1 Samuel 9:20 - Ang Pulong sa Dios

²⁰ Bahin sa mga asno nga nawala tulo na ka adlaw ang milabay, ayawg kabalaka kay nakit-an na sila. Ug karon sultihan ka nako nga ikaw ug ang panimalay sa imong amahan mao ang gilaoman sa mga Israelinhon.”

Ang Biblia 2011

²⁰ Mahitungod sa imong mga asno nga nawala tulo ka adlaw na karon ang nakalabay, ayaw na silag hunahunaa kay nakit-an na sila. Ug kang kinsa ba natumong ang tanan nga gitinguha sa Israel? Dili ba diha kanimo ug sa tibuok panimalay sa imong amahan?”

Maayong Balita Biblia

²⁰ Ayaw kabalaka sa imong mga asno nga nawala tulo ka adlaw na karon kay nakaplagan na sila. Ug kinsa may angay magpahimulos sa tanang maayong butang dinhi sa Israel? Dili ba kini alang man kanimo ug sa tibuok banay sa imong amahan?”

Ang Bag-ong Maayong Balita Biblia

²⁰ Ayaw kabalaka sa imong mga asno nga nawala tulo ka adlaw na karon kay nakaplagan na sila. Ug kinsa may angay magpahimulos sa tanang maayong butang dinhi sa Israel? Dili ba kini alang man kanimo ug sa tibuok banay sa imong amahan?”

1 Samuel 9:20 Cross References

1 Cronicas 29:3

Ug tungod sa akong dakong tinguha alang sa Templo sa akong Dios, ihatag ko ang akong kaugalingong mga bulawan ug plata alang sa pagpatukod niini, walay labot sa mga materyales nga natigom ko na alang sa balaan nga templo.

Salmo 62:10

Ayaw kamo pagsalig sa pagpanghuthot. Ayaw paabota nga adunay makuha kang kaayohan pinaagi sa pagpangawat. Bisan pag modaghan ang inyong bahandi, ayaw pagsalig niini.

Mga Taga-Colosas 3:2

Isentro ninyo ang inyong mga huna-huna sa mga butang nga langitnon, dili sa mga butang nga kalibotanon.

1 Samuel 10:16

Mitubag si Saulo, “Gipasaligan niya kami nga nakit-an na ang mga asno.” Apan wala niya sultihi ang iyang uyoan kon unsa ang giingon ni Samuel mahitungod sa iyang paghari.

1 Samuel 12:13

Karon, ania na ang hari nga inyong gipili. Gipangayo ninyo siya, ug gihatag siya sa Ginoo kaninyo.

1 Samuel 12:15

Apan kon dili kamo mosunod sa Ginoo, ug dili motuman sa iyang mga sugo, silotan niya kamo, sama sa gihimo niya sa inyong mga katigulangan.

1 Samuel 4:20

Sa dihang himalatyon na siya, miingon ang mga babaye nga nagpaanak kaniya, “Lig-ona ang imong kaugalingon! Lalaki ang imong anak!” Apan wala siya manumbaling ni motubag.

1 Samuel 8:19

Apan wala mamati ang mga tawo kang Samuel. Miingon sila, “Dili mahimo! Gusto namo nga adunay hari nga modumala kanamo.

1 Samuel 8:5

Miingon sila kaniya, “Tigulang ka na; ug ang imong mga anak wala mosunod sa imong binuhatan. Karon, hatagi kami ug hari nga mangulo kanamo sama sa ubang mga nasod.”

1 Samuel 9:19

Mitubag si Samuel kang Saulo, “Ako ang manalagna. Pag-una kamo kanako sa simbahanan sa habog nga dapit, kay niining adlawa mokaon kamo uban kanako. Ug ugma sa buntag, isulti ko kanimo, ang tanan nga anaa sa imong huna-huna, ug unya palakwon ko kamo.

1 Samuel 9:3

Karon, kini si Kish nawad-an ug mga asno, busa miingon siya sa iyang anak nga si Saulo, “Ubana ang usa sa mga sulugoon ug pangitaa ang mga asno.”