1 Samuel 28:1 - Ang Pulong sa Dios

¹ Niadtong mga panahona gitigom sa mga Filistihanon ang ilang mga sundalo aron sa pagpakig-gira sa mga Israelinhon. Miingon si Akish kang David, “Ikaw ug ang imong mga tawo kinahanglang mouban kanamo sa pagpakig-gira.”

Ang Biblia 2011

¹ Niadtong mga adlawa ang mga Filistihanon nagtigom sa ilang mga kasundalohan aron sa pagpakig-away batok sa Israel. Ug si Akis miingon kang David, “Sabta nga ikaw ug ang imong mga tawo mouban kanako sa panggubatan.”

Maayong Balita Biblia

¹ Niadtong panahona nagtigom ang kasundalohang Filistihanon aron sa pagpakiggubat sa Israel. Ug giingnan ni Akis si David, “Kinahanglan nga ikaw ug ang imong mga sakop mouban kanako sa panggubatan.”

Ang Bag-ong Maayong Balita Biblia

¹ Niadtong panahona nagtigom ang kasundalohang Filistihanon aron sa pagpakiggubat sa Israel. Ug giingnan ni Akis si David, “Kinahanglan nga ikaw ug ang imong mga sakop mouban kanako sa panggubatan.”

1 Samuel 28:1 Cross References

1 Samuel 13:5

Nagtigom ang mga Filistihanon aron sa pagpakig-gira sa mga Israelinhon. Adunay 3,000 sila ka mga karwahi, 6,000 ka mga tigkabayo, ug labihan kadaghang mga sundalo, nga daw sa balas sa baybayon. Nangadto sila sa Mikmas, sa sidlakan sa Bet Aven, ug didto nagkampo.

1 Samuel 17:1

Gitigom sa mga Filistihanon ang ilang mga sundalo didto sa Soco nga sakop sa Juda, aron makig-gira. Nagkampo sila sa Efes Damim, sa tunga-tunga sa Soco ug Azeka.

1 Samuel 27:12

Misalig gayod si Akish kang David ug miingon sa iyang kaugalingon, “Gidumtan na karon si David sa iyang mga katagilungsod nga Israelinhon, busa mahimo ko siyang alagad hangtod sa kahangtoran.”

1 Samuel 31:1

Unya, nakig-gira ang mga Filistihanon sa mga Israelinhon sa Bukid sa Gilboa. Daghan ang namatay sa mga Israelinhon ug ang uban kanila nangikyas.

1 Samuel 7:7

Sa dihang nabalitaan sa mga Filistihanon nga ang mga Israelinhon nagtigom sa Mizpa, nangandam ang mga pangulo sa mga Filistihanon sa pagsulong sa mga Israelinhon. Ug sa dihang nabalitaan kini sa mga Israelinhon, nahadlok sila.