1 Samuel 4:4 - Ang Pulong sa Dios

⁴ Busa gipakuha nila gikan sa Silo ang Sudlanan sa Kasabotan sa Ginoo nga Makagagahom. Ang tabon niining Sudlanan adunay estatuwa sa duha ka kerubin, ug nagpuyo ang Ginoo taliwala niini. Miuban sa pagkuha sa Sudlanan sa Dios ang duha ka anak ni Eli nga si Hofni ug si Pinehas.

Ang Biblia 2011

⁴ Busa ang katawhan nagpasugo ngadto sa Silo ug ilang gikuha gikan didto ang sudlanan sa kasabotan sa Ginoo sa mga panon nga naglingkod ibabaw sa mga kerubin. Ang duha ka anak nga lalaki ni Eli nga si Hopni ug si Pinehas didto uban sa sudlanan sa kasabotan sa Dios.

Maayong Balita Biblia

⁴ Busa nagsugo silag mga tawo pag-adto sa Silo aron pagkuha sa Sudlanan sa Kasabotan sa Ginoo nga maoy naghulagway sa mahimayaong trono sa Ginoo nga Labing Gamhanan ibabaw sa mga Kerubin. Ang duha ka anak ni Eli, si Hopni ug si Pinehas, mikuyog sa Sudlanan sa Kasabotan.

Ang Bag-ong Maayong Balita Biblia

⁴ Busa nagsugo silag mga tawo pag-adto sa Silo aron pagkuha sa Sudlanan sa Kasabotan sa Ginoo nga maoy naghulagway sa mahimayaong trono sa Ginoo nga Labing Gamhanan ibabaw sa mga Kerubin. Ang duha ka anak ni Eli, si Hopni ug si Pinehas, mikuyog sa Sudlanan sa Kasabotan.

1 Samuel 4:4 Cross References

2 Samuel 15:24

Didto usab ang mga pari nga si Sadok ug Abiatar, ug ang tanang mga Levita nga nagdala sa Sudlanan sa Kasabotan sa Dios. Gibutang nila ang Sudlanan sa Kasabotan ug naghalad si Abiatar hangtod nga nakabiya sa siyudad ang tanang mga tawo ni David.

2 Samuel 6:2

Unya miadto sila sa Baala nga sakop sa Juda aron sa pagkuha sa Sudlanan sa Dios, diin anaa ang presensya sa Ginoo nga Makagagahom. Nagpuyo ang Ginoo taliwala sa mga kerubin diha sa ibabaw sa Sudlanan.

2 Mga Hari 19:15

Unya nag-ampo siya, “Ginoo, Dios sa Israel nga naglingkod sa trono taliwala sa mga kerubin, ikaw lang ang Dios nga nagdumala sa tanang gingharian dinhi sa kalibotan. Gihimo mo ang kalangitan ug ang kalibotan.

Salmo 80:1

Pamatia kami, O Magbalantay sa Israel, nga gagiya sa mga kaliwat ni Jose nga daw panon sa mga karnero. Ikaw nga naglingkod sa imong trono sa taliwala sa mga kerubin, ipakita ang imong pagkahalangdon

Salmo 80:2

sa tribo ni Efraim, ni Benjamin, ug ni Manases. Ipakita kanamo ang imong gahom. Dali! Luwasa kami!

Salmo 99:1

Naghari ang  Ginoo ug naglingkod siya sa iyang trono taliwala sa mga kerubin. Busa nangurog ang mga tawo ug natay-og ang kalibotan.

Isaias 37:16

“Ginoo nga Makagagahom, Dios sa Israel nga naglingkod sa trono taliwala sa mga kerubin, ikaw lang ang Dios nga nagdumala sa tanang gingharian dinhi sa kalibotan. Gihimo mo ang kalangitan ug ang kalibotan.

Malaquias 1:9

“Busa karon, kamong mga pari, hangyoa ninyo ang Dios nga kaloy-an kita. Apan niana nga matang sa mga halad nga gihalad ninyo kaniya sigurado gayod nga dili niya kamo pakitaan ug kaayo. Mao kini ang giingon sa Ginoo nga Makagagahom.”

Numeros 4:15

“Human mataboni ni Aaron ug sa iyang mga anak nga lalaki ang Tolda nga Tagboanan ug ang tanang mga kagamitan niini, kuhaon ug dayongan kini sa mga kaliwat ni Kohat sa higayon nga mobiya na sila sa ilang gikampohan. Apan kinahanglang dili gayod nila tandogon kining balaan nga mga butang aron dili sila mamatay. Mao kadto ang mga kagamitan sa Tolda nga Tagboanan nga dad-on sa mga kaliwat ni Kohat.

Numeros 4:5

Sa higayon nga mobiya na kamo sa inyong gikampohan, mosulod si Aaron ug ang iyang mga anak sa Tolda ug kuhaon nila ang kurtina sa sulod ug itabon kini sa Sudlanan sa Kasugoan.

Numeros 7:89

Kon mosulod si Moises sa Tolda nga Tagboanan sa pagpakigsulti sa Ginoo, madungog niya ang tingog nga nagsulti kaniya gikan sa taliwala sa duha ka kerubin, nga anaa ibabaw sa tabon sa Sudlanan sa Kasugoan. Didto makigsulti ang Ginoo kang Moises.

1 Samuel 1:24

Human niya malutas ang bata, gidala niya kini sa balay sa Ginoo didto sa Silo. Nagdala usab siyag nating torong baka nga nag-edad ug tulo ka tuig, napulo ka kilo nga harina, ug bino nga gisulod ug sudlanan nga panit.

1 Samuel 14:3

Didto usab si Ahia nga pari, ug nagsul-ob kini ug efod. Si Ahia anak ni Ahitub, nga igsoon ni Icabod. Si Ahitub anak ni Pinehas. Si Pinehas anak ni Eli nga pari sa Ginoo sa Silo kaniadto. Walay nasayod nga milakaw si Jonatan.

1 Samuel 2:22

Karon, tigulang na kaayo si Eli. Nadunggan niya ang tanang daotan nga gipanghimo sa iyang mga anak ngadto sa mga Israelinhon. Nadunggan usab niya ang ilang pagpakighilawas sa mga babaye nga nag-alagad didto sa may pultahan sa Tolda nga Tagboanan.