2 Samuel 24:3 - Ang Pulong sa Dios

³ Apan mitubag si Joab sa hari, “Hinaut pa nga padaghanon sa Ginoo nga imong Dios ang imong katawhan sa 100 ka pilo, ug hinaut nga makita mo kini. Apan Mahal nga Hari, nganong gusto man nimong buhaton kining butanga?”

Ang Biblia 2011

³ Apan si Joab miingon sa hari, “Ang Ginoo nga imong Dios magdugang unta ngadto sa katawhan ug usa ka gatos ka pilo sa ilang gidaghanon samtang ang mga mata sa akong agalon makakita pa niini, apan nganong nahimuot ang akong agalong hari niining butanga?”

Maayong Balita Biblia

³ Apan giingnan ni Joab ang hari, “Kamahalan, maayo unta nga pasanayon sa Ginoo ang mga tawo ug usa ka gatos ka pilo sa ila karong gidaghanon, samtang makita pa kini sa hari. Apan nganong gikalipay man sa akong agalon nga hari kining butanga?”

Ang Bag-ong Maayong Balita Biblia

³ Apan giingnan ni Joab ang hari, “Kamahalan, maayo unta nga pasanayon sa Ginoo ang mga tawo ug usa ka gatos ka pilo sa ila karong gidaghanon, samtang makita pa kini sa hari. Apan nganong gikalipay man sa akong agalon nga hari kining butanga?”

2 Samuel 24:3 Cross References

2 Samuel 10:12

Pagmaisogon kamo! Makig-gira kita nga adunay kaisog alang sa atong katawhan ug sa mga lungsod sa atong Dios. Himuon sa Ginoo kon unsa ang maayo sumala sa iyang kabubut-on.”

2 Samuel 24:4

Apan namugos gayod si David, busa milakaw si Joab ug ang mga opisyal sa mga sundalo aron sa pag-ihap sa katawhan sa Israel.

Salmo 115:14

Hinaut nga kamo ug ang inyong mga kaliwat padaghanon sa Ginoo.

Mga Panultihon 14:28

Ang pagkagamhanan sa hari nagdepende sa kadaghan sa iyang katawhan; kon wala ang iyang katawhan mapukan ang hari.

Isaias 60:5

Malipay ka gayod inigkakita mo niini. Mag-awas gayod sa kalipay ang imong kasing-kasing kay ang mga bahandi sa mga nasod ug sa kadagatan pagadad-on diha kanimo.

Deuteronomio 1:11

Hinaut pa nga ang Ginoo, nga Dios sa inyong mga katigulangan, magpadaghan pa gayod kaninyo sa liniboan ka pilo, ug panalanginan niya kamo sumala sa iyang gisaad.