2 Samuel 24:2 - Ang Pulong sa Dios Busa miingon si Haring David kang Joab ug sa mga komander sa mga sundalo, “Lakaw kamo sa tanang tribo sa Israel, gikan sa Dan hangtod sa Beersheba, ug ihapa ninyo ang mga tawo, aron mahibaloan ko kon pila silang tanan.” Ang Biblia 2011 Busa ang hari miingon kang Joab ug sa mga tigmando sa kasundalohan nga didto uban kaniya, “Adtoa ninyo ang tanang banay sa Israel, gikan sa Dan ngadto sa Beer-seba ug ipha ang mga tawo aron mahibaloan nako ang gidaghanon sa mga tawo.” Maayong Balita Biblia Busa giingnan ni David si Joab nga komandante sa kasundalohan, “Adtoa ninyo ang tanang banay sa Israel gikan sa Dan ngadto sa Berseba ug ipha ang mga tawo aron masayran ko ang gidaghanon sa mga tawo.” Ang Bag-ong Maayong Balita Biblia Busa giingnan ni David si Joab nga komandante sa kasundalohan, “Adtoa ninyo ang tanang banay sa Israel gikan sa Dan ngadto sa Berseba ug ipha ang mga tawo aron masayran ko ang gidaghanon sa mga tawo.” |
Pagkaugma, sayo kaayong mikuha si Abraham ug pagkaon ug tubig nga nasulod sa panit nga sudlanan, ug gibutang niya kini sa abaga ni Hagar. Unya gipalakaw niya si Hagar uban sa bata. Nagbaklay sila sa kamingawan sa Beersheba nga wala masayod kon asa sila paingon.
“Busa tambagan ka nako nga tigoma gayod ang tanang mga Israelinhon gikan sa Dan hangtod sa Beersheba, nga daw sama kadaghan sa balas sa baybayon. Ug ikaw mismo ang mangulo kanila sa pagpakig-gira.
Gitagbo sila ni Joab nga anak ni Zeruya ug sa mga tawo ni David didto sa bangag nga pundohanan ug tubig sa Gibeon. Nanglingkod ang grupo ni Abner sa usa ka bahin sa pundohanan ug tubig ug ang grupo ni Joab didto usab sa atbang.
Ang pangulo sa tibuok kasundalohan sa Israel mao si Joab. Ang pangulo sa mga badigard ni David nga mga Keretnon ug mga Peletnon mao si Benaya nga anak ni Jehoyada.
si Zelek nga taga-Amon; si Naharai nga taga-Beerot, nga maoy tigdala sa armas ni Joab nga anak ni Zeruya;
Busa nagpadala ang Ginoo ug katalagman sa Israel gikan niadtong buntaga hangtod sa panahon nga iyang gitakda. Ug 70,000 ka tawo ang namatay gikan sa Dan hangtod sa Beersheba.
Misaad ang Ginoo nga dili na niya paharion ang mga kaliwat ni Saulo ug si David na ang iyang paharion sa Israel ug sa Juda, gikan sa Dan hangtod sa Beersheba.”
Ang nangulo sa iyang mga sundalo mao si Joab nga anak ni Zeruya. Ang nagdumala sa mga kasulatan sa gingharian mao si Jehosafat nga anak ni Ahilud.
Busa miingon si David kang Joab ug sa mga komander sa mga sundalo, “Lakaw kamo, ug ihapa ninyo ang mga Israelinhon gikan sa Beersheba hangtod sa Dan. Unya balik kamo dinhi aron mahibaloan ko kon pila silang tanan.”
Apan sa dihang miabot ang mga opisyal gikan sa Babilonia aron pagsusi bahin sa katingalahang mga panghitabo sa Juda, gipasagdan siya sa Dios, aron sulayan kon unsa gayod ang anaa sa iyang kasing-kasing.
Ang kahambogiro sa tawo maghatod kaniya sa kaulawan, apan ang pagkamapainubsanon makahatag kaniyag dungog.
Miingon pa gayod ang Ginoo: “Panghimaraoton ko ang tawo nga mobiya kanako ug mosalig sa tawo nga molig-on kaniya.
Aron dili nako mapalabian ang pagpasigarbo tungod sa kahibulongan nga mga gipadayag sa Dios kanako, gitugotan niya si Satanas nga hatagan ako ug deperensya sa lawas. Gipasagdan sa Dios nga paantuson ako ni Satanas niining akong deperensya aron dili ako magpasigarbo.
Ang tanang mga Israelinhon, gikan sa Dan hangtod sa Beersheba ug gikan sa Gilead nagtigom sa Mizpa, atubangan sa Ginoo.