1 Samuel 9:21 - Ang Pulong sa Dios

²¹ Mitubag si Saulo, “Apan naggikan lang ako sa tribo ni Benjamin, ang labing gamay nga tribo sa Israel, ug ang among pamilya mao ang labing ubos sa among tribo. Nganong giingnan mo ako niana?”

Ang Biblia 2011

²¹ Ug si Saul mitubag, “Dili ba ako usa ka kaliwat ni Benjamin, gikan sa labing gamay nga banay sa Israel? Dili ba nga ang akong panimalay mao ang labing ubos sa tanang panimalay sa banay sa Benjamin? Ngano ba nga ikaw nagsulti man kanako sa ingon niana?”

Maayong Balita Biblia

²¹ Mitubag si Saul, “Kaliwat ako sa banay ni Benjamin, ang labing gamay sa mga banay sa Israel ug ang akong panimalay maoy labing ubos sa banay ni Benjamin. Nganong nakasulti ka man niini?”

Ang Bag-ong Maayong Balita Biblia

²¹ Mitubag si Saul, “Kaliwat ako sa banay ni Benjamin, ang labing gamay sa mga banay sa Israel ug ang akong panimalay maoy labing ubos sa banay ni Benjamin. Nganong nakasulti ka man niini?”

1 Samuel 9:21 Cross References

Salmo 68:27

Gauna ang gamay nga tribo ni Benjamin, sunod mao ang mga pangulo sa Juda uban sa ilang panon, ug nagsunod ang mga pangulo sa Zabulon ug Neftali.

Salmo 68:28

O Dios, ipakita ang imong gahom sama sa gihimo mo kaniadto kanamo.

Oseas 13:1

Kaniadto, kon motingog na gani ang tribo sa Efraim magkurog sa kahadlok ang ubang mga tribo sa Israel, ug modayeg sila kanila. Apan nakasala sila tungod sa ilang pagsimba kang Baal, mao nga nangamatay sila.

Lucas 14:11

Kay si bisan kinsa nga mapahitas-on ipaubos, ug ang mapainubsanon ipataas.”

Mga Taga-Efeso 3:8

Ako ang labing ubos sa tanang mga katawhan sa Dios, apan gihatagan ako sa Dios ug pribilihiyo sa pagsangyaw sa mga dili Judio sa Maayong Balita mahitungod sa dili masukod nga panalangin nga gikan kang Cristo.

1 Samuel 10:27

Kay adunay mga daotang tawo nga nagbugal-bugal kang Saulo. Miingon sila, “Unsaon niining tawhana pagluwas kanato?” Ug wala sila mohatag ug mga gasa kang Saulo. Apan nagpakahilom lang si Saulo.

1 Samuel 14:51

Ang amahan ni Saulo nga si Kish ug ang amahan ni Abner nga si Ner mga anak ni Abiel.

1 Samuel 15:17

Miingon si Samuel, “Bisag giisip mo kaniadto ang imong kaugalingon nga ubos, gipili ka gihapon sa Ginoo nga mahimong hari sa mga tribo sa Israel.

1 Samuel 18:18

Apan miingon si David kang Saulo, “Kinsa ba ako ug ang akong pamilya nga mahimong umagad sa hari?”

1 Samuel 18:23

Sa dihang gisulti nila kini kang David, miingon siya, “Dili ako makahimo sa pagbayad kang Saulo aron mapangasawa ko ang iyang anak. Kabos lang ako ug dili gani ilado.”

1 Samuel 9:22

Unya gidala ni Samuel si Saulo ug ang sulugoon didto sa hawanan diin naglingkod ang 30 ka tawo nga gipang-imbitar. Unya gipalingkod niya si Saulo ug ang sulugoon sa lingkoranan nga alang sa pinasidunggang mga bisita.