1 Samuel 16:5 - Ang Pulong sa Dios

⁵ Mitubag si Samuel, “Oo! Mianhi ako dinhi aron maghalad sa Ginoo. Panghinlo kamo sa inyong kaugalingon ug uban kanako sa paghalad.” Unya gihimo ni Samuel ang seremonya aron mahimong hinlo si Jesse ug ang iyang mga anak, ug giimbitar niya sila sa paghalad.

Ang Biblia 2011

⁵ Ug siya miingon, “Malinawon, ako mianhi aron sa paghalad alang sa Ginoo; pagbalaan kamo sa inyong kaugalingon, ug uban kanako sa paghalad.” Ug iyang gibalaan si Jesse ug ang iyang mga anak nga lalaki ug mitawag kanila ngadto sa paghalad.

Maayong Balita Biblia

⁵ Miingon siya, “Oo, ania ako aron paghalad ug mananap nga sunogon alang sa Ginoo. Hinloi ninyo ang inyong kaugalingon ug tambong kamo sa paghalad.” Unya gisultihan usab niya si Jesse ug ang iyang mga anak sa paghinlo sa ilang kaugalingon ug gidapit niya sila sa pagtambong sa paghalad.

Ang Bag-ong Maayong Balita Biblia

⁵ Miingon siya, “Oo, ania ako aron paghalad ug mananap nga sunogon alang sa Ginoo. Hinloi ninyo ang inyong kaugalingon ug tambong kamo sa paghalad.” Unya gisultihan usab niya si Jesse ug ang iyang mga anak sa paghinlo sa ilang kaugalingon ug gidapit niya sila sa pagtambong sa paghalad.

1 Samuel 16:5 Cross References

Genesis 35:2

Busa miingon si Jacob sa iyang panimalay ug sa tanan niyang mga kauban, “Ipanglabay ninyo ang inyong mga dios. Panghinlo kamo sa inyong kaugalingon ug pag-ilis kamo sa inyong bisti.

1 Mga Hari 2:13

Unya, si Adonia nga anak ni Hagit miadto kang Batseba nga inahan ni Solomon. Nangutana si Batseba kaniya, “Maayo ba ang imong tuyo sa pag-anhi dinhi?” Mitubag si Adonia, “Oo, maayo.

1 Cronicas 12:18

Unya gigamhan sa Espiritu si Amasai, nga sa kaulahian nahimong pangulo sa 30 ka maisog nga mga sakop ni David, ug miingon: “Imo kami! Dapig kami kanimo, O David, anak ni Jesse! Hinaut nga magmalampuson ka ug ang mga gatabang kanimo, kay ang imong Dios gatabang kanimo.” Busa gidawat sila ni David ug gihimong mga opisyal sa iyang pundok.

Job 1:5

Sa matag human sa kombira, maghalad gayod si Job aron mahinloan ang iyang mga anak. Sayo pa siyang mobangon ug maghalad sa mga halad nga sinunog alang sa tagsa-tagsa niya ka mga anak kay naghuna-huna siya nga basig nakasala ang iyang mga anak ug nakasulti ug daotan batok sa Dios. Mao kini kanunay ang gihimo ni Job.

Exodo 19:10

ug miingon ang Ginoo kaniya, “Adtoa ang mga tawo ug ingna sila nga manghinlo sila sa ilang kaugalingon karon ug ugma. Kinahanglan labhan nila ang ilang mga bisti.

Joel 2:16

Pagtigom kamong tanan, bata man o tigulang, ug himoa ninyo ang seremonya sa paghinlo. Apil ang mga masuso dad-on usab, ug bisan ang bag-ong kinasal moapil sa tigom.

Sofonias 1:7

Pagpakahilom kamo atubangan sa Ginoong Dios, kay ang adlaw sa Ginoo haduol na. Ang Ginoo nag-andam ug mga halad; gibalaan niya ang iyang dinapit.

Numeros 11:8

Mouban kini sa pagpanghugpa sa yamog diha sa kampo sa panahon sa kagabhion. Pamuniton kini sa mga Israelinhon sa yuta kada buntag, unya galingon nila o lubokon. Pagkahuman, lutuon nila kini sa kolon o himuong nipis nga pan. Ang lami niini sama sa pan nga giluto sa mantika.

1 Mga Taga-Corinto 11:28

Kinahanglan magsusi una ang matag-usa sa iyang kaugalingon sa dili pa siya mokaon sa pan ug moinom sa ilimnon.

Josue 3:5

Unya giingnan ni Josue ang mga tawo, “Panghinlo kamo sa inyong kaugalingon kay ugma maghimo ang Ginoo diha kaninyo ug katingalahang mga butang.”

Josue 7:13

“Tindog ug ingna ang katawhan nga manghinlo sa ilang kaugalingon alang sa pag-atubang kanako ugma tungod kay ako, ang Ginoo nga Dios sa Israel, nag-ingon: ‘Kamong mga Israelinhon, aduna kamoy gitago nga mga butang nga gihalad na sa hingpit kanako. Dili kamo makasukol sa inyong mga kaaway hangtod dili makuha kining mga butanga gikan kaninyo.

1 Samuel 20:26

Walay gisulti si Saulo mahitungod kang David niadtong adlawa kay naghuna-huna siya nga tingalig adunay nahimo si David nga nakapahugaw kaniya, busa dili siya takos sa pag-apil sa pista.