1 Samuel 5:9 - Ang Pulong sa Dios

⁹ Apan sa dihang miabot na kini didto, gisilotan usab sa Ginoo ang mga katawhan niadtong lungsora. Nangalisang sila pag-ayo kay gipatuboan usab sila sa Ginoo ug mga tumor, bata man o tigulang.

Ang Biblia 2011

⁹ Apan human kini nila madala ngadto sa Gat, ang kamot sa Ginoo nakigbatok sa siyudad, hinungdan sa dakong kaguliyang, ug gisakit niya ang katawhan sa siyudad, bata ug tigulang pinaagi sa pagdagsang sa mga hubag.

Maayong Balita Biblia

⁹ Apan sa didto na sa siyudad sa Gat ang Sudlanan, gikastigo na usab sa Ginoo ang mga lumolupyo sa siyudad ug nangalisang sila pag-ayo kay gisakit man niya sila, bata ug tigulang, pinaagig mga hubag.

Ang Bag-ong Maayong Balita Biblia

⁹ Apan sa didto na sa siyudad sa Gat ang Sudlanan, gikastigo na usab sa Ginoo ang mga lumolupyo sa siyudad ug nangalisang sila pag-ayo kay gisakit man niya sila, bata ug tigulang, pinaagig mga hubag.

1 Samuel 5:9 Cross References

Salmo 78:66

Giabog niya ang iyang mga kaaway; gipakaulawan niya sila sa walay kataposan.

Amos 5:19

Mahisama kamo sa usa ka tawo nga naghuna-huna nga luwas na siya tungod kay nakalikay siya sa liyon, apan nakatagbo hinuon ug oso, o sa tawo nga naghuna-huna nga walay daotang mahitabo kaniya tungod kay anaa na siya sa sulod sa balay, apan sa pagtukod niya sa iyang kamot sa dingding gipaak hinuon kini sa bitin.

Deuteronomio 2:15

Gisilotan sila sa Ginoo hangtod nangahurot sila ug kamatay.

1 Samuel 12:15

Apan kon dili kamo mosunod sa Ginoo, ug dili motuman sa iyang mga sugo, silotan niya kamo, sama sa gihimo niya sa inyong mga katigulangan.

1 Samuel 5:10

Busa gipadala nila ngadto sa Ekron ang Sudlanan sa Dios. Ug sa dihang isulod na kini didto sa Ekron, mireklamo ang mga katawhan didto. Miingon sila, “Gidala nila dinhi ang Sudlanan sa Dios sa Israel aron patyon kitang tanan.”

1 Samuel 5:11

Busa gipatawag nila ang tanang pangulo sa mga Filistihanon ug giingnan, “Ibalik ninyo ang Sudlanan sa Dios sa Israel didto sa iyang dapit, kay kon dili, mangamatay kitang tanan.” Nakasulti sila niini tungod kay nagsugod na ang labihang pagsilot sa Dios sa ilang lungsod. Nangalisang sila kay daghan ang nangamatay.

1 Samuel 5:6

Gisilotan pag-ayo sa Ginoo ang mga taga-Ashdod ug ang mga dapit sa palibot niini. Gipatuboan sila sa Ginoo ug mga tumor aron sa pagpaantos kanila.

1 Samuel 6:11

Gibutang nila sa karomata ang Sudlanan sa Ginoo ug ang kahon nga adunay sulod nga mga bulawan nga gipormag mga ilaga ug mga tumor.

1 Samuel 7:13

Busa napildi ang mga Filistihanon, ug wala na sila mosulong pag-usab sa dapit sa mga Israelinhon, kay nakigbatok gayod ang Ginoo kanila samtang buhi pa si Samuel.