1 Juan 5:6 - Ang Biblia 2011

⁶ Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.

Ang Pulong sa Dios

⁶ Ang mianhi nga si Jesu-Cristo gipamatud-an nga mao gayod ang Anak sa Dios pinaagi sa tubig sa dihang siya nagpabautismo ug pinaagi usab sa dugo nga giula. Kini dili lang pinaagi sa tubig kondili pinaagi sa tubig ug dugo. Ug kini gipamatud-an usab sa Espiritu kanato, ug nahibaloan nato nga tinuod ang iyang gisulti kay siya ang kamatuoran.

Maayong Balita Biblia

⁶ Ang mianhi mao si Jesu-Cristo ug nailhan ang iyang pag-anhi pinaagi sa tubig ug sa dugo. Nailhan siya dili sa tubig lamang kondili sa tubig ug sa dugo. Ang Espiritu mao ang saksi nga matuod kini kay ang Espiritu kamatuoran man.

Ang Bag-ong Maayong Balita Biblia

⁶ Ang mianhi mao si Jesu-Cristo ug nailhan ang iyang pag-anhi pinaagi sa tubig ug sa dugo. Nailhan siya dili sa tubig lamang kondili sa tubig ug sa dugo. Ang Espiritu mao ang saksi nga matuod kini kay ang Espiritu kamatuoran man.

1 Juan 5:6 Cross References

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Levitico 17:11

Kay ang kinabuhi sa unod anaa sa dugo, ug ako naghatag kaninyo niana aron sa pagtabon sa sala sa inyong mga kalag diha sa ibabaw sa halaran, kay ang dugo mao ang naghimo sa pagtabon sa sala tungod sa kinabuhi.

Zacarias 9:11

Mahitungod usab kanimo, tungod sa dugo sa akong kasabotan uban kanimo, pabuhian nako ang imong mga binilanggo gikan sa usa ka gahong nga walay tubig.

Mateo 26:28

kay kini mao ang akong dugo sa kasabotan, nga iula alang sa daghan aron sa pagpasaylo sa mga sala.

Mateo 3:16

Ug sa gibautismohan na si Jesus, siya mihaw-as dayon gikan sa tubig, ug unya naabli ang kalangitan ug iyang nakita ang Espiritu sa Dios nga mikunsad daw salampati, ug mitugdon kaniya.

Marcos 14:24

Siya miingon kanila, “Kini mao ang akong dugo sa kasabotan nga giula alang sa daghan.

Lucas 22:20

Ug sa samang paagi, human sa panihapon, ang kupa gikuha niya nga nag-ingon, “Kining kupa nga giula alang kaninyo mao ang bag-ong kasabotan diha sa akong dugo.

Juan 14:17

nga mao ang Espiritu sa kamatuoran, nga ang kalibotan dili makadawat tungod kay ang kalibotan dili man makakita kaniya o makaila kaniya. Kamo nakaila na kaniya kay siya nagpuyo man uban kaninyo ug maanaa sa sulod ninyo.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 15:26

Apan inig-abot unya sa Manlalaban nga akong ipadala kaninyo gikan sa Amahan, ang Espiritu sa kamatuoran nga moanhi gikan sa Amahan, kini siya magpamatuod mahitungod kanako.

Juan 16:13

Sa dihang moabot ang Espiritu sa kamatuoran, siya ang magtultol kaninyo ngadto sa tanan nga kamatuoran, kay siya dili magsulti gikan sa iyang kaugalingon apan unsay iyang nadungog iyang isulti, ug ang mga butang nga umaabot iyang ipahibalo kaninyo.

Juan 3:5

Si Jesus mitubag, “Sa pagkatinuod gayod, sultihan ko ikaw, gawas kon ang tawo ipakatawo pinaagi sa tubig ug sa Espiritu, dili siya makasulod sa gingharian sa Dios.

Juan 4:10

Si Jesus mitubag kaniya, “Kon nasayod pa ikaw sa gasa sa Dios ug kon kinsa kining nag-ingon kanimo, ‘Paimna ako,’ mangayo gayod unta ikaw kaniya ug ikaw hatagan unta niya sa buhi nga tubig.”

Juan 4:14

apan si bisan kinsa nga moinom sa tubig nga akong ihatag kaniya dili na gayod uhawon hangtod sa kahangtoran kay ang tubig nga akong ihatag kaniya mahimo diha sa sulod niya nga usa ka tubod sa tubig nga mobul-og ngadto sa kinabuhing dayon.”

Juan 6:55

Kay ang akong unod tinuod nga pagkaon ug ang akong dugo tinuod nga imnonon.

Mga Buhat 8:36

Sa nagpadayon sila sa pagpanaw naabot sila ug tubig, ug ang yunoko miingon, “Tan-awa, anaay tubig! Unsa pa may makapugong sa pagbautismo kanako?”

Roma 3:25

nga gitanyag sa Dios ingon nga halad aron mapasaylo ang sala pinaagi sa iyang dugo, halad nga dawaton pinaagi sa pagtuo. Kini maoy pagpakita sa pagkamatarong sa Dios, kay tungod sa pagkamainantoson sa Dios gisayloan niya ang kasal-anan nga nahimo kaniadto;

Mga Taga-Efeso 1:7

Diha kang Cristo naangkon nato ang pagkatinubos pinaagi sa iyang dugo, ang kapasayloan alang sa atong mga kalapasan, sumala sa kadato sa grasya sa Dios

Mga Taga-Colosas 1:4

kay kami nakadungog man mahitungod sa inyong pagtuo kang Cristo Jesus ug sa gugma nga inyong nabatonan alang sa tanang mga balaan,

1 Timoteo 3:16

Ug dili malalis nga dako gayod ang misteryo sa pagkadiosnon: Siya nadayag diha sa lawas, namatud-an nga matarong diha sa Espiritu, nakita sa mga anghel, gisangyaw taliwala sa kanasoran, gituohan dinhi sa kalibotan, gibayaw ngadto sa himaya.

Tito 3:5

kita iyang giluwas, dili tungod sa mga binuhatan nga atong nahimo diha sa pagkamatarong, kondili tungod sa iyang kaluoy, pinaagi sa paghugas ngadto sa bag-ong pagkatawo ug sa pagbag-o pinaagi sa Espiritu Santo

Mga Hebreo 10:29

Sa inyong paghunahuna, unsa pa kaha ka bug-at sa silot nga mahiagoman sa tawo nga miyatak sa Anak sa Dios, ug nagpakawalay bili sa dugo sa kasabotan nga pinaagi niini siya gibalaan, ug nanamastamas sa Espiritu sa grasya?

Mga Hebreo 12:24

ug kang Jesus, ang tigpataliwala sa usa ka bag-ong kasabotan, ug sa binisibis nga dugo nga nagsulti sa labi pa ka maayong pulong kay sa dugo ni Abel.

Mga Hebreo 13:20

Karon hinaot nga ang Dios sa kalinaw nga nagbanhaw sa atong Ginoong Jesus, ang dakong magbalantay sa mga karnero, pinaagi sa dugo sa dayon nga kasabotan,

Mga Hebreo 9:14

labaw pa gayod ang mahimo sa dugo ni Cristo, nga pinaagi sa Espiritu nga dayon mihalad sa iyang kaugalingon nga walay buling ngadto sa Dios aron sa paghinlo sa atong tanlag gikan sa mga patayng binuhatan aron mag-alagad sa Dios nga buhi.

Mga Hebreo 9:7

Apan ngadto sa ikaduhang bahin ang labawng pangulong pari mao lamang ang makasulod, ug kini makausa sa usa ka tuig. Siya magdala ug dugo nga iyang ihalad alang sa iyang kaugalingon ug sa mga sala sa katawhan nga wala tuyoa.

1 Pedro 1:2

nga gipili sumala sa nahibaloan nang daan sa Dios nga Amahan ug gibalaan sa Espiritu ngadto sa pagkamasinugtanon kang Jesu-Cristo ug pagbisibis sa iyang dugo: Ang grasya ug kalinaw modagaya unta diha kaninyo.

1 Pedro 3:21

Agig hulagway niini, ang bautismo, nagluwas kaninyo karon dili ingon nga paghugas sa buling gikan sa lawas kondili ingon nga pangamuyo ngadto sa Dios alang sa hinlo nga tanlag, pinaagi sa pagkabanhaw ni Jesu-Cristo,

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 4:10

Niini ania ang gugma, dili nga kita nahigugma sa Dios kondili nga siya nahigugma kanato ug nagpadala sa iyang Anak nga halad sa pasig-uli alang sa atong mga sala.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 5:9

Ug nag-awit sila sa usa ka bag-ong awit nga nag-ingon, “Takos ikaw sa pagkuha sa basahong linukot ug sa pagbukas sa mga silyo niini, kay ikaw mao man ang gipatay ug pinaagi sa imong dugo gilukat nimo ang mga tawo alang sa Dios, gikan sa tanang kabanayan ug pinulongan ug katawhan ug kanasoran,

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.