1 Samuel 5:3 - Ang Pulong sa Dios Sayo kaayo sa pagkasunod nga adlaw, nakita sa mga taga-Ashdod ang rebulto ni Dagon nga nakulob atubangan sa Sudlanan sa Ginoo. Gipatindog nila kini ug gibalik sa iyang nahimutangan. Ang Biblia 2011 Sa pagbangon sa katawhan sa Asdod sayo sa pagkasunod adlaw, nakita nila si Dagon nga natumba nga naumod atubangan sa sudlanan sa kasabotan sa Ginoo. Busa ilang gikuha si Dagon ug gipahiluna kini sa dapit nga iyang nahimutangan. Maayong Balita Biblia Pagmata sa katawhan sa Asdod sayo sa pagkasunod adlaw nakita nila si Dagon nga nakulob na didto sa yuta atubangan sa Sudlanan sa Kasabotan sa Ginoo. Busa gikuha nila si Dagon ug gipahiluna pagbalik sa iyang dapit. Ang Bag-ong Maayong Balita Biblia Pagmata sa katawhan sa Asdod sayo sa pagkasunod adlaw nakita nila si Dagon nga nakulob na didto sa yuta atubangan sa Sudlanan sa Kasabotan sa Ginoo. Busa gikuha nila si Dagon ug gipahiluna pagbalik sa iyang dapit. |
Busa gikuha sa mga propeta ni Baal ang torong baka nga gidala kanila, ug giandam nila kini. Unya nag-ampo sila kang Baal gikan sa buntag hangtod sa udto. Misinggit sila, “O Baal, tubaga kami!” Nagsayaw-sayaw sila libot sa halaran nga ilang gihimo. Apan walay mitubag.
Adunay mga kamot, apan dili makakupot; adunay mga tiil, apan dili makalakaw, ug dili gani makatingog.
Naulawan ang tanang nagsimba sa mga imahen ug nagpasigarbo sa mga dios. Kamong tanang mga dios, moyukbo kamo sa pagsimba sa Dios.
“Niana gayong gabhiona molabay ako sa Ehipto ug pamatyon ko ang tanang kamagulangang anak nga mga lalaki sa mga Ehiptohanon, lakip ang tanang unang laki nga anak sa ilang mga kahayopan. Silotan ko ang tanang dios sa Ehipto. Ako mao ang Ginoo.
Kini nga mensahe bahin sa Ehipto: Pamati! Nagsakay ang Ginoo sa tulin nga panganod padulong sa Ehipto. Sa iyang pag-abot, mangurog sa kahadlok ang mga dios-dios sa Ehipto, ug malisang ang mga Ehiptohanon.
O sa mga dios-dios ba nga kahoy nga dili daling magabok ug gipahimo sa kabos nga tawo ngadto sa maayong mopanday aron dili matumba?
Nagdinasigay sa usag usa ang mga panday, platero, ug uban pang mga trabahante nga nanghimo ug mga dios-dios, nga nag-ingon, “Maayo ang atong trabaho.” Unya gilansang nila ang dios-dios sa iyang butanganan aron dili matumba.
Pas-anon nila kini, ug unya itungtong sa iyang butanganan, ug magpabilin kini didto. Dili na kini makapahawa didto. Kon adunay mag-ampo niini, dili kini motubag; dili kini makaluwas kanila gikan sa ilang mga kalisod.
Mga hungog silang tanan ug mga buang-buang. Ang mga pagtulon-an sa ilang mga dios-dios nga kahoy walay pulos.
Ang Ginoo mahimong kahadlokan alang kanila sa dihang gun-ubon na niya ang mga dios sa kalibotan. Ang mga nasod sa halayo moluhod kaniya, silang tanan didto sa ilang mga yuta.
Ug kon makita siya sa mga tawo nga adunay daotan nga mga espiritu, mohapa sila sa iyang atubangan ug mosinggit, “Ikaw ang Anak sa Dios!”