1 Samuel 18:5 - Ang Pulong sa Dios

⁵ Nagmadaogon si David sa tanang mga gipahimo ni Saulo kaniya, busa gihatagan siya ni Saulo ug taas nga ranggo sa mga sundalo. Nagustohan kini sa tanang mga tawo apil usab ang mga opisyal ni Saulo.

Ang Biblia 2011

⁵ Ug bisan diin si David paadtoa ni Saul malampuson siya. Busa gibutang siya ni Saul ibabaw sa mga tawo sa gubat. Ug kini maayo sa panan-aw sa katawhan ingon man usab sa panan-aw sa mga sulugoon ni Saul.

Maayong Balita Biblia

⁵ Si David nagmalampuson sa tanan nga gisugo ni Saul kaniya busa gihimo siya ni Saul nga pangulo sa kasundalohan. Ug nakapahimuot kini sa tanang mga tawo ug sa mga opisyal ni Saul.

Ang Bag-ong Maayong Balita Biblia

⁵ Si David nagmalampuson sa tanan nga gisugo ni Saul kaniya busa gihimo siya ni Saul nga pangulo sa kasundalohan. Ug nakapahimuot kini sa tanang mga tawo ug sa mga opisyal ni Saul.

1 Samuel 18:5 Cross References

Genesis 39:23

Wala na maghuna-huna pa ang tigdumala sa prisohan bahin sa mga butang nga gitugyan niya kang Jose, tungod kay uban ang Ginoo kang Jose ug gihatagan siya sa Ginoo ug kalamposan sa tanan niyang gihimo.

2 Samuel 5:10

Misamot ang pagkagamhanan ni David, tungod kay gitabangan siya sa Ginoong Dios nga Makagagahom.

2 Samuel 5:2

Sukad pa kaniadto, bisan sa dihang si Saulo pa ang among hari, ikaw na ang nangulo sa mga Israelinhon sa pagpakig-gira. Ug nag-ingon ang Ginoo kanimo, ‘Atimanon mo ang akong katawhan nga mga Israelinhon sama sa pag-atiman sa usa ka magbalantay sa iyang mga karnero. Ikaw ang mahimo nilang pangulo.’ ”

2 Cronicas 17:3

Giubanan sa Ginoo si Jehosafat tungod kay sa unang mga tuig sa iyang paghari gisunod niya ang pagkinabuhi sa iyang katigulangan nga si David. Wala siya modangop sa mga imahen ni Baal

Salmo 1:3

Sama siya sa kahoy nga gitanom sa daplin sa sapa, nga mamunga sa panahon sa tingbunga, ug dili malaya ang mga dahon. Ug ang tanan niyang buhaton magmalampuson.

Salmo 101:2

Magkinabuhi ako nga walay ikasaway. Kanus-a ka man moanhi kanako? Magkinabuhi ako nga walay ikasaway sa akong palasyo.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.

Mga Buhat 7:10

gitabangan niya siya sa tanang mga pag-antos nga iyang giagian. Gihatagan usab siya sa Dios ug kaalam, busa nagustohan siya sa Paraon, ang hari sa Ehipto. Ang hari naghimo kaniyang pangulo sa tibuok Ehipto ug sinaligan sa tanan niyang kabtangan.

Mga Taga-Efeso 5:17

Ayaw kamo pagpakabuang, kondili sabta ninyo kon unsa ang kabubut-on sa Ginoo alang kaninyo.

Mga Taga-Colosas 4:5

Pagmatngon kamo sa inyong mga paggawi taliwala sa mga dili tumutuo. Ug pahimusli ninyo ang tanang kahigayonan nga kamo makasugilon mahitungod sa inyong pagtuo.

Mga Maghuhukom 1:19

Gitabangan sa Ginoo ang tribo ni Juda, busa nasakop nila ang mga bungtod. Apan wala nila maabog ang mga tawo nga nagpuyo sa mga kapatagan, tungod kay aduna kini mga karwahi nga puthaw.

1 Samuel 13:2

Nagpili si Saulo ug 3,000 ka mga lalaki sa Israel sa pagpakig-gira sa mga Filistihanon. Giuban niya ang 2,000 sa Mikmas ug sa kabungtoran sa Betel, ug ang 1,000 gipauban niya sa iyang anak nga si Jonatan sa Gibea nga sakop sa Benjamin. Ang wala mapili gipapauli niya.

1 Samuel 14:52

Grabe ang gira sa mga Israelinhon tali sa mga Filistihanon sa tibuok kinabuhi ni Saulo. Kon adunay makita si Saulo nga maisog ug kusgan nga tawo, himuon dayon niya kining sundalo.

1 Samuel 18:16

Apan gihigugma gayod sa tanan nga taga-Israel ug taga-Juda si David, tungod kay gipangulohan niya sila sa pagpakig-gira.

1 Samuel 18:30

Padayon nga nakig-gira ang mga Filistihanon sa mga Israelinhon. Ug sa matag gira nila, mas nagmalampuson si David kaysa ubang mga opisyal ni Saulo. Busa nabantog pag-ayo si David.

1 Samuel 18:4

Gihubo niya ang iyang panggawas nga bisti ug gihatag kang David, apil ang iyang kupo, espada, pana, ug bakos.

1 Samuel 18:6

Sa dihang namauli na ang mga Israelinhon human mapatay ni David si Goliat, gitagbo si Saulo sa mga babaye nga naggikan sa tanang lungsod sa Israel. Malipayon silang nanganta ug nanagsayaw nga adunay mga tamborin ug mga harpa.

1 Samuel 3:19

Nagtubo si Samuel nga giniyahan sa Ginoo; ug natuman ang tanang gisulti ni Samuel.