2 Mga Taga-Corinto 9:7 - Ang Pulong sa Dios

⁷ Ang matag-usa kinahanglan mohatag sa kinasing-kasing gayod; dili nga mapugos lang o bug-at sa buot, kay gihigugma sa Dios ang mga naghatag nga malipayon.

Ang Biblia 2011

⁷ Ang matag usa maghatag sumala sa kabubut-on sa iyang kasingkasing, dili sa pagpanuko o ingon nga pinugos kay gihigugma sa Dios ang naghatag nga malipayon.

Maayong Balita Biblia

⁷ Busa kinahanglan nga maghatag ang matag usa sumala sa iyang gusto, ug dili magsubo o maghunahuna nga gipugos siya, kay ang Dios nahigugma sa malipayong naghatag.

Ang Bag-ong Maayong Balita Biblia

⁷ Busa kinahanglan nga maghatag ang matag usa sumala sa iyang gusto, ug dili magsubo o maghunahuna nga gipugos siya, kay ang Dios nahigugma sa malipayong naghatag.

2 Mga Taga-Corinto 9:7 Cross References

1 Cronicas 29:17

Dios ko, nahibalo ako nga ginasusi mo ang among kasing-kasing ug malipay ka kon makita mo nga matarong kini. Nasayod ka nga matinud-anon ako ug maayo ang akong tuyo sa paghatag niining mga butanga. Ug nakita ko nga malipayon ug kinasing-kasing usab nga nanghatag ang imong katawhan diha kanimo.

1 Cronicas 29:9

Nalipay pag-ayo ang mga tawo kay mihatag sila nga kinabubut-on ug kinasing-kasing ngadto sa Ginoo. Nalipay usab kaayo si Haring David.

Exodo 25:2

“Ingna ang mga Israelinhon nga maghalad sila kanako. Ikaw mao ang modawat sa mga halad nga kinasing-kasing nilang ihalad kanako.

Exodo 35:5

Maghalad kamo sa Ginoo ug mga butang gikan sa inyong kabtangan. Mahimo kamong maghalad ug bulawan, plata, bronsi,

Mga Panultihon 11:25

Ang tawong mahinatagon mouswag. Ang tawo nga nagtabang sa uban tabangan usab.

Mga Panultihon 22:9

Panalanginan ang mga manggihatagon ug pagkaon ngadto sa mga kabos.

Isaias 32:5

Ang mga buang-buang dili na pasidunggan, ug ang mga limbongan dili na tahoron.

Isaias 32:8

Apan ang tinuod nga tawong dungganon naghimo ug dungganong mga plano, ug kanunay gayod niya kining ginahimo.

Mga Buhat 20:35

Gihimo ko kadto aron ipakita usab kaninyo nga kinahanglan maghago aron matabangan nato ang mga kabos. Hinumdoman nato kanunay ang giingon ni Ginoong Jesus nga mas bulahan ang maghatag kaysa magdawat.”

Roma 12:8

kon adunay gasa sa pagdasig, angay siyang modasig sa uban; kon sa paghatag sa mga kabos; mohatag siya nga walay tihik-tihik; kon sa pagdumala, magdumala siya nga adunay kakugi; ug kon sa pagtabang sa mga naglisod, motabang siya nga adunay kalipay.

2 Mga Taga-Corinto 8:12

Kay kon tinguha gayod ninyo nga mohatag, dawaton sa Dios ang inyong ikahatag. Wala siya nagpaabot nga mohatag kamo sa dili ninyo makaya.

Deuteronomio 15:14

Hatagi siya sa walay tihik-tihik sa imong mga kahayopan, trigo, ug duga sa ubas, sumala sa pagpanalangin sa Ginoo nga imong Dios kanimo.

Filemon 1:14

Apan dili ko kini buhaton nga walay pagtugot gikan kanimo, aron dili pinugos ang pagtabang mo kanako. Gusto ko nga kon motabang ka man gayod, motabang ka nga kinasing-kasing.

Santiago 5:9

Mga igsoon, ayaw kamo pagbinasolay, aron dili kamo silotan sa Dios. Ang maghukom kanato hapit na gayod moabot.

1 Pedro 4:9

Pagmaabiabihon kamo sa usag-usa sa walay pagbagulbol.