1 Samuel 18:6 - Ang Pulong sa Dios

⁶ Sa dihang namauli na ang mga Israelinhon human mapatay ni David si Goliat, gitagbo si Saulo sa mga babaye nga naggikan sa tanang lungsod sa Israel. Malipayon silang nanganta ug nanagsayaw nga adunay mga tamborin ug mga harpa.

Ang Biblia 2011

⁶ Samtang namauli sila, human mapatay ni David ang Filistihanon, ang mga babaye nanggula gikan sa tanang siyudad sa Israel nga nag-awit ug nagsayaw aron sa pagsugat kang Hari Saul, uban ang mga gagmayng tambor, uban sa kalipay, uban sa mga awit sa mga tulunggon sa paghoni.

Maayong Balita Biblia

⁶ Usa ka adlaw niana, samtang namauli si David ug si Saul gikan nga nakiggubat sa mga Filistihanon, gisugat sila sa kababayen-an gikan sa mga siyudad sa Israel. Nag-awit ug nagsayaw sila dinuyogan sa mga tambor ug uban pang mga tulunggon.

Ang Bag-ong Maayong Balita Biblia

⁶ Usa ka adlaw niana, samtang namauli si David ug si Saul gikan nga nakiggubat sa mga Filistihanon, gisugat sila sa kababayen-an gikan sa mga siyudad sa Israel. Nag-awit ug nagsayaw sila dinuyogan sa mga tambor ug uban pang mga tulunggon.

1 Samuel 18:6 Cross References

2 Samuel 1:20

Ayaw kini ipanugilon sa Gat, o sa mga dalan sa Ashkelon, kay tingalig maghudyaka ang mga babayeng Filistihanon nga wala nakaila sa Dios.

2 Samuel 6:5

Gaselebrar si David ug ang tanan nga katawhan sa Israel sa presensya sa Ginoo sa tibuok nila nga kusog. Nag-awit sila ug nagtukar sa mga harpa, lira, tamborin, kastanitas, ug simbal.

Salmo 149:3

Dayega siya pinaagi sa pagsayaw; ug pagtukar ug tamborin ug mga harpa sa pagdayeg kaniya.

Salmo 68:11

Nagpadala ang Ginoo ug mensahe, ug daghang mga kababayen-an ang nagbalita niini:

Salmo 68:25

Gauna ang mga mag-aawit, ug sa luyo, ang mga musikero; sa tunga-tunga nila anaa ang mga dalaga nga gatamborin.

Exodo 15:20

Unya si Miriam nga propeta ug igsoon ni Aaron mikuhag tamborin ug gipangunahan ang mga babaye sa pagtamborin ug sa pagsayaw.

Exodo 15:21

Ug mao kini ang iyang awit kanila: “Pag-awit kamo sa Ginoo tungod kay nagmadaogon gayod siya. Gitambog niya sa dagat ang mga kabayo ug ang mga nagsakay niini.”

Isaias 30:32

Sulongon niya sila. Ug ang matag hampak sa Ginoo kanila, duyogan kini sa honi sa tamborin ug harpa.

Mga Maghuhukom 11:34

Mipauli si Jefta sa iyang pinuy-anan sa Mizpa, ug gitagbo siya sa iyang anak nga babaye nga nagsayaw samtang nagtukar ug tamborin. Bugtong siyang anak ni Jefta.

1 Samuel 18:5

Nagmadaogon si David sa tanang mga gipahimo ni Saulo kaniya, busa gihatagan siya ni Saulo ug taas nga ranggo sa mga sundalo. Nagustohan kini sa tanang mga tawo apil usab ang mga opisyal ni Saulo.