1 Samuel 13:3 - Ang Pulong sa Dios

³ Gisulong ni Jonatan ang kampo sa mga Filistihanon didto sa Geba, ug nadunggan kini sa ubang mga Filistihanon. Busa nagsugo si Saulo nga patingogon ang mga budyong sa tibuok yuta sa Israel aron sa pagpaandam sa mga Hebreo alang sa gira.

Ang Biblia 2011

³ Nabuntog ni Jonatan ang mga sundalo nga bantay sa kuta sa mga Filistihanon nga didto sa Geba ug ang mga Filistihanon nakadungog niini. Busa gipatingog ni Saul ang trumpeta ngadto sa tibuok yuta ug miingon, “Padungga ang mga Hebreo.”

Maayong Balita Biblia

³ Gibuntog ni Jonatan ang kampo sa mga Filistihanon nga didto sa Geba ug nakabalita niini ang mga Filistihanon. Ug gipatigom ni Saul ang tanang mga Israelita alang sa gubat pinaagi sa pagpatingog sa trumpeta.

Ang Bag-ong Maayong Balita Biblia

³ Gibuntog ni Jonatan ang kampo sa mga Filistihanon nga didto sa Geba ug nakabalita niini ang mga Filistihanon. Ug gipatigom ni Saul ang tanang mga Israelita alang sa gubat pinaagi sa pagpatingog sa trumpeta.

1 Samuel 13:3 Cross References

2 Samuel 2:28

Busa gipatingog ni Joab ang budyong ug miundang ang tanan niyang mga tawo sa paggukod sa mga taga-Israel, ug naundang ang gira.

2 Samuel 20:1

Unya, adunay usa ka tawo didto nga Benjaminhon nga kanunay lang nangita ug samok. Ang iyang ngalan mao si Sheba, ug anak siya ni Bicri. Gipatingog niya ang budyong ug misinggit, “Mga taga-Israel, wala kitay labot kang David nga anak ni Jesse! Mamauli kitang tanan!”

2 Samuel 23:14

ug nailog nila ang Betlehem. Samtang didto si David sa kuta,

Isaias 10:29

Miagi sila sa tabokanan, ug didto natulog sa Geba. Nahadlok ang mga taga-Rama, ug nangikyas ang mga lumulupyo sa Gibea nga mao ang lungsod ni Haring Saulo.

Zacarias 14:10

Mahimong patag ang tibuok yuta gikan sa Geba sa amihan paingon sa Rimon sa habagatan sa Jerusalem. Apan magpabilin nga habog ang Jerusalem sa iyang nahimutangan. Pagapuy-an kini gikan sa Pultahan ni Benjamin paingon sa dapit diin atua ang Karaang Pultahan, ngadto na sa Pultahan sa Eskina; ug gikan sa Tore ni Hananel paingon sa pug-anan sa ubas sa hari. Dili na gayod laglagon pag-usab ang Jerusalem, ug ang mga lumulupyo niini magpuyo na nga luwas sa katalagman.

Josue 18:24

Kefar Amoni, Ofni, ug Geba; 12 ka mga lungsod lakip ang mga baryo sa palibot niini.

Josue 21:17

Gihatag pa gayod kanila ang upat ka mga lungsod gikan sa kayutaan sa tribo ni Benjamin. Kini mao ang Gibeon, Geba, Anatot, ug Almon, lakip ang mga pastohan niini.

Mga Maghuhukom 3:27

Sa pag-abot niya didto sa kabungtoran sa Efraim, nagpatingog siya ug budyong aron sa pagtawag sa mga Israelinhon sa pagpakig-gira. Ug milugsong ang mga Israelinhon gikan sa maong dapit nga pinangulohan ni Ehud.

Mga Maghuhukom 6:34

Gigamhan si Gideon sa Espiritu sa Ginoo ug gipatingog niya ang budyong sa pagtawag sa mga kaliwat ni Abiezer aron sa pagsunod kaniya.

1 Samuel 10:5

“Inig-abot nimo didto sa Bukid sa Dios, diin anaay kampo sa mga Filistihanon, aduna kay matagboan nga grupo sa mga propeta nga galugsong gikan sa simbahanan sa habog nga dapit. Nagtukar silag harpa, tamborin, plawta, ug mga lira, ug nagsugilon sa mensahe sa Dios.

1 Samuel 13:16

Nagkampo si Saulo ug ang iyang anak nga si Jonatan, ug ang iyang mga tawo sa Geba nga sakop sa Benjamin, samtang ang mga Filistihanon nagkampo sa Mikmas.