1 Samuel 6:2 - Ang Pulong sa Dios gipatawag sa mga Filistihanon ang ilang mga pari ug mga babaylan ug gipangutana, “Unsay among himuon sa Sudlanan sa Ginoo? Sultihi kami kon unsaon namo kini pag-uli sa iyang dapit.” Ang Biblia 2011 Ug ang mga Filistihanon mitawag sa mga pari ug sa mga tigpanagna ug miingon, “Unsay atong buhaton sa sudlanan sa kasabotan sa Ginoo? Sultihi kami kon unsaon namo kini pagpadala ngadto sa iyang dapit.” Maayong Balita Biblia Usa ka adlaw niana, gipatawag sa mga kadagkoan sa Filistihanon ang ilang mga pari ug ang mga manalagna ug gipangutana nila, “Unsay angay natong buhaton sa Sudlanan sa Kasabotan sa Ginoo. Unsaon man nato pag-uli niini sa iyang dapit?” Ang Bag-ong Maayong Balita Biblia Usa ka adlaw niana, gipatawag sa mga kadagkoan sa Filistihanon ang ilang mga pari ug ang mga manalagna ug gipangutana nila, “Unsay angay natong buhaton sa Sudlanan sa Kasabotan sa Ginoo. Unsaon man nato pag-uli niini sa iyang dapit?” |
Nianang pagkabuntag, nahasol ang huna-huna sa hari tungod sa iyang mga damgo, busa gipatawag niya ang tanang mga madyikero ug maalamon nga mga tawo sa Ehipto. Gisugilon niya kanila ang iyang mga damgo, apan wala gayoy usa kanila nga nakasaysay sa kahulogan niadto.
Gipatawag dayon sa hari ang iyang maalam nga mga tawo ug mga madyikero ug pinaagi sa ilang mga madyik, nahimo usab nila ang sama niadto nga milagro.
Tinuod nga gisalikway mo, Ginoo, ang imong katawhan, ang mga kaliwat ni Jacob, kay daghan silag mga tinuohan nga gikan sa sidlakan ug naghimo usab silag mga pagpanagna sama sa mga Filistihanon. Nakig-uyon sila sa mga kinaiya sa mga langyaw.
Gipatawag niya ang iyang mga madyikero, mga espiritista, mga mamamarang, ug mga manalagna, aron isaysay ang iyang mga damgo. Busa miadto sila sa hari
Busa misinggit siya nga tawgon ang mga maalamon nga tawo sa Babilonia, mga astrologo, ug mga espiritista. Pag-abot nila, miingon ang hari, “Kon kinsa ang makabasa nianang nasulat sa dingding ug makahubad sa kahulogan niini, pasul-oban ko ug harianong bisti ug pakuwintasan ug bulawan, ug himuon ko siyang ikatulong labing labaw nga opisyal sa akong gingharian.”
Busa gipatawag niya ang tanan nga kadagkoan sa mga pari ug mga magtutudlo sa Kasugoan, ug nangutana siya kanila kon asa matawo ang Mesiyas.
Busa gipatawag nila ang tanang pangulo sa mga Filistihanon ug gipangutana, “Unsa ang atong himuon sa Sudlanan sa Dios sa Israel?” Mitubag sila, “Dad-on nato kini sa Gat.” Busa gidala nila ang Sudlanan sa Dios sa Israel ngadto sa Gat.