2 Samuel 11:2 - Ang Pulong sa Dios

² Usa niana ka hapon, sa gasalop na ang adlaw, mibangon si David gikan sa iyang higdaanan ug naglakaw-lakaw didto sa patag nga atop sa palasyo. Samtang naglantaw-lantaw siya sa ubos, aduna siyay nakita nga usa ka matahom kaayo nga babaye nga naligo.

Ang Biblia 2011

² Nahitabo nga sa usa ka hapon niana, sa dihang mibangon sa David gikan sa iyang higdaanan ug naglakawlakaw sa ibabaw sa atop sa balay sa hari, iyang nakita ang usa ka babaye nga naligo ug ang babaye maanyag kaayo.

Maayong Balita Biblia

² Usa ka hapon niana, tapos mobangon si David sa iyang higdaanan, mipasopaso siya sa atop sa iyang palasyo. Unya nakita niya ang usa ka babaye nga guwapa kaayo nga naligo.

Ang Bag-ong Maayong Balita Biblia

² Usa ka hapon niana, tapos mobangon si David sa iyang higdaanan, mipasopaso siya sa atop sa iyang palasyo. Unya nakita niya ang usa ka babaye nga guwapa kaayo nga naligo.

2 Samuel 11:2 Cross References

Genesis 12:11

Sa nagkaduol na sila sa Ehipto, miingon si Abram sa iyang asawa, “Sarai, maanyag ka nga babaye.

Genesis 3:6

Sa dihang nakita sa babaye nga ang bunga sa kahoy nindot tan-awon ug maayo kan-on, ug tungod kay tinguha niya nga mahimong maalamon, mikuha siya ug bunga ug mikaon. Gihatagan usab niya ang iyang bana nga uban kaniya, ug mikaon usab kini.

Genesis 34:2

Nakita siya ni Sekem nga anak ni Hamor nga Hibihanon, ang pangulo niadtong dapita. Gidagit ni Sekem si Dina ug gilugos.

Genesis 39:6

Gitugyan ni Potifar ang tanan kang Jose ug wala na siyay gikabalak-an pa gawas sa paghuna-huna kon unsay iyang kaonon. Guwapo si Jose ug maayog barog.

Genesis 6:2

Nakita sa mga anak sa Dios nga maanyag ang mga babaye. Busa gipangasawa nila si bisan kinsa nga ilang nagustohan.

2 Samuel 13:1

Adunay matahom nga anak si David nga ginganlag Tamar, ug igsoon siya ni Absalom. Ug kini si Amnon, nga igsoon ni Tamar sa amahan, nakagusto kaniya.

2 Samuel 14:27

Si Absalom adunay tulo ka mga anak nga lalaki ug usa ka babaye. Ang ngalan sa babaye si Tamar, ug guwapa kaayo siya.

2 Samuel 4:5

Usa ka adlaw, miadto sa balay ni Isboset si Recab ug si Baana nga mga anak ni Rimon nga taga-Beerot. Miabot sila didto udtong tutok, samtang nagpahulay si Isboset.

Job 31:1

“Misaad ako sa akong kaugalingon nga dili gayod motan-aw nga adunay kaibog sa mga dalaga.

Salmo 119:37

Ilikay ako sa pagtinguha sa mga butang nga walay pulos. Lugwayi ang akong kinabuhi sumala sa imong saad.

Mga Panultihon 19:15

Kon tapolan ka ug sige rag katulog, magutman ka gayod.

Mga Panultihon 31:30

Ang pagkamadanihon malimbongon, ug ang katahom lumalabay lang; apan ang babaye nga nagtahod sa Ginoo angay nga dayegon.

Mga Panultihon 6:25

Ayaw pagpatintal sa iyang katahom. Ayaw pagpadala sa iyang mga kidhat.

Mga Panultihon 7:8

Misubay siya sa dalan paingon sa kanto diin atua ang balay sa usa ka babayeng daotan.

Jeremias 19:13

Oo, ang tanang pinuy-anan sa Jerusalem, lakip ang mga palasyo sa mga hari sa Juda, isipong hugaw sama sa Tofet. Sa atop niini nga mga pinuy-anan nagsunog ang mga tawo ug mga insenso alang sa ilang dios nga mga bitoon, ug naghalad ug mga halad nga ilimnon alang sa ubang mga dios.’ ”

Mateo 10:27

Ang mga butang nga kaninyo ko lang gisulti, isulti ninyo sa tanan. Ug ang akong gihunghong kaninyo, isangyaw ninyo sa katawhan.

Mateo 24:17

Ang tawo nga naa sa gawas sa iyang balay dili na kinahanglan nga mosulod pa aron sa pagkuha sa iyang mga kabtangan.

Mateo 5:28

Apan ako moingon kaninyo nga kon ang lalaki motan-aw nga adunay tinguha sa pagpakighilawas sa usa ka babaye, sama ra nga nakapanapaw na siya.

Mga Buhat 10:9

Nianang pagkasunod adlaw samtang nagkaduol na sila sa lungsod sa Jopa, misaka si Pedro sa pahulayanan didto sa patag nga atop sa balay aron mag-ampo. Udto kadto.

Deuteronomio 22:8

“Kon magpatukod kamo ug balay, kinahanglang butangan ninyo ug barandilya ang palibot sa inyong patag nga atop, aron wala kamoy tulubagon kon adunay mahulog gikan sa inyong atop ug mamatay.

Deuteronomio 5:21

Ayaw kamo kaibog sa asawa sa inyong isigka-tawo o sa iyang balay, yuta, mga sulugoon, mga kahayopan, o sa bisan unsa nga anaa kaniya.’

1 Pedro 4:7

Hapit na ang kataposan sa kalibotan. Busa pagbaton kamo ug abtik nga panghuna-huna ug pagpugong kamo sa inyong kaugalingon aron walay mahimong babag sa inyong pag-ampo.

1 Juan 2:16

Kay ang tanan nga kalibotanon, nga gipangandoy sa tawhanong pagbati, nga gikaibgan sa mga mata, ug gipasigarbo sa mga tawo, dili gikan sa Amahan kondili iya sa kalibotan.

1 Samuel 9:25

Pagbalik nila sa lungsod gikan sa simbahanan sa habog nga dapit, giandaman ni Samuel ug higdaanan si Saulo didto sa patag nga atop sa iyang balay, ug didto natulog si Saulo.