1 Samuel 27:12 - Ang Pulong sa Dios

¹² Misalig gayod si Akish kang David ug miingon sa iyang kaugalingon, “Gidumtan na karon si David sa iyang mga katagilungsod nga Israelinhon, busa mahimo ko siyang alagad hangtod sa kahangtoran.”

Ang Biblia 2011

¹² Ug si Akis misalig kang David nga naghunahuna, “Siya naghimo sa iyang kaugalingon nga dumtan gayod sa katawhan sa Israel, busa siya mahimo nga akong sulugoon sa kanunay.”

Maayong Balita Biblia

¹² Si Akis misalig kang David kay nagtuo man siya nga si David gidumtan gayod pag-ayo sa katawhan sa Israel busa magpabilin siyang ulipon niya.

Ang Bag-ong Maayong Balita Biblia

¹² Si Akis misalig kang David kay nagtuo man siya nga si David gidumtan gayod pag-ayo sa katawhan sa Israel busa magpabilin siyang ulipon niya.

1 Samuel 27:12 Cross References

Genesis 34:30

Unya, miingon si Jacob kang Simeon ug kang Levi, “Gihatagan ninyo ako ug dakong problema. Dumtan na kita karon sa mga Canaanhon ug mga Perisihanon niining dapita. Gamay ra kita kaayo. Mamatay gayod kitang tanan kon maghiusa sila sa pagsulong kanato.”

2 Samuel 10:6

Nakaamgo ang mga Amonihanon nga gipalagot nila pag-ayo si David, busa nagsuhol silag 20,000 ka mga sundalong Aramehanon nga taga-Bet Rehob ug taga-Zoba, 1,000 ka mga sundalo gikan sa hari sa Maaca, ug 12,000 ka mga sundalo gikan sa Tob.

Exodo 5:21

Miingon sila kang Moises ug kang Aaron, “Hinaut unta nga silotan kamo sa Ginoo, kay tungod kaninyo nasuko kanamo ang hari ug ang iyang mga opisyal. Tungod sa inyong gihimo nakakita silag hinungdan sa pagpatay kanamo!”

1 Samuel 13:4

Nabalitaan sa mga Israelinhon nga nasuko pag-ayo ang mga Filistihanon kanila tungod sa pagsulong ni Saulo sa ilang kampo. Busa nagtigom ang mga Israelinhon uban kang Saulo didto sa Gilgal.

1 Samuel 27:11

Panghutdon gayod nila ni David ug pamatay ang tanang mga lalaki ug babaye aron walay usa nga makaadto sa Gat sa pagsugilon kon unsa gayod ang iyang gihimo. Mao kini kanunay ang gihimo ni David samtang didto siya nagpuyo sa teritoryo sa mga Filistihanon.

1 Samuel 28:1

Niadtong mga panahona gitigom sa mga Filistihanon ang ilang mga sundalo aron sa pagpakig-gira sa mga Israelinhon. Miingon si Akish kang David, “Ikaw ug ang imong mga tawo kinahanglang mouban kanamo sa pagpakig-gira.”