2 Samuel 11:1 - Ang Pulong sa Dios

¹ Sa bag-ong tuig diin ang mga hari molakaw sa pagpakig-gira, wala mouban si David. Si Joab ug ang iyang mga opisyal lang ang iyang gipalakaw, ug ang tanang kasundalohan sa Israel. Gipildi nila ni Joab ang mga Amonihanon ug gilibotan ang Raba.

Ang Biblia 2011

¹ Sa tingpamulak niadtong tuiga, sa panahon nga ang mga hari mosulong aron sa pagpakiggubat, gipadala ni David si Joab ug ang iyang mga alagad uban kaniya, ug ang tibuok Israel, ug ilang gilaglag ang mga Amonihanon ug gisulong ang Raba. Apan si David nagpabilin sa Jerusalem.

Maayong Balita Biblia

¹ Sa tingpamulak niadtong tuiga, ang panahon nga maoy ipanulong sa mga hari aron pagpakiggubat, gisugo ni David si Joab ug ang iyang mga opisyal, ug ang tanang kasundalohan sa Israel aron paglaglag sa mga Amonihanon ug gilibotan nila ang Raba. Apan nagpabilin si David sa Jerusalem.

Ang Bag-ong Maayong Balita Biblia

¹ Sa tingpamulak niadtong tuiga, ang panahon nga maoy ipanulong sa mga hari aron pagpakiggubat, gisugo ni David si Joab ug ang iyang mga opisyal, ug ang tanang kasundalohan sa Israel aron paglaglag sa mga Amonihanon ug gilibotan nila ang Raba. Apan nagpabilin si David sa Jerusalem.

2 Samuel 11:1 Cross References

2 Samuel 10:14

Pagkakita sa mga Amonihanon nga nangikyas ang mga Aramehanon, nangikyas usab sila gikan kang Abishai ug nanulod sa ilang lungsod. Busa mipauli si Joab sa Jerusalem gikan sa pagpakig-gira sa mga Amonihanon.

1 Mga Hari 20:22

Pagkahuman niadto, miduol ang propeta sa hari sa Israel ug miingon, “Pangandam ug pagplano ug maayo, kay mosulong pag-usab ang hari sa Aram sa sunod nga tuig.”

1 Mga Hari 20:26

Pagkasunod tuig, gitigom ni Ben Hadad ang mga Aramehanon, ug unya nangadto sila sa lungsod sa Afek sa pagpakig-gira sa mga Israelinhon.

1 Cronicas 20:1

Sa panahon sa tingpanglakaw sa mga hari aron sa pagpakig-gira, si Joab ang nangulo sa mga sundalo sa pagpakig-gira, samtang si Haring David nagpabilin sa Jerusalem. Gilaglag nila ni Joab ang yuta sa mga Amonihanon, unya gisulong nila ang Raba, hangtod nga nailog nila kini.

2 Cronicas 36:10

Sa unang bulan sa tuig, gipakuha ni Nebucadnezar si Jehoyakin ug gipadala sa Babilonia uban sa mga mahalong kabtangan gikan sa Templo sa Ginoo, ug gihimo niyang hari sa Jerusalem ug sa ubang bahin sa Juda ang uyoan ni Jehoyakin nga si Zedekia.

Salmo 60:9

Kinsa ang modala kanako sa Edom ug sa siyudad niini nga nalibotan sa mga paril?

Ecclesiastes 3:8

adunay panahon sa paghigugma ug adunay panahon sa pagkasilag, adunay panahon sa kagubot ug adunay panahon sa kalinaw.

Jeremias 49:2

Ako, ang  Ginoo, nag-ingon nga moabot ang panahon nga ipasulong ko sa mga kaaway ang Raba nga inyong ulohang lungsod. Gub-on kini ug sunogon ang mga baryo libot niini. Niining paagiha abugon usab sa mga Israelinhon ang miabog kanila.

Jeremias 49:3

Panghilak kamo taman sa ginhawa, kamong taga-Hesbon, kay napukan na ang Ai. Panghilak usab kamo nga taga-Raba! Pagbisti kamog sako, pagbangotan, ug dagan kamo ngadto-nganhi sa kilid sa mga paril, kay bihagon ang inyong dios-dios nga si Molec uban sa iyang mga pari ug mga opisyal.

Ezequiel 21:20

Ang usa ka dalan paingon sa Raba, ang kapital sa Amon, ug ang usa paingon sa Jerusalem, ang kapital sa Juda nga nalibotan ug paril.

Amos 1:14

Busa sunogon ko ang mga paril sa Raba apil ang lig-ong mga bahin niini. Madungog ang pagsinggit sa ilang mga kaaway nga nagsulong kanila nga daw naghaguros nga bagyo.

Zacarias 14:3

Unya makig-gira ang  Ginoo batok niadtong mga nasora, sama sa pagpakig-gira niya kaniadto.

Deuteronomio 3:11

(Si Haring Og mao lang ang nahibiling kaliwat sa mga Refaimnon. Ang iyang puthaw nga katre 13 ka piye ang gitas-on ug 6 ka piye ang gilapdon. Makita pa kini karon sa Raba nga lungsod sa mga Amonihanon.)

1 Samuel 18:30

Padayon nga nakig-gira ang mga Filistihanon sa mga Israelinhon. Ug sa matag gira nila, mas nagmalampuson si David kaysa ubang mga opisyal ni Saulo. Busa nabantog pag-ayo si David.