2 Mga Taga-Corinto 9:6 - Ang Pulong sa Dios

⁶ Hinumdomi ninyo kini: ang panig-ingnan sa atong paghatag sama sa pagpugas. Kon gamay lang ang atong binhi nga gipugas, gamay lang usab ang atong maani. Apan kon daghan ang atong binhi nga gipugas, daghan usab ang atong maani.

Ang Biblia 2011

⁶ Karon timan-i kini: siya nga nagpugas ug diyotay moani usab ug diyotay, siya nga nagpugas ug daghan moani usab ug daghan.

Maayong Balita Biblia

⁶ Timan-i nga ang nagpugas ug diyutay, mag-anig diyutay. Apan ang nagpugas ug daghan, mag-anig daghan.

Ang Bag-ong Maayong Balita Biblia

⁶ Timan-i nga ang nagpugas ug diyutay, mag-anig diyutay. Apan ang nagpugas ug daghan, mag-anig daghan.

2 Mga Taga-Corinto 9:6 Cross References

Mga Panultihon 11:18

Ang ganti sa tawong daotan lumalabay lang, apan ang buhat sa tawong matarong moani ug matuod nga ganti.

Mga Panultihon 19:17

Kon mohatag ka sa mga kabos, sama lang nga nagpahulam ka sa Ginoo, kay ang  Ginoo mobayad kanimo.

Mga Panultihon 22:9

Panalanginan ang mga manggihatagon ug pagkaon ngadto sa mga kabos.

Ecclesiastes 11:1

Ibutang ang imong bahandi sa negosyo kay sa paglabay sa mga adlaw aduna kay mapaabot nga ganansya.

Ecclesiastes 11:6

Padayon lang sa pagpananom, kay wala ka masayod hain niini ang motubo pag-ayo, o kon maayo ba hinuon ang pagtubo sa tanan.

Lucas 6:38

Panghatag kamo aron hatagan usab kamo. Kon maghatag kaninyo ang Dios, madagayaon gayod, daw sama nga giuyog niya ang taksanan, gidasok, ug gipaawas pa niya sa dili pa ibubo sa inyong sudlanan. Kay kon unsa kadako ang inyong ihatag sa uban mao usab kana ang ihatag kaninyo.”

1 Mga Taga-Corinto 1:12

Ang buot nako ipasabot mao kini: ang uban kaninyo nag-ingon, “Kang Pablo ako,” ug adunay nag-ingon, “Kang Apolos ako.” Aduna pa gayoy nag-ingon, “Kang Pedro ako,” ug ang uban nag-ingon, “Kang Cristo ako.”

1 Mga Taga-Corinto 15:20

Apan ang tinuod, nabanhaw si Cristo gikan sa kamatayon ug mao kini ang nagpamatuod nga banhawon gayod ang mga patay.

1 Mga Taga-Corinto 7:29

Ang buot kong ipasabot mga igsoon mao nga, hamubo na lang ang panahon nga nahibilin. Busa kadtong adunay asawa angay nang magkinabuhi nga murag walay asawa.

2 Mga Taga-Corinto 9:10

Ug ang Dios nga naghatag ug binhi ngadto sa mag-uuma aron makakaon, mao pud ang Dios nga maghatag kaninyo sa inyong mga kinahanglanon. Ug sa ingon niini magdugang pa gayod ang inyong pagtabang sa uban.

2 Mga Taga-Corinto 9:5

Busa nakahuna-huna ako nga kinahanglan kong dasigon kini nga mga igsoon nga mouna diha aron nga sa dili pa ako moabot, matigom na nila ang inyong gisaad nga hinabang. Sa ingon niini nga pamaagi mapamatud-an nga naghatag kamo tungod kay gusto ninyo ug dili tungod kay napugos lang kamo.

Mga Taga-Galacia 3:17

Ang buot kong ipasabot mao kini: adunay gisaad ang Dios kang Abraham. Ug kadto nga saad gihimo sa wala pa ang Kasugoan, tungod kay mga 430 pa ka tuig ang milabay una pa gihatag sa Dios ang Kasugoan. Busa kadtong gisaad sa Dios dili mahimo nga gubaon o wad-an ug bili sa Kasugoan.

Mga Taga-Galacia 5:16

Ang akong buot ipasabot, sunda ninyo ang Espiritu aron dili ninyo mabuhat ang daotan nga tinguha sa inyong tawhanon nga kinaiya.

Mga Taga-Efeso 4:17

Busa sa ngalan sa Ginoo, gipahimangnoan ko kamo nga dili gayod kamo magkinabuhi nga sama sa mga wala moila sa Dios. Ang ilang mga huna-huna walay pulos

Mga Taga-Colosas 2:4

Gisugilon ko kini kaninyo aron dili kamo matunto sa ilang madanihon nga mga pulong.

Mga Hebreo 6:10

Matarong ang Dios, ug dili gayod niya mahimong kalimtan ang inyong mga maayong binuhatan ug ang inyong gugma kaniya nga inyong gipakita ug padayon nga ginapakita pinaagi sa pagtabang sa susama ninyong katawhan sa Dios.