1 Samuel 5:8 - Ang Pulong sa Dios

⁸ Busa gipatawag nila ang tanang pangulo sa mga Filistihanon ug gipangutana, “Unsa ang atong himuon sa Sudlanan sa Dios sa Israel?” Mitubag sila, “Dad-on nato kini sa Gat.” Busa gidala nila ang Sudlanan sa Dios sa Israel ngadto sa Gat.

Ang Biblia 2011

⁸ Busa ilang gipasugoan ug gitigom ang tanang mga pangulo sa mga Filistihanon ug miingon, “Unsay atong buhaton sa sudlanan sa kasabotan sa Dios sa Israel?” Ug sila mitubag, “Kinahanglang dad-on ang sudlanan sa kasabotan sa Dios sa Israel ngadto sa Gat.” Busa ilang gidala ang sudlanan sa kasabotan sa Dios sa Israel didto.

Maayong Balita Biblia

⁸ Busa ilang gitigom ang tanang kadagkoan sa mga Filistihanon ug giingnan, “Unsay angay tang buhaton sa Sudlanan sa Kasabotan sa Dios sa Israel?” Sila mitubag, “Kinahanglan dad-on ang Sudlanan ngadto sa Gat.” Busa ila kining gidala didto.

Ang Bag-ong Maayong Balita Biblia

⁸ Busa ilang gitigom ang tanang kadagkoan sa mga Filistihanon ug giingnan, “Unsay angay tang buhaton sa Sudlanan sa Kasabotan sa Dios sa Israel?” Sila mitubag, “Kinahanglan dad-on ang Sudlanan ngadto sa Gat.” Busa ila kining gidala didto.

1 Samuel 5:8 Cross References

1 Cronicas 7:21

Zabad, ug Shutela. Adunay lain pang duha ka mga anak si Efraim nga mao sila si Ezer ug si Elead. Apan gipatay sila sa mga lumad sa Gat sa dihang misulay sila sa pagpangawat sa mga kahayopan niini.

Amos 6:2

Tan-awa ang siyudad sa Calne, ang dakong siyudad sa Hamat, ug ang siyudad sa Gat nga sakop sa Filistia. Mas gamhanan pa ba kamo kaysa nianang mga gingharian? Mas halapad pa ba ang inyong yuta kaysa kanila?

Zacarias 12:3

Nianang adlawa, himuon ko ang Jerusalem nga sama sa usa ka bug-at nga bato. Ug ang bisan unsa nga nasod nga moalsa niini masakitan gayod. Ang tanang nasod sa kalibotan maghiusa sa pagsulong sa Jerusalem.

Josue 13:3

nga sakop sa teritoryo sa mga Canaanhon. Naggikan kini sa suba sa Shihor sa sidlakang bahin sa Ehipto hangtod sa utlanan sa Ekron sa amihan, ug lakip na ang lima ka mga lungsod sa mga Filistihanon: Gaza, Ashdod, Ashkelon, Gat, ug Ekron. Ug wala pa usab mailog ang kayutaan sa mga Abimihanon

Josue 15:11

Mipadayon kini ngadto sa amihan nga bakilid sa Ekron ug miliko paingon sa Shikeron, agi sa Bukid sa Baala hangtod sa Jabneel. Misangko kini sa Dagat sa Mediteraneo.

1 Samuel 17:4

Unya, kini si Goliat nga taga-Gat, nga kapin siyam ka piye ang katas-on, ug maayo sa pagpakig-gira, migawas sa kampo sa mga Filistihanon.

1 Samuel 17:52

Unya midasdas ang mga sundalo sa Israel ug Juda nga nagpaninggit, ug gigukod nila ang mga Filistihanon hangtod sa Gat ug Ekron. Nagkatag ang mga patayng lawas sa mga Filistihanon sa dalan sa Shaaraim paingon sa Gat ug Ekron.

1 Samuel 29:6

Busa gitawag ni Akish si David ug giingnan, “Nagsulti ako sa tinuod sa presensya sa buhi nga Ginoo nga masaligan ka gayod. Ug gusto ko gayod unta nga mokuyog ka kanako sa pagpakig-gira, tungod kay sukad sa adlaw nga miuban ka kanako hangtod karon wala gayod akoy nakitang daotan diha sa imong pagkatawo. Apan walay pagsalig kanimo ang ubang mga pangulo.

1 Samuel 5:11

Busa gipatawag nila ang tanang pangulo sa mga Filistihanon ug giingnan, “Ibalik ninyo ang Sudlanan sa Dios sa Israel didto sa iyang dapit, kay kon dili, mangamatay kitang tanan.” Nakasulti sila niini tungod kay nagsugod na ang labihang pagsilot sa Dios sa ilang lungsod. Nangalisang sila kay daghan ang nangamatay.

1 Samuel 5:7

Sa dihang nakita sa mga taga-Ashdod ang mga panghitabo, miingon sila, “Dili angay nga magpabilin dinhi kanato ang Sudlanan sa Kasabotan gikan sa Dios sa Israel tungod kay gisilotan niya kita ug si Dagon nga atong dios.”

1 Samuel 6:2

gipatawag sa mga Filistihanon ang ilang mga pari ug mga babaylan ug gipangutana, “Unsay among himuon sa Sudlanan sa Ginoo? Sultihi kami kon unsaon namo kini pag-uli sa iyang dapit.”