1 Samuel 2:29 - Ang Pulong sa Dios

²⁹ Karon, nganong gihilabtan pa man ninyo ang mga halad nga alang kanako? Nganong mas gitahod mo pa man ang imong mga anak kay kanako? Gipasagdan mo sila nga magpatambok sa ilang kaugalingon sa mga pinakamaayo nga bahin sa mga halad gikan sa mga Israelinhon.

Ang Biblia 2011

²⁹ Nganong gitamay ninyo ang mga inihaw ug mga halad alang kanako nga akong gisugo, ug nagpasidungog sa imong mga anak nga lalaki labaw kay kanako pinaagi sa pagpatambok sa inyong kaugalingon sa mga piniling bahin sa matag halad sa akong katawhan nga Israel?’

Maayong Balita Biblia

²⁹ Nganong gikaibgan man nimo ang akong mga hayop nga ighahalad ug ang mga halad nga akong gisugo nga himoon nimo? Nganong gipasidunggan man nimo ang imong mga anak labaw kay kanako? Gipatambok mo sila pinaagi sa labing maayong bahin sa mga halad sa akong katawhan, ang Israel.’

Ang Bag-ong Maayong Balita Biblia

²⁹ Nganong gikaibgan man nimo ang akong mga hayop nga ighahalad ug ang mga halad nga akong gisugo nga himoon nimo? Nganong gipasidunggan man nimo ang imong mga anak labaw kay kanako? Gipatambok mo sila pinaagi sa labing maayong bahin sa mga halad sa akong katawhan, ang Israel.’

1 Samuel 2:29 Cross References

2 Mga Hari 12:6

Apan hangtod sa ika-23 nga tuig sa paghari ni Joas, wala gihapon mapaayo sa mga pari ang Templo.

Salmo 26:8

Gihigugma ko ang balay nga gipuy-an mo, Ginoo, ang dapit diin makita ang imong pagkagamhanan.

Ezequiel 13:19

Ginapasipad-an ninyo ako atubangan sa akong katawhan tungod lang sa pila ka kumkom nga barley ug pila kabuok pan. Pinaagi sa inyong pagpamakak ngadto sa akong katawhan nga mituo usab sa inyong bakak, gipahayag ninyo nga mamatay kadtong dili angay nga mamatay, ug gipahayag usab ninyo nga mabuhi kadtong angay unta nga mamatay.’

Ezequiel 34:10

Ako, ang Ginoong Dios, nag-ingon nga kaaway ko kamo, ug paninglon ko kamo sa nahitabo sa akong mga karnero. Dili ko na kamo paatimanon sa mga karnero, kay ang inyo lang kaugalingon ang inyong giatiman. Luwason ko ang akong mga karnero gikan kaninyo, ug dili na ninyo sila makaon.

Ezequiel 34:2

“Tawo, sultii ang mga magbalantay sa Israel. Ingna sila nga ako, ang Ginoong Dios, nag-ingon: Alaot ang mga magbalantay sa Israel. Ang ila lang kaugalingon ang ilang giatiman! Dili ba kinahanglan man nga ang mga magbalantay maoy moatiman sa iyang mga karnero?

Oseas 4:8

Malipay kamo nga magpakasala ang akong mga katawhan kay makakaon man kamo sa ilang mga halad sa paghinlo.

Levitico 19:15

“ ‘Kinahanglan nga makatarunganon ug husto ang inyong paghukom sa korte; ayaw kamo pagpabor-pabor sa mga adunahan man o kabos.

Miqueas 3:5

Mao kini ang giingon sa Ginoo: “Alang sa mga propeta nga nagpahisalaag sa iyang katawhan, nga nagsaad ug maayo nga kahimtang sa mga mopakaon kanila, apan manghulga ug kalaglagan sa mga dili mopakaon kanila,

Mateo 10:37

“Apan ang nahigugma sa iyang amahan o sa iyang inahan labaw pa kay kanako dili angay kanako. Ug ang nahigugma sa iyang mga anak labaw pa kay kanako dili angay kanako.

Mateo 22:16

Unya gisugo nila ang uban sa ilang mga tinun-an ug ang pipila ka tawo ni Herodes. Nangutana sila kang Jesus, “Magtutudlo, nasayod kami nga tinuod ang imong gipanulti. Gitudlo mo sa mga tawo ang kamatuoran bahin sa kabubut-on sa Dios. Ug wala ka magpauyon-uyon sa mga tawo bisan kinsa pa sila.

Lucas 14:26

“Kon adunay tawo nga gustong mosunod kanako, apan mas gimahal niya ang iyang mga ginikanan, asawa, mga anak, mga igsoon o ang iyang kaugalingon kay kanako, dili siya mahimong akong tinun-an.

Roma 16:18

Ang mga tawo nga nagbuhat niini wala mag-alagad kang Cristo nga atong Ginoo, kondili ang ilang kaugalingong kagustohan lang ang ilang gipasulabi. Ginapahisalaag nila ang mga tawo nga kulang sa kahibalo pinaagi sa ilang maayo ug madanihon nga mga sinultihan.

2 Mga Taga-Corinto 5:16

Busa karon, dili na kami maghukom sa tawo pinaagi sa tawhanong basihanan. Kaniadto nanghukom kami kang Cristo pinaagi sa tawhanong basihanan apan karon dili na.

Deuteronomio 32:15

“Nagmauswagon ang mga Israelinhon apan nagrebelde sila. Nanambok sila ug milig-on, apan gitalikdan nila ang Dios nga nagbuhat kanila, ug gisalikway nila ang ilang Bato nga salipdanan nga mao ang ilang Manluluwas.

Deuteronomio 33:9

Nagpakita sila ug mas dako nga pag-unong kanimo kaysa ilang mga ginikanan, mga igsoon, ug mga kabataan. Gituman nila ang imong pulong, ug gitipigan nila ang imong kasabotan.

Santiago 3:17

Apan kon aduna kitay kaalam nga gikan sa Dios, una sa tanan, putli ang atong kinabuhi, ug unya maabi-abihon kita, maaghop, maminaw sa katarungan, maluloy-on kaayo, maayo ang atong binuhatan, wala kitay pinalabi ug dili tigpakaaron-ingnon.

Josue 18:1

Human mailog sa tibuok katilingban sa Israel ang yuta, nagtigom silang tanan sa Silo, ug nagtukod ug Tolda nga Tagboanan.

1 Samuel 3:13

Kay giingnan ko siya nga silotan ko ang iyang pamilya hangtod sa kahangtoran tungod kay gipasagdan niya ang iyang mga anak sa ilang gipanghimo nga pagpakasala, bisan ug nahibaloan niya kini.