2 Mga Taga-Corinto 4:11 - Ang Pulong sa Dios

¹¹ Ang among kinabuhi kanunay nga nahimutang sa kakuyaw tungod sa among pag-alagad kang Jesus, aron nga pinaagi niining lawas namo nga adunay kamatayon makita sa tanan ang kinabuhi ni Jesus.

Ang Biblia 2011

¹¹ Samtang kami buhi, kanunay kaming gitahan ngadto sa kamatayon tungod kang Jesus, aron ang kinabuhi ni Jesus mapadayag dinhi sa among mga lawas nga may kamatayon.

Maayong Balita Biblia

¹¹ Sa tibuok namong kinabuhi kanunay kaming namiligro nga mamatay tungod kang Jesus aron makita ang iyang kinabuhi dinhi sa among lawas nga may kamatayon.

Ang Bag-ong Maayong Balita Biblia

¹¹ Sa tibuok namong kinabuhi kanunay kaming namiligro nga mamatay tungod kang Jesus aron makita ang iyang kinabuhi dinhi sa among lawas nga may kamatayon.

2 Mga Taga-Corinto 4:11 Cross References

Salmo 141:7

Moingon sila, “Magkatag sa baba sa lubnganan ang atong mga bukog sama sa mga bato nga manggawas sa pagdaro sa yuta.”

Salmo 44:22

Apan tungod sa among pagtuo kanimo, anaa kami kanunay sa kakuyaw sa kamatayon. Daw mga karnero kami nga ihawonon.

Roma 8:11

Unya, tungod kay ang Espiritu nga nabanhaw kang Jesus anaa kaninyo, siya nga nabanhaw kang Cristo mao usab ang maghatag ug kinabuhi sa inyong mga lawas nga adunay kamatayon. Buhaton niya kini pinaagi sa Espiritu nga nagpuyo diha kaninyo.

Roma 8:36

Ang Kasulatan nag-ingon: “Tungod sa among pagtuo kanimo, anaa kami kanunay sa kakuyaw sa kamatayon. Sama kami sa mga karnero nga ihawonon.”

1 Mga Taga-Corinto 15:31

Kon unsa ka tinuod nga gipasigarbo ko kamo sa atong paghiusa kang Cristo Jesus nga atong Ginoo, mao usab ka tinuod nga giatubang ko kada adlaw ang kakuyaw sa kamatayon.

1 Mga Taga-Corinto 15:49

Busa ingon nga ang atong lawas nahisama sa lawas ni Adan nga gikan sa yuta, moabot gayod ang adlaw nga ang atong lawas mahisama usab kang Cristo nga gikan sa langit.

2 Mga Taga-Corinto 4:10

Kanunay kaming nahimutang sa kakuyaw sa kamatayon sama sa nahitabo kang Jesus, aron nga pinaagi sa among kinabuhi makita sa tanan ang kinabuhi ni Jesus.

2 Mga Taga-Corinto 4:12

Busa tungod kay giwali namo si Cristo mahimong patyon kami, apan mao usab kini ang pamaagi nga makaangkon kamo sa kinabuhi nga walay kataposan.

2 Mga Taga-Corinto 5:4

Samtang ania pa kita nagpuyo niining lawas nga yutan-on nag-agulo kita tungod sa kalisdanan. Dili tungod kay gusto nato nga mamatay, kondili gusto nato nga masul-oban sa lawas nga langitnon, aron kining lawas nga adunay kamatayon mailisan sa wala na gayoy kamatayon.

2 Mga Taga-Corinto 6:9

Wala kami tagda sa uban, apan ang tinuod nailhan kami sa tanan. Kanunay kaming nahimutang sa kakuyaw sa kamatayon, apan buhi pa gihapon kami. Gidisiplina kami sa Dios apan wala patya.