2 Samuel 12:31 - Ang Pulong sa Dios

³¹ Gibihag niya ang mga lumulupyo niini ug gipatrabaho ginamit ang mga gabas, piko, ug atsa. Gipahimo usab silag mga tisa. Mao kini ang iyang gihimo sa mga lumulupyo sa tanang lungsod sa mga Amonihanon. Unya mipauli si David ug ang tanan niyang mga sundalo ngadto sa Jerusalem.

Ang Biblia 2011

³¹ Iyang gipagawas ang mga tawo nga atua didto ug gipatrabaho sila ginamit ang gabas, ang piko nga puthaw ug ang wasay nga puthaw ug gipatrabaho didto sa hudno nga pagbahanan sa tisa. Mao kini ang iyang gihimo sa tanang mga siyudad sa mga Amonihanon. Ug si David ug ang tanang katawhan mipauli sa Jerusalem.

Maayong Balita Biblia

³¹ Ug gidala niya ang mga tawo sa siyudad ug sila gihimo niyang mga tiggabas, tigbugwal ug tigbugha ug iyang gipatrabaho sila sa pagbahanan sa mga tisa. Gibuhat niya kini sa tanang siyudad sa mga Amonihanon. Unya si David ug ang tanang katawhan mipauli sa Jerusalem.

Ang Bag-ong Maayong Balita Biblia

³¹ Ug gidala niya ang mga tawo sa siyudad ug sila gihimo niyang mga tiggabas, tigbugwal ug tigbugha ug iyang gipatrabaho sila sa pagbahanan sa mga tisa. Gibuhat niya kini sa tanang siyudad sa mga Amonihanon. Unya si David ug ang tanang katawhan mipauli sa Jerusalem.

2 Samuel 12:31 Cross References

2 Samuel 8:2

Napildi usab ni David ang mga Moabihanon. Gipahigda niya sila sa yuta nga naglaray ug gisukod ug pisi. Ang masakop sa kada duha ka sukod sa pisi gipamatay ug ang masakop sa ikatulo ka sukod gitugotan nga mabuhi. Ang mga Moabihanon nga wala gipamatay nahimong mga ulipon ni David ug nagbayad silag buhis kaniya.

1 Cronicas 20:2

Miadto si David sa Raba, ug gikuha niya ang bulawan nga korona gikan sa ulo sa hari sa mga Amonihanon ug gibutang sa iyang ulo. Adunay gibug-aton nga mga 35 ka kilo ang korona, ug aduna kini mga batong mahalon. Daghang mga kabtangan ang nakuha ni David niadto nga siyudad.

1 Cronicas 20:3

Giulipon niya ang mga lumulupyo niini ug gipatrabaho ginamit ang mga gabas, piko, ug atsa. Mao kini ang gihimo ni David sa mga lumulupyo sa tanan nga lungsod sa mga Amonihanon. Unya mipauli si David ug ang iyang tibuok kasundalohan sa Jerusalem.

Jeremias 43:9

“Samtang gatan-aw ang katawhan sa Juda, pagkuha ug dagkong bato ug ilubong kini sa minasang yutang kolonon, sa agianan pasulod sa puloy-anan sa hari sa Ehipto dinhi sa Tahpanhes.

Amos 1:13

Mao kini ang gisulti sa Ginoo bahin sa Amon: “Tungod sa padayon nga pagpakasala sa mga taga-Amon, silotan ko gayod sila. Gipanglaplapan nila ang tiyan sa mga babayeng mabdos sa Gilead aron lang maangkon kining yutaa.

Amos 1:14

Busa sunogon ko ang mga paril sa Raba apil ang lig-ong mga bahin niini. Madungog ang pagsinggit sa ilang mga kaaway nga nagsulong kanila nga daw naghaguros nga bagyo.

Amos 1:3

Mao kini ang gisulti sa Ginoo bahin sa Siria: “Tungod sa padayon nga pagpakasala sa mga taga-Damasco, silotan ko gayod sila. Gipasipad-an nila pag-ayo ang mga taga-Gilead,

Mga Hebreo 11:37

Ang uban gibato hangtod nga namatay, ang uban gigabas hangtod naputol, ug ang uban pa gayod gipamatay pinaagi sa espada. Ang uban kanila nagbisti na lang ug panit sa karnero ug kanding. Labihan sila kakabos, ug gilutos ug gipasipad-an sa mga tawo.

Josue 10:15

Unya mibalik si Josue ug ang tanang Israelinhon sa ilang kampo sa Gilgal.