1 Samuel 4:3 - Ang Pulong sa Dios

³ Sa dihang mibalik sa kampo ang nahibiling mga Israelinhon, nangutana ang mga tigdumala sa Israel, “Nganong gipasagdan kita sa Ginoo nga mapildi sa mga Filistihanon? Maayo pag atong kuhaon ang Sudlanan sa Kasabotan didto sa Silo, aron ubanan kita sa Ginoo ug luwason kita gikan sa atong mga kaaway.”

Ang Biblia 2011

³ Sa diha nga ang mga tawo miabot na sa kampo, ang mga kadagkoan sa Israel miingon, “Nganong gipabuntog man kita sa Ginoo niining adlawa sa atubangan sa mga Filistihanon? Atong kuhaon ang sudlanan sa kasabotan sa Ginoo gikan sa Silo ug dad-on nato dinhi aron moanhi siya sa atong taliwala ug magluwas kanato gikan sa kamot sa atong mga kaaway.”

Maayong Balita Biblia

³ Sa pagpauli sa mga tropa didto sa ilang kampo, ang mga pangulo sa Israel miingon, “Nganong gipabuntog man kita sa Ginoo sa mga Filistihanon niining adlawa? Dad-on nato nganhi gikan sa Silo ang Sudlanan sa Kasabotan sa Ginoo aron ubanan kita niya ug luwason gikan sa atong mga kaaway.”

Ang Bag-ong Maayong Balita Biblia

³ Sa pagpauli sa mga tropa didto sa ilang kampo, ang mga pangulo sa Israel miingon, “Nganong gipabuntog man kita sa Ginoo sa mga Filistihanon niining adlawa? Dad-on nato nganhi gikan sa Silo ang Sudlanan sa Kasabotan sa Ginoo aron ubanan kita niya ug luwason gikan sa atong mga kaaway.”

1 Samuel 4:3 Cross References

2 Samuel 15:25

Unya miingon si David kang Sadok, “Ibalik ang Sudlanan sa Dios sa Jerusalem. Kon nalipay ang Ginoo kanako, pabalikon niya ako sa Jerusalem ug makita ko pag-usab ang Sudlanan sa Dios ug ang dapit nga nahimutangan niini.

1 Cronicas 17:1

Sa dihang nagpuyo na si David sa iyang palasyo, miingon siya kang Propeta Natan, “Ania ako nagpuyo sa matahom nga palasyo nga hinimo sa kahoyng sedro, apan ang Sudlanan sa Kasabotan sa Ginoo anaa lang sa usa ka tolda.”

Salmo 74:1

O Dios, nganong gisalikway mo man kami sa hingpit? Nganong nasuko ka sa katawhan nga imong gibantayan?

Salmo 74:11

Nganong wala mo pa man sila siloti? Nganong gipugngan mo man ang imong mga kamot? Laglaga na sila!

Isaias 50:1

Miingon ang  Ginoo, “Gisalikway ko ba ang Jerusalem sama sa usa ka bana nga mibulag sa iyang asawa? Pamatud-i ninyo! Gibaligya ko ba kamo ingon nga ulipon ngadto sa akong giutangan isip bayad? Gibihag kamo tungod sa inyong mga sala. Gisalikway ang Jerusalem tungod sa inyong mga kalapasan.

Isaias 58:3

Miingon pa sila, ‘Nagpuasa kami, apan wala ka magtagad. Nagpenitensya kami, apan wala ka magpakabana.’ “Mitubag ako: Ang tinuod, samtang nagpuasa kamo, ang inyong kaugalingon lang nga kalipay ang inyong gihuna-huna, ug ang inyong mga trabahante inyong gidaog-daog.

Isaias 59:1

Pamati! Dili huyang ang  Ginoo nga dili siya makaluwas kaninyo o dili siya bungol nga dili siya makadungog kon manawag kamo kaniya.

Isaias 59:2

Ang inyong mga sala mao ang nagpahimulag kaninyo gikan sa Dios. Mao kini ang hinungdan nga mitalikod siya kaninyo ug dili na mamati sa inyong mga pag-ampo.

Jeremias 3:16

Inig-abot sa panahon nga modaghan na kamo pag-ayo niana nga yuta, dili na ninyo hisgotan pa ang Sudlanan sa Kasabotan. Dili na ninyo kini handomon o hinumdoman pa, ug dili na kamo maghimo ug laing Sudlanan sa Kasabotan.

Jeremias 7:4

Ayaw kamo pagtuo sa pagpanglingla sa mga tawong nagsigeg ingon nga dili kamo maunsa tungod kay ania kanato ang Templo sa Ginoo.

Numeros 10:33

Busa namiya sila sa bukid sa Ginoo ug nanglakaw ug tulo ka adlaw. Gauna kanunay kanila ang Sudlanan sa Kasabotan sa pagpangita ug dapit nga ilang kapahulayan.

Numeros 10:35

Matag higayon nga dalhon na ang Sudlanan sa Kasabotan moingon si Moises, “Sige na, Ginoo, ipatibulaag na ang imong mga kaaway. Hinaut nga mangikyas sila.”

Numeros 31:6

Gipadala sila ni Moises sa gira, 1,000 gikan sa kada tribo, nga ginapangulohan ni Pinehas nga anak ni Eleazar nga pari. Nagdala si Pinehas ug balaan nga mga kagamitan gikan sa Balaang Dapit ug mga trumpeta nga gamiton sa paghatag ug sinyas.

Deuteronomio 29:24

Unya mangutana ang tanang nasod, ‘Nganong gihimo kini sa Ginoo sa ilang nasod? Nganong labihan gayod ang iyang kasuko?’

Deuteronomio 31:26

“Kuhaa ninyo kining Libro sa Kasugoan ug ibutang sa tapad sa Sudlanan sa Kasabotan sa Ginoo nga inyong Dios. Magpabilin kini didto ingon nga saksi batok sa katawhan sa Israel.

2 Timoteo 3:5

Magpakaaron-ingnon sila nga diosnon apan isalikway nila ang gahom sa Dios. Likayi ang mga tawo nga sama kanila.

Mga Hebreo 9:4

Atua didto ang bulawan nga halaran nga sunoganan sa insenso, ug ang sudlanan sa Kasabotan nga hinaklapan usab ug bulawan. Didto sa kahon nasulod ang bulawan nga tibod nga gisudlan sa manna, ug ang sungkod ni Aaron nga nanalingsing. Atua usab ang lagpad nga mga bato nga gisulatan sa kasugoan sa Dios.

Josue 4:7

suginli ninyo sila nga mihunong ang pagdagayday sa tubig sa Suba sa Jordan sa dihang gitabok ang Sudlanan sa Kasabotan sa Ginoo. Kining mga batoha magpabilin nga usa ka handomanan alang sa katawhan sa Israel hangtod sa kahangtoran.”

Josue 6:6

Busa gitawag ni Josue nga anak ni Nun ang mga pari ug giingnan, “Dad-a ninyo ang Sudlanan sa Kasabotan sa Ginoo. Mag-una ang pito kaninyo nga magtagsa ug dala ug budyong.”

Josue 7:7

Miingon si Josue, “O Ginoong Dios, nganong gipatabok mo pa kami sa Suba sa Jordan kon ipapildi mo man lang kami sa mga Amorihanon? Maayo pa ug nagpabilin na lang kami sa tabok sa Jordan.

Josue 7:8

O Ginoo, unsa na may akong isulti karon nga misibog man ang mga Israelinhon sa ilang mga kaaway?

1 Pedro 3:21

Kini nga tubig mao ang panig-ingnan sa pagbautismo kanato. Ug kini nga bautismo mao ang nagluwas kanato pinaagi sa pagkabanhaw ni Jesu-Cristo. Dili kini paghugas sa mga hugaw sa atong lawas, kondili nagsaad kita sa Dios nga dili na kita magbuhat sa mga butang nga atong nasayran nga dili niya gusto.

Judas 1:5

Bisan nasayod na kamo, gusto ko pa gihapon kamong pahinumdoman nga giluwas sa Ginoo ang mga Israelita sa Ehipto, apan sa kaulahian gipamatay niya ang uban kanila tungod kay wala sila motuo kaniya.

1 Samuel 1:24

Human niya malutas ang bata, gidala niya kini sa balay sa Ginoo didto sa Silo. Nagdala usab siyag nating torong baka nga nag-edad ug tulo ka tuig, napulo ka kilo nga harina, ug bino nga gisulod ug sudlanan nga panit.

1 Samuel 14:18

Miingon si Saulo kang Ahia, “Dad-a dinhi ang Sudlanan sa Dios.” (Niadtong higayona ang Sudlanan sa Dios didto sa mga Israelinhon.)

1 Samuel 4:2

Misulong ang mga Filistihanon, ug labihan gayod ang ilang panaggira. Gipildi sa mga Filistihanon ang mga Israelinhon; 4,000 ka mga Israelinhon ang ilang napatay.