Tungod kay nahigugma si Jacob kang Raquel, miingon siya kang Laban, “Moalagad ako kanimo ug pito ka tuig kon ipaminyo mo kanako si Raquel.”
2 Samuel 13:1 - Ang Pulong sa Dios Adunay matahom nga anak si David nga ginganlag Tamar, ug igsoon siya ni Absalom. Ug kini si Amnon, nga igsoon ni Tamar sa amahan, nakagusto kaniya. Ang Biblia 2011 Unya si Absalom nga anak ni David may usa ka igsoong babaye nga maanyag nga ginganlan ug Tamar. Ug si Amnon nga anak ni David nahigugma kaniya. Maayong Balita Biblia Si Absalom nga anak ni David may igsoong babaye nga guwapa nga ginganlag Tamar. Nahigugma kaniya si Amnon, laing anak ni David. Ang Bag-ong Maayong Balita Biblia Si Absalom nga anak ni David may igsoong babaye nga guwapa nga ginganlag Tamar. Nahigugma kaniya si Amnon, laing anak ni David. |
Tungod kay nahigugma si Jacob kang Raquel, miingon siya kang Laban, “Moalagad ako kanimo ug pito ka tuig kon ipaminyo mo kanako si Raquel.”
Busa mialagad si Jacob kang Laban ug pito ka tuig aron mapangasawa niya si Raquel. Tungod sa iyang paghigugma kang Raquel murag pila lang ka adlaw alang kaniya ang pito ka tuig.
Nahulog ang iyang pagbati kang Dina ug nagustohan niya kini, busa gialam-alaman niya ang dalaga.
Nakita sa mga anak sa Dios nga maanyag ang mga babaye. Busa gipangasawa nila si bisan kinsa nga ilang nagustohan.
Usa niana ka hapon, sa gasalop na ang adlaw, mibangon si David gikan sa iyang higdaanan ug naglakaw-lakaw didto sa patag nga atop sa palasyo. Samtang naglantaw-lantaw siya sa ubos, aduna siyay nakita nga usa ka matahom kaayo nga babaye nga naligo.
Unya naglagot si Amnon kaniya, ug ang iyang kalagot milabaw kay sa iyang paghigugma niini. Miingon si Amnon kaniya, “Bangon ug lakaw!”
Apan dili niya mahimo ang iyang gusto nga himuon kang Tamar tungod kay dalaga kini nga putli ug kanunay adunay nagbantay kaniya. Tungod niini, naglain ang iyang buot hangtod nga nagsakit siya.
Si Absalom adunay tulo ka mga anak nga lalaki ug usa ka babaye. Ang ngalan sa babaye si Tamar, ug guwapa kaayo siya.
Daghang mga babaye nga dili Israelinhon ang gihigugma ni Haring Solomon. Gawas sa anak sa hari sa Ehipto, adunay mga asawa pa gayod siyang mga Moabihanon, Amonihanon, Edomihanon, Sidonhon, ug mga Hitihanon.
Ang ikatulo mao si Absalom nga ang inahan mao si Maaca nga anak sa hari sa Geshur nga si Talmai. Ang ikaupat mao si Adonia nga ang inahan mao si Hagit.
Mao kini sila ang mga anak nga lalaki ni David, gawas sa uban pa niyang mga anak nga lalaki sa uban pa niya nga mga asawa. Adunay anak pud si David nga babaye nga mao si Tamar.
Ang pagkamadanihon malimbongon, ug ang katahom lumalabay lang; apan ang babaye nga nagtahod sa Ginoo angay nga dayegon.