iyang kaugalingon, “Hapit na mamatay ang akong amahan, ug inigkahuman sa mga adlaw sa pagbangotan alang kaniya, patyon ko si Jacob.”

Genesis 50:10

Pag-abot nila sa giokanan sa Atad, tabok sa Suba sa Jordan, nagbangotan sila didto alang amahan in Jose ug nagminatay sila sa paghilak. Nagsubo si Jose alang sa iyang amahan sulod sa pito ka adlaw.

2 Samuel 11:25

Miingon si David sa mensahero, “Ingna si Joab nga dili siya angayng maguol tungod sa nahitabo, kay dili man gayod matagna kon kinsa ang mamatay sa gira. Ingna siya nga pangusgan pa gayod niya ang pagsulong sa lungsod hangtod nga malaglag kini.”

2 Samuel 14:2

Busa nagsugo siyag usa ka tawo nga magkuha ug usa ka maalamon nga babaye gikan sa Tekoa. Pag-abot sa babaye, miingon si Joab kaniya, “Pagpakaaron-ingnon nga nagbangotan ka alang sa patay. Pagsul-ob ug bisti nga ginasul-ob sa nagbangotan. Ayaw pagpaguwapa, kondili, pagpakaaron-ingnon nga usa ka babayeng nagbangotan alang sa patay sulod sa taas na nga panahon.

2 Samuel 3:31

Unya miingon si David kang Joab ug sa tanang kauban niini, “Gisia ninyo ang inyong mga bisti, ug pagbisti kamog sako. Pagbangotan kamo ug uban kamo sa paglubong nga mag-una sa patayng lawas ni Abner.” Miuban usab si Haring David nga nagsunod sa patayng lawas.

1 Mga Hari 21:16

Pagkadungog ni Ahab nga patay na si Nabot, milakaw siya dayon sa pagpanag-iya sa ubasan niini.

Deuteronomio 34:8

Nagsubo ang mga Israelinhon alang kang Moises didto sa kapatagan sa Moab sulod sa 30 ka adlaw.

1 Samuel 31:13

Unya gikuha nila ang mga bukog ug gilubong sa ilalom sa kahoy nga tamarisko didto sa Jabes, ug nagpuasa sila sulod sa pito ka adlaw.