Jeremias 17:5 - Ang Pulong sa Dios

⁵ Miingon pa gayod ang  Ginoo: “Panghimaraoton ko ang tawo nga mobiya kanako ug mosalig sa tawo nga molig-on kaniya.

Ang Biblia 2011

⁵ Mao kini ang giingon sa Ginoo, “Tinunglo ang tawo nga nagsalig sa tawo ug naghimo sa unod nga maoy iyang kusog, nga ang kasingkasing mibiya sa Ginoo.

Maayong Balita Biblia

⁵ Nag-ingon ang Ginoo, “Silotan ko ang tawo nga motalikod kanako ug mosalig hinuon sa mga tawo ug sa kusog sa tawo.

Ang Bag-ong Maayong Balita Biblia

⁵ Nag-ingon ang Ginoo, “Silotan ko ang tawo nga motalikod kanako ug mosalig hinuon sa mga tawo ug sa kusog sa tawo.

Jeremias 17:5 Cross References

2 Cronicas 16:12

Sa ika-39 nga tuig sa paghari ni Asa, nag-antos siya sa sakit sa tiil. Bisan grabe na ang iyang sakit, wala siya mangayo ug tabang sa Ginoo; didto hinuon siya midangop sa mga mananambal.

2 Cronicas 32:8

Mga tawo lang ang iyang kauban. Apan ang Ginoo nga atong Dios mao ang atong kauban. Siya ang motabang kanato ug makig-away alang kanato.” Nadasig ang mga tawo sa gisulti ni Ezequias nga hari sa Juda.

Salmo 18:21

Kay gisunod ko ang imong mga pamaagi ug wala ako mobiya kanimo, Ginoo, nga akong Dios.

Salmo 62:9

Ang mga tawo, dungganon man o dili, dili kasaligan. Managsama ra sila nga walay pulos. Kon timbangon sila, mas gaan pa sila kaysa hangin.

Isaias 2:22

Ayaw na kamo pagsalig sa tawo kay mamatay ra siya. Unsa ba gayod ang iyang matabang?

Isaias 20:5

Ang mga misalig sa Etiopia ug nagpasigarbo sa Ehipto malisang ug maulawan.

Isaias 36:6

Ang Ehipto ba? Kini nga nasod ug ang iyang hari sama lang sa gabok nga baston nga kon imong itukod mabali ug makasamad sa kamot.

Isaias 59:15

Oo, nawala na ang kamatuoran, ug ang mga naglikay sa paghimog daotan gilutos. Nakita kini sa Ginoo, ug wala niya ikalipay ang pagkawalay hustisya.

Jeremias 11:3

Ingna sila nga ako, ang  Ginoo, nga Dios sa Israel, nag-ingon nga tunglohon ko ang tawo nga dili motuman sa lagda niini nga kasabotan.

Ezequiel 6:9

ingon nga mga bihag. Didto mahinumdoman nila ako, ug makaamgo sila nga gipaguol nila ako sa ilang pagluib ug pagpatuyang sa mga dios-dios. Kangil-aran nila ang ilang kaugalingon tungod sa ilang daotan ug mangil-ad nga mga buhat.

Oseas 1:2

Mao kini ang unang gisulti sa Ginoo kang Oseas: “Pangasawa ug babayeng maluibon, ug ang inyong mga anak isipon nga mga anak sa babayeng maluibon. Kay sama kaniya, ang akong mga katawhan daw nanapaw usab pinaagi sa ilang pagsalikway sa Ginoo ug sa pagsimba sa mga dios-dios.”