1 Samuel 5:4 - Ang Pulong sa Dios

⁴ Apan pagkasunod nga buntag, nakita na usab nila kining nakulob atubangan sa Sudlanan sa Ginoo. Ang ulo ug duha ka kamot niini putol na, ug didto na kini sa may pultahan; ang lawas na lang ang nahibilin.

Ang Biblia 2011

⁴ Apan sa ilang pagbangon sayo sa pagkasunod buntag, si Dagon natumba na usab sa atubangan sa sudlanan sa kasabotan sa Ginoo, ug ang ulo ni Dagon ug ang duha niini ka kamot nangaputol nga didto na nahimutang sa tugkaran ug ang lawas ni Dagon mao ray nahibilin kaniya.

Maayong Balita Biblia

⁴ Apan sayo sa pagkasunod adlaw, si Dagon nakulob na usab sa yuta atubangan sa Sudlanan ug ang ulo ug mga kamot ni Dagon didto na sa pultahan sa templo.

Ang Bag-ong Maayong Balita Biblia

⁴ Apan sayo sa pagkasunod adlaw, si Dagon nakulob na usab sa yuta atubangan sa Sudlanan ug ang ulo ug mga kamot ni Dagon didto na sa pultahan sa templo.

1 Samuel 5:4 Cross References

Isaias 27:9

Mapasaylo lang sila kon gub-on nila ang ilang mga bato nga halaran ug dugmokon nila kini, ug wad-on nila ang mga poste nga simbolo sa diosa nga si Ashera, ug ang mga halaran nga sunoganan nilag insenso.

Isaias 40:20

O sa mga dios-dios ba nga kahoy nga dili daling magabok ug gipahimo sa kabos nga tawo ngadto sa maayong mopanday aron dili matumba?

Jeremias 10:11

Sultihi kanang nagsimba sa ubang mga dios niini: “Mahanaw sa kalibotan ang inyong mga dios nga dili maoy nagmugna sa kalibotan ug kalangitan.”

Jeremias 10:14

Mga hungog ug buang-buang ang mga tawong nagsimba sa mga dios-dios. Maulawan ang mga platero tungod sa ilang mga dios-dios, kay mini kini. Wala kini kinabuhi.

Jeremias 10:15

Talamayon kini ug walay pulos. Sa panahon sa pagsilot malaglag silang tanan.

Jeremias 50:2

“Ipahibalo ngadto sa mga nasod ang balita! Ipataas ang bandera ug ipahibalo sa tanan. Malaglag ang Babilonia! Mangadugmok ug maulawan ang iyang mga dios-dios apil na si Bel ug si Marduk.

Daniel 11:8

Dad-on niya sa Ehipto ang mga rebulto sa ilang mga dios ug ang ilang mahalon nga mga kabtangan nga hinimo sa bulawan ug plata. Sulod sa pila ka tuig, dili siya makiggubat sa hari sa Siria.

Miqueas 1:7

Mangadugmok ang tanang mga imahen sa mga dios-dios sa Samaria, ug mangasunog ang tanang pilak ug bulawan nga gibayad ngadto sa mga babaye nga nagbaligya sa ilang dungog diha sa templo. Nakatigom ang Samaria ug mga imahen pinaagi sa mga gibayad ngadto sa mga babaye nga nagbaligya sa ilang dungog diha sa templo, busa karon kuhaon sa iyang mga kaaway ang mga pilak ug mga bulawan nga gihaklap diha sa iyang mga imahen aron nga gamiton usab nga pangbayad sa mga babaye nga nagbaligya sa ilang dungog.”