Exodo 12:12 - Ang Pulong sa Dios

¹² “Niana gayong gabhiona molabay ako sa Ehipto ug pamatyon ko ang tanang kamagulangang anak nga mga lalaki sa mga Ehiptohanon, lakip ang tanang unang laki nga anak sa ilang mga kahayopan. Silotan ko ang tanang dios sa Ehipto. Ako mao ang Ginoo.

Ang Biblia 2011

¹² Kay molatas ako nianang gabhiona sa yuta sa Ehipto ug pamatyon nako ang tanang kamagulangan sa yuta sa Ehipto, tawo ug mananap, ug hukman nako ang tanang diosdios sa Ehipto. Ako ang Ginoo.

Maayong Balita Biblia

¹² “Nianang gabhiona suroyon ko ang Ehipto ug pamatyon ang tanang panganayng anak sa tawo ug sa mananap. Silotan ko ang tanang diosdios sa Ehipto. Ako ang Ginoo.

Ang Bag-ong Maayong Balita Biblia

¹² “Nianang gabhiona suroyon ko ang Ehipto ug pamatyon ang tanang panganayng anak sa tawo ug sa mananap. Silotan ko ang tanang diosdios sa Ehipto. Ako ang Ginoo.

Exodo 12:12 Cross References

1 Cronicas 14:12

Gibiyaan sa mga Filistihanon ang ilang mga dios-dios didto, busa mimando si David nga pangsunogon kadto.

Salmo 135:8

Gipamatay niya ang mga kamagulangang anak nga lalaki sa mga Ehiptohanon, ingon man ang unang anak sa ilang mga mananap.

Salmo 82:1

Gipangulohan sa Dios ang panagtigom sa mga pangulo; ug gihukman niya sila.

Salmo 82:6

“Nakaingon na ako kaninyo, ‘Mga dios kamo; tanan kamo mga anak sa Labing Halangdong Dios.

Salmo 91:7

Bisan linibo pa ka mga tawo ang mangamatay sa imong palibot, ikaw dili maunsa.

Salmo 95:3

Kay ang  Ginoo gamhanan nga Dios. Gamhanan siya nga hari ug labaw sa tanang mga dios.

Exodo 12:23

kay molabay ang Ginoo sa Ehipto sa pagpamatay sa mga kamagulangang anak nga lalaki sa mga Ehiptohanon. Apan kon makita sa Ginoo ang dugo sa ibabaw ug sa isigka-kilid sa inyong mga pultahan, molabay lang siya sa inyong mga balay ug dili niya tugotan ang Tiglaglag nga mosulod sa inyong mga balay aron sa pagpamatay.

Exodo 18:11

Karon nahibaloan ko na nga ang Ginoo mas labaw sa tanang mga dios, kay giluwas niya ang mga Israelinhon sa mga Ehiptohanon nga midaog-daog kanila.”

Exodo 21:6

dad-on siya sa iyang agalon sa presensya sa Dios. Ug didto sa pultahan tusokan sa iyang agalon ang iyang dalunggan nga nakapaod sa pultahan, ug mahimo na siyang ulipon sa iyang agalon hangtod sa hangtod.

Exodo 22:28

“Ayaw ninyo pasipalahi ang Dios ug ayaw ninyo panghimaraota ang inyong pangulo.

Exodo 6:2

Miingon pa gayod ang Dios kang Moises, “Ako mao ang Ginoo.

Exodo 9:6

Tuod man gihimo gayod kini sa Ginoo. Nangamatay ang tanang mga kahayopan sa mga Ehiptohanon, apan wala gayoy namatay sa mga kahayopan sa mga Israelinhon.

Isaias 19:1

Kini nga mensahe bahin sa Ehipto: Pamati! Nagsakay ang  Ginoo sa tulin nga panganod padulong sa Ehipto. Sa iyang pag-abot, mangurog sa kahadlok ang mga dios-dios sa Ehipto, ug malisang ang mga Ehiptohanon.

Jeremias 43:12

Daoban niya ang mga templo sa mga dios sa Ehipto; sunogon niya ang mga dios niini o dad-on ingon nga mga bihag. Kuhaan niya sa tanang bililhong kabtangan ang yuta sa Ehipto, sama sa pagkuha sa magbalantay sa karnero sa mga kuto gikan sa iyang bisti, ug mobiya siya gikan didto nga wala maunsa.

Jeremias 43:13

Dugmokon niya ang mga sagradong haligi sa Heliopolis, sa yuta sa Ehipto, ug sunogon niya ang mga templo sa mga dios sa Ehipto.’ ”

Jeremias 46:25

Nagpadayon sa pagsulti ang  Ginoo nga Makagagahom, ang Dios sa Israel, “Silotan ko si Amon nga dios sa Tebes, ug ang ubang mga dios sa Ehipto. Silotan ko usab ang hari sa Ehipto ug ang iyang mga hari, apil ang mga nagsalig kaniya.

Ezequiel 12:16

Apan tugotan ko ang pipila kanila nga makalingkawas sa gubat, sa kagutom, ug sa mga balatian aron isugilon nila ngadto sa mga nasod nga ilang adtoan ang ilang mangil-ad nga mga buhat. Unya mahibaloan nila nga ako mao ang  Ginoo.”

Amos 5:17

Adunay mga panaghilak usab diha sa mga tamnanan sa ubas, kay moanha ako sa pagsilot kaninyo. Ako, ang  Ginoo, ang nag-ingon niini.”

Sofonias 2:11

Ang Ginoo mahimong kahadlokan alang kanila sa dihang gun-ubon na niya ang mga dios sa kalibotan. Ang mga nasod sa halayo moluhod kaniya, silang tanan didto sa ilang mga yuta.

Numeros 33:4

nga naglubong sa tanan nilang kamagulangang mga anak nga lalaki nga gipamatay sa Ginoo, kay gihukman sa Ginoo ang ilang mga dios.

1 Samuel 5:3

Sayo kaayo sa pagkasunod nga adlaw, nakita sa mga taga-Ashdod ang rebulto ni Dagon nga nakulob atubangan sa Sudlanan sa Ginoo. Gipatindog nila kini ug gibalik sa iyang nahimutangan.