1 Samuel 16:4 - Ang Pulong sa Dios

⁴ Gituman ni Samuel ang giingon sa Ginoo. Pag-abot niya sa Betlehem, gitagbo siya sa mga tigdumala sa lungsod nga nagkurog sa kahadlok. Nangutana sila, “Maayo ba ang imong tuyo sa pag-anhi mo dinhi?”

Ang Biblia 2011

⁴ Si Samuel mibuhat sumala sa gisugo sa Ginoo, ug miadto sa Betlehem. Ug ang mga kadagkoan sa siyudad miadto aron sa pagsugat kaniya nga nagkurog ug miingon, “Mianhi ba ikaw nga malinawon?”

Maayong Balita Biblia

⁴ Gituman ni Samuel ang gisugo kaniya sa Ginoo ug miadto siya sa Betlehem. Nagkurog nga misugat kaniya ang mga kadagkoan sa siyudad ug miingon kaniya, “Kalinaw bay imong tuyo kanamo?”

Ang Bag-ong Maayong Balita Biblia

⁴ Gituman ni Samuel ang gisugo kaniya sa Ginoo ug miadto siya sa Betlehem. Nagkurog nga misugat kaniya ang mga kadagkoan sa siyudad ug miingon kaniya, “Kalinaw bay imong tuyo kanamo?”

1 Samuel 16:4 Cross References

Genesis 35:19

Namatay si Raquel ug gilubong siya sa daplin sa dalan nga paingon sa Efrata (nga gitawag karon ug Betlehem).

Genesis 48:7

Nahinumdom ako sa pagkamatay ni Raquel. Gikan kami niadto sa Padan sa among paglakaw paingon sa yuta sa Canaan. Duol na kami sa Efrata nga sakop sa Canaan sa dihang namatay siya, busa gilubong ko na lang siya sa daplin sa dalan nga paingon sa Efrata.” (Ang Efrata gitawag karon nga Betlehem.)

2 Samuel 6:9

Nahadlok si David sa Ginoo niadtong adlawa, ug miingon siya, “Unsaon na lang pagdala sa akong lungsod ang Sudlanan sa Ginoo?”

1 Mga Hari 17:18

Miingon ang babaye kang Elias, “Unsay sala nga nahimo ko kanimo, alagad sa Dios? Mianhi ka ba dinhi sa pagpatay sa akong anak ingon nga silot sa akong mga sala?”

1 Mga Hari 2:13

Unya, si Adonia nga anak ni Hagit miadto kang Batseba nga inahan ni Solomon. Nangutana si Batseba kaniya, “Maayo ba ang imong tuyo sa pag-anhi dinhi?” Mitubag si Adonia, “Oo, maayo.

2 Mga Hari 9:22

Pagkakita ni Joram kang Jehu, gipangutana niya kini, “Maayo ba ang imong tuyo sa pag-anhi dinhi, Jehu?” Mitubag si Jehu, “Unsaon pagkamaayo kon nagpadayon pa gihapon ang pagpamarang ug pagsimba sa mga dios-dios nga gisugdan sa imong inahan nga si Jezebel?”

Oseas 11:10

Mongulob ako sama sa liyon, ug kamo nga akong mga anak magkurog sa kahadlok samtang nagsunod kamo kanako gikan sa kasadpan.

Oseas 6:5

Busa gipahimangnoan ko kamo pinaagi sa akong mga propeta nga malaglag kamo ug mangamatay. Ipadayag ko ang akong paghukom kaninyo sama kahayag sa adlaw.

Lucas 2:4

Mao kini ang hinungdan nga miadto si Jose sa Betlehem nga sakop sa Judea, ang dapit nga natawhan ni Haring David, tungod kay usa siya sa iyang mga kaliwat. Nagpuyo niadto si Jose sa Nazaret nga sakop sa Galilea sa dihang miadto siya sa Betlehem.

Lucas 5:8

Sa pagkakita niini ni Simon Pedro, miluhod siya sa atubangan ni Jesus ug miingon, “Ginoo, pahilayo kanako tungod kay makasasala ako nga tawo.”

Lucas 8:37

Unya ang tanang mga Gerasenhon ug ang mga tawo nga nagpuyo sa ilang palibot mihangyo kang Jesus nga mopahawa siya didto sa ilang dapit, tungod kay dako gayod ang ilang kahadlok. Busa misakay si Jesus sa sakayan ug mibalik sa iyang gigikanan.

1 Samuel 21:1

Unya, miadto si David kang Ahimelec nga pari sa Nob. Nagkurog sa kahadlok si Ahimelec sa dihang nakita niya si David. Nangutana si Ahimelec, “Nganong nag-inusara ka lang?”