1 Juan 5:6 - Ang Bag-ong Maayong Balita Biblia

⁶ Ang mianhi mao si Jesu-Cristo ug nailhan ang iyang pag-anhi pinaagi sa tubig ug sa dugo. Nailhan siya dili sa tubig lamang kondili sa tubig ug sa dugo. Ang Espiritu mao ang saksi nga matuod kini kay ang Espiritu kamatuoran man.

Ang Biblia 2011

⁶ Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.

Ang Pulong sa Dios

⁶ Ang mianhi nga si Jesu-Cristo gipamatud-an nga mao gayod ang Anak sa Dios pinaagi sa tubig sa dihang siya nagpabautismo ug pinaagi usab sa dugo nga giula. Kini dili lang pinaagi sa tubig kondili pinaagi sa tubig ug dugo. Ug kini gipamatud-an usab sa Espiritu kanato, ug nahibaloan nato nga tinuod ang iyang gisulti kay siya ang kamatuoran.

Maayong Balita Biblia

⁶ Ang mianhi mao si Jesu-Cristo ug nailhan ang iyang pag-anhi pinaagi sa tubig ug sa dugo. Nailhan siya dili sa tubig lamang kondili sa tubig ug sa dugo. Ang Espiritu mao ang saksi nga matuod kini kay ang Espiritu kamatuoran man.

1 Juan 5:6 Cross References

Ezequiel 36:25

Buboan ko kamog limpyong tubig ug malimpyo kamo sa tanan ninyong kahugawan lakip sa inyong pagsimbag mga diosdios.

Levitico 17:11

Kay ang kinabuhi anaa sa dugo ug gihatag ko kini kaninyo aron gamiton sa pagpapas sa sala alang sa inyong kinabuhi diha sa halaran kay ang dugo man, ingon nga tinubdan sa kinabuhi, ang makapapas sa sala.

Zacarias 9:11

Bahin usab kanimo, tungod sa dugo nga giula aron paglig-on sa akong kasabotan uban kanimo, buhian ko ang imong katawhan nga gipamihag gikan sa mga atabay nga walay tubig.

Mateo 26:28

“kini mao ang akong dugo nga naglig-on sa kasabotan, ang akong dugo nga gipaagas alang sa daghan aron sa pagpasaylo sa mga sala.

Mateo 3:16

Human gayod sa pagbunyag kang Jesus, mikawas siya sa tubig. Unya naabli ang langit ug nakita niya ang Espiritu sa Dios nga mipaubos daw salampati ug mitugdon kaniya.

Marcos 14:24

Miingon si Jesus, “Kini mao ang akong dugo nga giula alang sa daghan ug naglig-on sa kasabotan sa Dios.

Lucas 22:20

Human sa panihapon, gikuha usab niya ang kupa ug nagpasalamat siya sa Dios. Gihatag niya kini kanila ug miingon siya, “Kining kupa mao ang bag-ong kasabotan sa Dios, tiniman-an sa akong dugo nga giula alang kaninyo].

Juan 14:17

Siya mao ang Espiritu sa kamatuoran. Ang kalibotan dili makahimo pagdawat kaniya kay dili man kini makakita o makaila kaniya. Apan kamo nakaila kaniya kay nag-uban siya ug nagpuyo diha kaninyo.

Juan 14:6

Si Jesus mitubag, “Ako ang dalan, ang kamatuoran ug ang kinabuhi. Walay makaadto sa Amahan kon dili moagi kanako.

Juan 15:26

“Moanhi ang Magtatabang nga mao ang Espiritu nga nagpadayag sa kamatuoran nga gikan sa Amahan. Ipadala ko siya gikan sa Amahan ug magsaksi siya mahitungod kanako.

Juan 16:13

Apan inig-abot sa Espiritu sa kamatuoran, tultolan kamo niya sa tibuok kamatuoran. Dili siya magsulti sa iyang kaugalingong pagbuot kondili sultihan kamo niya sa iyang nadungog ingon man sa mga butang umaabot.

Juan 3:5

Si Jesus mitubag, “Sultihan ko ikaw: walay makasulod sa Gingharian sa Dios gawas kon matawo siya pinaagi sa tubig ug sa Espiritu.

Juan 4:10

Si Jesus mitubag, “Kon nasayod ka pa unta sa gasa sa Dios, ug kon kinsa kining nangayo kanimog tubig, mangayo ka gayod unta kaniya ug hatagan ka niyag tubig nga naghatag sa kinabuhi.”

Juan 4:14

apan ang moinom sa tubig nga akong ihatag kaniya dili na gayod uhawon. Kay ang tubig nga akong ihatag mahimo diha kaniya nga usa ka tuboran nga mohatag ug buhing tubig ug kinabuhing walay kataposan.”

Juan 6:55

Kay ang akong unod mao ang matuod nga pagkaon ug ang akong dugo mao ang matuod nga ilimnon.

Mga Buhat 8:36

Ug samtang nagpanaw sila nahiabot sila sa usa ka dapit nga may tubig ug ang opisyal miingon, “Ania may tubig, nganong dili mo man ako bunyagan?”

Roma 3:25

Gihatag siya sa Dios aron pinaagi sa iyang dugo mapasaylo ang mga sala sa motuo kaniya. Niining paagiha gipakita sa Dios ang iyang pagkamatarong ug tungod sa iyang pagkamapailubon wala niya tagda ang ilang mga sala kaniadto.

Mga Taga-Efeso 1:7

Kay gilukat kita pinaagi sa dugo ni Cristo, sa ato pa, napasaylo na ang atong mga sala. Pagkadako gayod sa grasya sa Dios

Mga Taga-Colosas 1:4

kay nakabalita kami mahitungod sa inyong pagtuo kang Cristo Jesus ug sa inyong gugma alang sa tanang katawhan sa Dios

1 Timoteo 3:16

Walay makalimod unsa kadako ang tinago sa atong relihiyon: Nagpakita siya ingon nga tawo, ug namatud-an nga matarong pinaagi sa Espiritu, ug nakita siya sa mga anghel. Giwali siya ngadto sa kanasoran, gituohan dinhi sa kalibotan, ug gibayaw ngadto sa langit.

Tito 3:5

Giluwas kita niya. Kini dili tungod sa bisan unsang maayo nga atong nabuhat kondili tungod sa iyang kaluoy. Giluwas kita niya pinaagi sa paghugas kanato aron kita matawo pag-usab ug makabaton ug bag-ong kinabuhi diha sa Espiritu Santo.

Mga Hebreo 10:29

Karon, unsa may angay nga buhaton ngadto sa tawo nga nagtamay sa Anak sa Dios ug nag-isip nga walay bili ang dugo sa kasabotan nga naghinlo kaniya? Ug unsa may mahitabo sa magbugalbugal sa Espiritu nga naghatag ug grasya? Sigurado gayod nga mas bug-at ang silot nga ipahamtang kaniya!

Mga Hebreo 12:24

Miduol kamo kang Jesus nga maoy naghimo sa bag-ong kasabotan ug ngadto sa gibisibis nga dugo nga nagdalag mas maayong mensahe kay sa dugo ni Abel.

Mga Hebreo 13:20

Karon, ang Dios sa kalinaw nga nagbanhaw sa atong Ginoong Jesus, ang Gamhanang Magbalantay sa mga karnero, pinaagi sa dugo sa walay kataposang kasabotan,

Mga Hebreo 9:14

Kon tinuod man kini, unsa pa kadako ang nahimo sa dugo ni Cristo! Pinaagi sa walay kataposang Espiritu gihalad niya ang iyang kaugalingon ingon nga hingpit nga halad ngadto sa Dios. Ang iyang dugo maoy maghinlo sa atong mga konsensya sa walay kapuslanang mga buhat aron mag-alagad kita sa buhing Dios.

Mga Hebreo 9:7

Apan ang Pangulong Pari lamang ang makasulod sa tolda nga anaa sa sulod. Himoon kini niya makausa lamang matag tuig. Magdala siyag dugo nga iyang ihalad sa Dios alang sa iyang kaugalingon ug alang sa mga sala sa mga tawo nga wala makahibalo nga nakahimo diay sila niini.

1 Pedro 1:2

Gipili kamo sumala sa tuyo sa Dios nga Amahan ug gihimong balaang katawhan pinaagi sa iyang Espiritu aron magmasinugtanon kamo kang Jesu-Cristo ug mahinloan sa iyang dugo. Mainyo unta ang grasya ug pakigdait sa Dios.

1 Pedro 3:21

Naghulagway kini sa bunyag nga karon nagluwas kaninyo, dili pinaagi sa paghugas sa buling sa inyong lawas kondili pinaagi sa pangaliyupo ngadto sa Dios gikan sa usa ka hinlo nga konsensya. Ang bunyag nagluwas kaninyo pinaagi sa pagkabanhaw ni Jesu-Cristo.

1 Juan 1:7

Apan kon magpuyo kita sa kahayag, ingon nga ang Dios anaa sa kahayag, magkahiusa kita ug ang dugo ni Jesus nga iyang Anak maghugas sa tanan natong kasal-anan.

1 Juan 4:10

Ang matuod nga gugma mao kini: dili kita maoy unang naghigugma sa Dios kondili siya maoy unang naghigugma kanato. Gipadala niya ang iyang Anak aron pinaagi kaniya mapasaylo ang atong mga sala.

Gipadayag 1:5

ug gikan kang Jesu-Cristo, ang kasaligang saksi, ang unang gibanhaw nga mao usab ang nagmando sa mga hari sa kalibotan. Gihigugma kita niya ug pinaagi sa iyang dugo giluwas kita niya sa atong mga sala.

Gipadayag 5:9

Nag-awit sila ug bag-ong awit: “Takos ka sa pagkuha sa linukot nga basahon ug sa pagtangtang sa mga silyo niini. Kay gipatay ka ug pinaagi sa imong dugo gitubos mo ang katawhan alang sa Dios, gikan sa tanang banay, pinulongan, katawhan, ug kanasoran.

Gipadayag 7:14

Gitubag ko siya, “Sir, nasayod ka kinsa sila.” Ug miingon siya kanako, “Mao kini sila ang nakalahutay sa dakong paglutos. Gilabhan nila ang ilang mga bisti ug gipaputi nila kini sa dugo sa Nating Karnero.