1 Samuel 13:4 - Ang Pulong sa Dios

⁴ Nabalitaan sa mga Israelinhon nga nasuko pag-ayo ang mga Filistihanon kanila tungod sa pagsulong ni Saulo sa ilang kampo. Busa nagtigom ang mga Israelinhon uban kang Saulo didto sa Gilgal.

Ang Biblia 2011

⁴ Ang tibuok Israel nakadungog sa giingon nga si Saul nakadaog sa mga sundalo nga nagbantay sa kuta sa mga Filistihanon, ug usab nga ang Israel giila nga dulumtanan sa mga Filistihanon. Ug giawhag ang katawhan sa pagtipon kang Saul didto sa Gilgal.

Maayong Balita Biblia

⁴ Ang tanan nakabalita nga nabuntog ni Saul ang kampo sa mga Filistihanon ug nga gidumtan sila sa mga Filistihanon. Gipatawag ni Saul ang katawhan sa pagtipon kaniya didto sa Gilgal.

Ang Bag-ong Maayong Balita Biblia

⁴ Ang tanan nakabalita nga nabuntog ni Saul ang kampo sa mga Filistihanon ug nga gidumtan sila sa mga Filistihanon. Gipatawag ni Saul ang katawhan sa pagtipon kaniya didto sa Gilgal.

1 Samuel 13:4 Cross References

Genesis 34:30

Unya, miingon si Jacob kang Simeon ug kang Levi, “Gihatagan ninyo ako ug dakong problema. Dumtan na kita karon sa mga Canaanhon ug mga Perisihanon niining dapita. Gamay ra kita kaayo. Mamatay gayod kitang tanan kon maghiusa sila sa pagsulong kanato.”

Genesis 46:34

ingna siya nga sama sa inyong mga ginikanan, magbalantay usab kamo sa kahayopan sukad pa niadtong gagmay pa kamo, aron sa ingon papuy-on niya kamo sa Goshen. Kay ubos ang pagtan-aw sa mga taga-Ehipto sa mga magbalantay ug kahayopan.”

2 Samuel 10:6

Nakaamgo ang mga Amonihanon nga gipalagot nila pag-ayo si David, busa nagsuhol silag 20,000 ka mga sundalong Aramehanon nga taga-Bet Rehob ug taga-Zoba, 1,000 ka mga sundalo gikan sa hari sa Maaca, ug 12,000 ka mga sundalo gikan sa Tob.

Exodo 5:21

Miingon sila kang Moises ug kang Aaron, “Hinaut unta nga silotan kamo sa Ginoo, kay tungod kaninyo nasuko kanamo ang hari ug ang iyang mga opisyal. Tungod sa inyong gihimo nakakita silag hinungdan sa pagpatay kanamo!”

Zacarias 11:8

Nawad-an akog pasensya sa tulo ka magbalantay sa karnero nga nasuko kanako. Busa gipapahawa ko silang tanan sulod lang sa usa ka bulan.

Josue 5:9

Unya miingon ang Ginoo kang Josue, “Karong adlawa gikuha ko gikan kaninyo ang kaulawan sa inyong pagkaulipon sa Ehipto.” Busa kadtong dapita gitawag nga Gilgal hangtod karon.

1 Samuel 10:8

“Unya mag-una ka kanako sa Gilgal. Moapas ako kanimo didto aron sa paghalad sa mga halad nga sinunog ug sa mga halad alang sa pakigda-it. Kinahanglan maghulat ka sulod sa pito ka adlaw hangtod nga makaabot ako, ug sultihan ka nako kon unsa ang imong himuon.”

1 Samuel 27:12

Misalig gayod si Akish kang David ug miingon sa iyang kaugalingon, “Gidumtan na karon si David sa iyang mga katagilungsod nga Israelinhon, busa mahimo ko siyang alagad hangtod sa kahangtoran.”