1 Samuel 26:20 - Ang Pulong sa Dios

²⁰ Ayaw itugot nga mamatay ako sa yuta sa mga langyaw, nga halayo sa Ginoo. Nganong ikaw nga hari sa Israel nangita man gayod kanako nga sama man lang ako sa pulgas? Nganong gigukod mo ako sama sa langgam sa bukid?”

Ang Biblia 2011

²⁰ Busa karon, ayaw itugot nga ang akong dugo maula sa yuta nga layo sa atubangan sa Ginoo, kay ang hari sa Israel mianhi aron sa pagpangita sa usa ka pulgas, sama sa tawo nga nangayam sa usa ka langgam sa kabukiran.”

Maayong Balita Biblia

²⁰ Ayaw ako ipapatay didto sa langyaw nga yuta halayo sa Ginoo. Nganong ang hari sa Israel moanhi man aron sa pagpatay ug usa ka pulgas nga sama kanako? Nganong gukdon man ako niya sama sa usa ka ihalas nga langgam?”

Ang Bag-ong Maayong Balita Biblia

²⁰ Ayaw ako ipapatay didto sa langyaw nga yuta halayo sa Ginoo. Nganong ang hari sa Israel moanhi man aron sa pagpatay ug usa ka pulgas nga sama kanako? Nganong gukdon man ako niya sama sa usa ka ihalas nga langgam?”

1 Samuel 26:20 Cross References

Jeremias 16:16

“Apan sa pagkakaron, padad-an ko una silag daghang kaaway nga daw mga mangingisda nga modakop kanila. Human niana, magpadala akog mga kaaway nga daw mga mangangayam nga mangita kanila sa mga bukid, mga bungtod, ug mga kabatoan.

Mga Pagbangotan 3:52

Daw langgam ako nga gigukod sa akong mga kaaway bisan ug wala akoy nahimong sala kanila.

Mateo 26:47

Samtang nagsulti pa si Jesus, miabot si Judas nga usa sa dose ka mga tinun-an. Uban kaniya ang daghang mga tawo nga nagdala ug mga espada ug mga bunal. Gisugo sila sa kadagkoan sa mga pari ug pangulo sa mga Judio.

Mateo 26:55

Unya miingon si Jesus sa mga tawo, “Tulisan ba ako nga kinahanglan gayod nga magdala pa kamog mga espada ug mga bunal sa pagdakop kanako? Adlaw-adlaw didto ako sa templo nga nagtudlo, apan wala ninyo ako dakpa.

1 Samuel 2:9

Gibantayan niya ang iyang matinumanong katawhan, apan ang mga daotan iyang laglagon. Walay tawo nga magmadaogon pinaagi sa iyang kaugalingong katakos.

1 Samuel 24:11

Amahan, tan-awa ang bahin sa imong bisti nga akong gikuptan. Giputol ko ang sidsid sa imong bisti apan wala ka nako patya. Nagpamatuod kini nga wala akoy tuyo sa pagpasipala kanimo o sa pagrebelde kanimo. Wala ako makasala batok kanimo apan nagtinguha ka sa pagpatay kanako.

1 Samuel 24:14

Ikaw nga usa ka hari sa Israel naglisod-lisod gayod sa pagpangita kanako. Ngano, kinsa ba gayod ako nga imo mang gukdon? Sama lang ako sa usa ka patay nga iro o pulgas.

1 Samuel 24:15

Hinaut nga ang Ginoo mao ang maghukom ug modesisyon kon kinsa ang sad-an kanatong duha. Hinaut nga dunggon niya ako, labanan ug luwason gikan sa imong mga kamot.”

1 Samuel 25:29

“Bisan pa ug adunay mogukod kanimo aron sa pagpatay kanimo, tipigan ka gihapon sa Ginoo nga imong Dios sama sa tawo nga nagtipig sa mahalong butang. Apan ang imong mga kaaway mahisama sa bato nga gibala sa lambayog.