2 Mga Taga-Corinto 4:12 - Ang Pulong sa Dios

¹² Busa tungod kay giwali namo si Cristo mahimong patyon kami, apan mao usab kini ang pamaagi nga makaangkon kamo sa kinabuhi nga walay kataposan.

Ang Biblia 2011

¹² Busa dinhi kanamo naglihok ang kamatayon, apan diha kaninyo ang kinabuhi.

Maayong Balita Biblia

¹² Kini nagpasabot nga dinhi kanamo, ang kamatayon maoy naggahom apan diha kaninyo maoy naggahom ang kinabuhi.

Ang Bag-ong Maayong Balita Biblia

¹² Kini nagpasabot nga dinhi kanamo, ang kamatayon maoy naggahom apan diha kaninyo maoy naggahom ang kinabuhi.

2 Mga Taga-Corinto 4:12 Cross References

Mga Buhat 20:24

Apan bisan unsa ang mahitabo kanako, dili ko igsapayan basta mahuman ko lamang ang buluhaton nga gihatag kanako ni Ginoong Jesus, nga mao ang pagwali sa Maayong Balita mahitungod sa grasya sa Dios.

1 Mga Taga-Corinto 4:10

Tungod kang Cristo, nakaingon ang mga tawo nga buang kami. Apan kamo naghuna-huna nga mga maalamon kamo tungod kay anaa kamo kang Cristo. Mga luya kami ug lig-on kamo. Ginatahod kamo, apan kami ginatamay lang.

2 Mga Taga-Corinto 12:15

Ang tinuod, malipayon pa gani ako kon makahatag ako kaninyo, ug bisan pa ang akong kinabuhi ihatag ko kon gikinahanglan aron makatabang ako kaninyo. Apan ngano ba nga bisan dako ang akong paghigugma kaninyo, gamay lang ang inyong paghigugma kanako?

2 Mga Taga-Corinto 13:9

Malipayon kami, kay sa pagpaubos namo sa among kaugalingon nalig-on kamo sa inyong pagtuo. Among pag-ampo nga wala gayoy ikasaway kaninyo.

2 Mga Taga-Corinto 4:11

Ang among kinabuhi kanunay nga nahimutang sa kakuyaw tungod sa among pag-alagad kang Jesus, aron nga pinaagi niining lawas namo nga adunay kamatayon makita sa tanan ang kinabuhi ni Jesus.

2 Mga Taga-Corinto 4:13

Ang Kasulatan nag-ingon, “Nagtuo ako sa Dios, busa nagsugilon ako.” Ug mao usab kini ang among gibuhat, gisugilon namo ang among gituohan.

Mga Taga-Filipos 2:17

Ang inyong pagtuo sama sa halad alang sa Dios. Sa pagkatinuod kon kinahanglan nga iula ko ang akong dugo alang sa inyong pagtuo, ikalipay ko. Ug dili lang ako ang malipay kondili kamo usab.

Mga Taga-Filipos 2:30

Kay hapit siya mamatay tungod sa iyang pag-alagad kang Cristo. Nahimutang ang iyang kinabuhi sa kakuyaw aron lamang matabangan niya ako isip inyong representante.

1 Juan 3:16

Gihatag ni Cristo ang iyang kinabuhi alang kanato ug pinaagi niini nahibaloan nato ang tinuod nga paghigugma. Busa kita angay usab nga magpakamatay alang sa atong mga igsoon.