2 Samuel 10:18 - Ang Pulong sa Dios

¹⁸ Apan nangikyas ang mga Aramehanon gikan sa mga Israelinhon. Nakapatay sila si David ug 700 ka mga tigkarwahi ug 40,000 ka mga tigkabayo. Napatay usab nila si Shobac nga komander sa mga sundalo.

Ang Biblia 2011

¹⁸ Ug ang mga Sirianhon nanagan gikan sa atubangan sa Israel ug si David nakapatay ug pito ka gatos ka tawo sa karwahi ug 40,000 ka tigpangabayo gikan sa mga Sirianhon, ug nasamdan si Sobak nga tigmando sa ilang kasundalohan, mao nga siya namatay didto.

Maayong Balita Biblia

¹⁸ Nanagan ang mga Sirianhon ug nakapatay si David ug mga tawo nga nagmaniho sa 700 ka karwahi ug 40,000 ka sundalo nga nagkabayo. Niadtong gubata nasamad ug namatay si Sobak ang heneral sa kasundalohan.

Ang Bag-ong Maayong Balita Biblia

¹⁸ Nanagan ang mga Sirianhon ug nakapatay si David ug mga tawo nga nagmaniho sa 700 ka karwahi ug 40,000 ka sundalo nga nagkabayo. Niadtong gubata nasamad ug namatay si Sobak ang heneral sa kasundalohan.

2 Samuel 10:18 Cross References

2 Samuel 10:17

Sa pagkahibalo ni David niini, gipatigom niya ang tanang sundalo sa Israel aron sa pagpakig-gira. Unya mitabok sila sa Suba sa Jordan ug miadto sa Helam. Mipahimutang ang mga Aramehanon sa pagpakig-gira kanila ni David, ug naggira sila.

2 Samuel 8:4

Nailog nila ni David ang 1,000 niya ka mga karwahi, 7,000 ka mga tigkarwahi, ug 20,000 ka mga sundalo. Gipangpiangan nila ni David ang mga kabayo nga tigguyod sa mga karwahi gawas lang sa 100 nga ilang gibilin aron ilang gamiton.

1 Mga Hari 11:24

ug naghimo ug grupo sa mga rebelde nga iyang gipangulohan. Sa dihang napildi ni David ang mga sundalo ni Hadadezer, miadto si Rezon ug ang iyang mga tawo sa Damasco. Gisakop nila kining dapita ug didto sila namuyo.

1 Cronicas 19:18

Apan nangikyas ang mga Aramehanon gikan sa mga Israelinhon. Nakapatay sila David ug 7,000 ka mga tigkarwahi ug 40,000 ka mga sundalo nga naglakaw lang. Napatay usab nila si Shofac nga komander sa mga sundalo.

Salmo 18:38

Gihampak ko sila hangtod nga nangalup-og sila sa akong tiilan ug dili na makabangon pa.

Salmo 46:11

Ang Ginoo nga Makagagahom kauban nato. Ang Dios ni Jacob mao ang atong dalangpanan.

Salmo 68:2

Aboga sila sama sa aso nga gipalid sa hangin. Sama sa kandila nga matunaw sa kalayo, mahanaw unta ang mga daotan sa imong atubangan.

Mga Maghuhukom 4:2

Busa gipasakop sila sa Ginoo kang Jabin nga hari sa Hazor, nga usa ka hari sa mga Canaanhon. Ang komander sa kasundalohan ni Jabin mao si Sisera nga nagpuyo sa Haroshet Hagoyim.

Mga Maghuhukom 4:22

Sa pag-abot ni Barak nga nangita kang Sisera, gisugat siya ni Jael ug giingnan, “Dali, ipakita ko kanimo ang imong gipangita.” Busa miuban si Barak kang Jael sa sulod, ug didto nakita niya si Sisera nga patay na, ug adunay ugsok nga nagtaop sa iyang dungan-dungan.

Mga Maghuhukom 5:26

Unya mikuha siya ug martilyo ug ugsok sa tolda ug gipataop ang ugsok sa dungan-dungan ni Sisera.